фзо – Kurir.mk

Мицкоски обелодени Извештај на ФЗО: Колку и да има луѓе чиј основен мотив е криминалот, животот на човекот е неприкосновен!

Ивана Ефремовски — Thu, 02 Nov 2023 12:29:29 +0000

„Ова што го држам во ракава е Извештај од ФЗО. Овој Извештај е практично извештај од извршена вонредна финансиска контрола на условниот надоместок во УКРО Скопје, УКРО е Универзитетска клиника за радиологија и онкологија“, изјави претседателот на ВМРО-ДПМНЕ, Христијан Мицкоски на денешната прес-конференција. Претседателот додаде дека периодот кој е опфатен во извештајот е за две години. „Периодот кој е опфатен во овој Извештај, внимавајте, е за МЗ две години, т.е. Опфатени се во овој вонреден контролен инспекциски надзор јавните набавки за периодот од 1 август 2021 година заклучно со 1 август 2023 година. Попрецизен да бидам, тоа е периодот после оној период за кој зборуваа од Владата дека е опфатен со предистрагата, односно дека до 2021 година се правело што се правело, а после тоа се било според правилата. Еве овој Извештај го опфаќа работењето, јавните набавки на МЗ во периодот од 1 август 2021 до 1 август 2023. Овој Извештај во јавноста се уште го нема. И исто така е опфатен периодот за јавните набавки само на УКРО за 4 месеци, и тоа декември 2022, јануари, февруари, март 2023 година“, кажа Мицкоски. Претседателот е дециден дека животот на човекот е неприкосновен. „Доколку внимателно го анализирате Извештајот, колку и да има луѓе чиј основен мотив е криминалот, животот на човекот е неприкосновен. Ова што го држам во ракава е Извештај од ФЗО. Овој Извештај е практично извештај од извршена вонредна финансиска контрола на условниот надоместок во УКРО Скопје, УКРО е Универзитетска клиника за радиологија и онкологија. Периодот кој е опфатен во овој Извештај, внимавајте, е за МЗ две години, те. Опфатени се во овој вонреден контролен инспекциски надзор јавните набавки за периодот од 1 август 2021 година заклучно со 1 август 2023 година. Попрецизен да бидам, тоа е периодот после оној период за кој зборуваа од Владата дека е опфатен со предистрагата, односно дека до 2021 година се правело што се правело, а после тоа се било според правилата. Еве овој Извештај го опфаќа работењето, јавните набавки на МЗ во периодот од 1 август 2021 до 1 август 2023. Овој Извештај во јавноста се уште го нема. И исто така е опфатен периодот за јавните набавки само на УКРО за 4 месеци, и тоа декември 2022, јануари, февруари, март 2023 година“, заклучи Мицкоски.

Фатон Ахмети поднесе оставка од директорската функција на ФЗО

Катерина Бојаџиева — Tue, 15 Aug 2023 11:58:52 +0000

Директорот на Фондот за здравствено осигурување, Фатон Ахмети, во Фејсбук статус сподели дека поднесува оставка од функцијата генерален директор на Фондот за здравствено осигурување (ФЗО). - Ве известувам дека, денеска, поднесов оставка од функцијата Генерален Директор на Фондот за здравствено осигурување на Република Северна Македонија, напиша Ахмети, кој доаѓа од редовите на ДУИ. Тој подолу во објавата вели дека својот ангажман ќе го продолжи фокусирајќи се на партиските задачи, со максимална посветеност во реализација на, како што вели, „визијата на Али Ахмети“.

Мицкоски за крахот на ФЗО: Таму работат неспособни директори од СДС и ДУИ, кои никој не ги повика на одговорност, иако здравствените работници не добиваат редовно плата и немаше пристап до податоците

Ивана Ефремовски — Tue, 21 Feb 2023 12:34:26 +0000

Во јавноста две работи се важни да се кажат, првиот, дека здравствените работници не добиваат редовно плата, вториот факт, е дека нешто не е во ред со ФЗО, односно дека Фондот нема пристап до податоците на осигурениците, зошто е тоа така не знам. Дали е хакерски напад, дали е не знам каков нападат, дали е нешто трето или итн, рече претседателот на ВМРО-ДПМНЕ, Христијан Мицкоски одговарајќи на новинарско прашање за крахот на ФЗО и здравствениот систем за време на посетата на Свети Николе. За што станува збор, рече Мицкоски, не знам и јас не би можел сега од оваа призма да кажам. Но, додаде тој, знам едно дека таму работат неспособни директори кои никој не ги повика на одговорност и од ДУИ и од СДСМ. „Заштитени се и наместо обвинителството да се позанимава со овој случај, обвинителството бега како ѓавол од темјан од целата оваа работа“, посочи Мицкоски. Претседателот на ВМРО-ДПМНе укажа „изминатиов период шајка не забодеа, пет и пол години се власт, ниту изградија нешто, ниту реновираа нешто, камо па клинички центар. „Единственото нешто што го направија го расикнаа договорот со изведувачот за клиничката болница во Скопје за кој граѓаните сега треба да плаќаат 20-тина милиони евра отштета на компанијата. Да заклучам здравството не ни е на пат кон пропаст, туку здравството ни е пропаднато. Тоа е суштината и здравствените работници ја имаат нашата целосна поддршка во овој случај дека тие треба да го добијат она што им е изработено“, посочи Мицкоски.

ВМРО-ДПМНЕ: Директорите на ФЗО фрлаат 5 милиони за автомобили, а народот нема инсулин

Ивона Петрова — Sat, 29 May 2021 07:23:12 +0000

Директорите на ФЗО фрлаат 5 милиони за автомобили, а народот нема инсулин. Со 5 милиони ФЗО ќе купи две амбулатни возила, но за директорите на Заев поважна им е личната комоција, велат од ВМРО-ДПМНЕ. Од партијата посочуваат дека во изминатава година имало недостатоци на инсулин и клексан, недостасуваат многу неопходни работи, но директорите на Заев во ФЗО сепак трошат на лимузини. -Двата директори на Заев во ФЗО немаат проблем со тоа што народот собира пари за операции во странство преку СМС, и наместо за помош, парите ги трошат на комоција. Директорите на ФЗО се однесуваат како и самиот Заев кој во ек на криза кога заговара и зголемување на даноците зема 45 нови автомобили за министрите и директорите. СДСМ се одлепени од реалноста. А додека тие уживаат во луксузот кој си го купуваат со народни пари ќе ни умираат луѓе по планини затоа што нема да има возило кое ќе им се прати, стои во партиското соопштение.

ФОТО: Двајцата директори од ФЗО кои ќе возат супер луксузни службени автомобили

Катерина Бојаџиева — Thu, 27 May 2021 20:39:32 +0000

Директорите на Фондот за здравствено осигурување Стево Крстевски и Фатон Ахмети ќе возат автомобили на Форд марка „Mondeo titanium“. Двата автомобили чинат над 5 милиони денари или околу 80 илјади евра. Според информациите, набавката е направена затоа што им се потребни нови возила, бидејќи сегашните кои ги возат биле стари. Ова се биографиите на двајцата директори на ФЗО. Стево Крстевски е именуван за В.Д Директор во Фонд за здравствено осигурување на Република Северна Македонија на 03 ноември 2020 година. Стево Крстевски е роден на 14.05.1984 година во Велес. Во академската 2002 до 2006 година дипломира економски факултет, насока Сметководство и Ревизија на Универзитетот Св. “Кирил и Методиј” во Скопје ПРЕТХОДНО ИСКУСТВО Од 2008 – 2016 година на позиција Управител на Vojce DOOEL Велес Од 2017 – 2020 година на позиција Управител на Account Office-SKS-DOOEL Велес. Советник во Општина Велес од 2017-2020 година. Компјутерски вештини MS Office пакетот Познавање на странски јазик Англиски јазик Женет татко на едно дете. Фатон Ахмети, роден 1987 година, во Тетово, Република Северна Македонија. Има завршено дипломски студии по фармација, магистерски студии по фармацевтски науки и магистерски студии по бизнис администрација – менаџмент. Во периодот 2009-2017 бил ангажиран на различни проекти во здравствениот сектор, на повеќе позиции: проект менаџер, менаџер на квалитет, менаџер на корисничка поддршка и аналитичар на работни процеси. Во периодот 2017-2019 ја извршувал функцијата државен секретар во Владата на Република Северна Македонија – Секретаријат за спроведување на Охридскиот рамковен договор. Во периодот 2019-2020 бил ангажиран како раководител на одделение во Министерство за политички систем и односи меѓу заедниците. Зборува течно албански јазик (мајчин јазик), македонски и англиски. Има солидни познавања на германски јазик, а се служи со турскиот, српскиот и хрватскиот јазик. Владее со напредни вештини во ИТ технологија како: пакетот Microsoft Office (Word, Excel, PowerPoint, Access, Outlook, Visio, Project). Поседува одлични вештини при користење на апликации за научни истражувања како IBM SPSS и MegaStat. Од 2005 година е член на Демократска унија за интеграција, актуелно е член на Централниот Совет. Брачна состојба: женет, татко на едно дете. ВМРО-ДПМНЕ: Директорите на Заев во ФЗО да се откажат од луксузните автомобили, во корист на набавка на болнички возила За оваа набавка, денеска реагираа и од ВМРО-ДПМНЕ. -Купување на луксузни автомобили во ек на пандемија и безпарица со буџетски пари за директорите на ФЗОМ се граничи со лудост и е доказ колку СДСМ се одлепени од реалноста, велат во партиското соопштение. -Власта нема пари за болнички возила, за инсулини и клексани, ама има за два ултра луксузни Форд Мондео титаниум. – Срамота! Стево Крстевски и Фатон Ахмети, двајцата директори на ФЗОМ кои ги купуваат возилата за себе веднаш да го раскинат договорот и со истите пари да набават две болнички возила. Овааа набавка е уште понесфатлива ако се земе предвид фактот дека владата набавува 45 возила за министрите и директорите. Ова е врв на расипништво и не сакање да се скрати од луксуз во време кога на народот му го земаат лебот од уста. Како се чувствуваат Крстевски и Ахмети кога би седнале во луксузните лимузини, знаејќи дека половина милион луѓе живеат со 2 евра на ден, 60.000 останаа без работа изминатата година, 6.200 фирми се затворија? Како можат да се луксузираат со народни пари, а на народот да му зголемуваат даноци и да му го земаат и последниот денар?, прашуваат од ВМРО-ДПМНЕ.

ВМРО-ДПМНЕ: Директорите на Заев во ФЗО да се откажат од луксузните автомобили, во корист на набавка на болнички возила

Тале Кристо — Thu, 27 May 2021 07:10:25 +0000

Купување на луксузни автомобили во ек на пандемија и безпарица со буџетски пари за директорите на ФЗОМ се граничи со лудост и е доказ колку СДСМ се одлепени од реалноста, велат во партиското соопштение од ВМРО-ДПМНЕ.

Власта нема пари за болнички возила, за инсулини и клексани, ама има за два ултра луксузни Форд Мондео титаниум. – Срамота!

Стево Крстевски и Фатон Ахмети, двајцата директори на ФЗОМ кои ги купуваат возилата за себе веднаш да го раскинат договорот и со истите пари да набават две болнички возила.

Овааа набавка е уште понесфатлива ако се земе предвид фактот дека владата набавува 45 возила за министрите и директорите. Ова е врв на расипништво и не сакање да се скрати од луксуз во време кога на народот му го земаат лебот од уста.

Како се чувствуваат Крстевски и Ахмети кога би седнале во луксузните лимузини, знаејќи дека половина милион луѓе живеат со 2 евра на ден, 60.000 останаа без работа изминатата година, 6.200 фирми се затворија? Како можат да се луксузираат со народни пари, а на народот да му зголемуваат даноци и да му го земаат и последниот денар?, прашуваат од ВМРО-ДПМНЕ.

Власта со заеми ја пополнува дупката на Ден Дончев во ФЗО

Тале Кристо — Wed, 14 Oct 2020 16:36:33 +0000

Со заем од Меѓународната банка за обнова и развој за финансирање на проектот за итно справување со Ковид-19, Собранието вчера го донесе Законот за задолжување на Република Македонија во висина од 90 милиони евра. Со овој нов заем, граѓаните се втурнуваат во ново задолжување, дотолку повеќе што и воопшто не е јасно за што точно ќе се трошат тие пари. Пратениците на ВМРО-ДПМНЕ на вчерашната собраниска седница ја обвини власта за нетранспарентност и неотчетност, бидејќи нема никакви објаснувања за што точно ќе се трошат тие средства. -Зошто токму во Фондот ќе се префрлаат толку многу пари не е јасно. Дали се планира да се поддржи финансиската одржливост на Фондот за здравствено осигурување, бидејќи таму постои финансиски проблем. Дали тоа е да се покрие дупката направена од претходниот негов директор, праша пратеничката од ВМРО-ДПМНЕ Марија Петрушевска. Ако се земат впредвид крими-аферите на претходниот директор на Фондот, Ден Дончев тогаш логично е пратеничката група на ВМРО-ДПМНЕ, а и граѓаните да се посомневаат дека тие 34 милиони евра власта ќе ги употреби за пополнување на дупката во ФЗОМ кој ја направи токму тој додека раководеше со Фондот. Но, Јавното обвинителство тогаш покрена истрага, но не потврди и не откри детали дали станува збора за поголема афера во која Дончев е вмешан, бидејќи како што знае целата јавност истрагата би можела да стигне како до Зоран Заев. Обвинителството за организиран криминал преку Управата за финансиско разузнавање само утврди дека Дончев во 2018-та година добил 3 милиони денари или околу 50 илјади евра од македонска компанија регистрирана за интернет-портали со седиште во Муртино "Ремаркет " чии приливи пак, доаѓале исклучиво од австралиската "Мегантик". Името на екс директорот на ФЗОМ се поврзуваше и со аферата "Рекет 2" во која сопственичката на "Диамед" го обвини дека се обидел да спречи странска инвестиција да влезе во Македонија. И тогаш против Дончев и против министерот за здравство Венко Филипче е поднесена кривична пријава, во која оштетената скопјанка Вера Иванова тврди дека двајцата сториле кривично дело злоупотреба на службена положба и овластување. Во пријавата се вели дека двајцата ја оштетиле и неа, но и буџетот на Република Македонија, во обид да стопираат влез на странска инвестиција во државата вредна 11,5 милиони евра.

Здружението „Храбро срце“: До кога ФЗО ќе ги игнорира нашите барања

Super Admin — Tue, 02 Jun 2020 11:26:37 +0000

Здружението „Храбро срце“, формирано од пациентите со механичка потпора на срцето и нивните поддржувачи бараат властите да ги изедначи сите луѓе кои се соочуваат со ваква состојба и согласно искуствата во другите земјите да го покриваа пост-оперативниот процес. Од Здружението потенцираат дека Фондот за здравствено осигурување го покрива оперативниот процес, односно вградувањето на механичките, циркулаторни помагала-пумпи за срце, но нема никаква помош околу набавка на материјалите за одржување на пумпите и здравствената кондиција на пациентите особено за оние кои операциите ги имаат направено во странство или во приватни ординации.

- По поставување на пумпите животот и извршувањето на секојдневните функции со помош на овие помагала е далеку поразличен од регуларниот начин на живот. Потребно е редовно мерење на коагулацијата на крв со апарат кој чини околу 1000 евра, потоа ленти за тој апарат и слично. Бидејќи секој пациент има отворена рана во пределот на стомакот потребна е редовно одржување на хигиена со специјални стерилизирани материјали, сетови за преврски,како и лекови и средства со антисептичко својство. Материјалите и апаратите се преку потребни за одржување на еден нормален пост-оперативен процес, кој трае и ќе трае, а ги подмируваме од сопствени финансии, велат од Здружението.

Кога станува збор за рутинските контроли и дополнителните прегледи, постои поделба помеѓу пациентите, односно членовите на нашето здружение наведуваат од „Храбро срце“.

- Пациентите оперирани во државна клиника не плаќаат ништо, оперираните во странство делумно им рефундира Фондот, а додека оперираните пациенти во Жан Митрев се си плаќаат од свој џеб. Оперираните во државните установи еднаш неделно може да одат за преврски и мерење на коагулација на крвта. Зарем другите не сме ние осигуреници на оваа држава Зарем треба да молиме за нашите права да бидат остварени?? Кој е тој што има обврска да ја помогне нашата ситуација и дали ќе продолжиме самостојно да го носиме сиот финансиски терет. Веќе четири месеци чекаме одговор од Фондот за здравствено осигурување, велат од Здружението.

Лефков: Поткуп и притисоци во Кочани од страна на СДСМ и директорката на ФЗО Кочани, Ангелова

Тале Кристо — Fri, 15 May 2020 18:19:28 +0000

Повеќеодочигледно е дека Општинската организацијана СДСМ во Кочани преку нивната кандидатка прават најгруба повреда на изборниот процес, и тоа на директна штета на демократијата. Имено, ја искористуваат општата социјална состојба и сиромаштијата, за да влијаат врз остварување на правото на глас и во Кочани не скриено и без срам делат поткуп, реагира претседателот на ОК на ВМРО-ДПМНЕ Кочани Миле Лефков. Со Кривично дело “поткуп при избори и гласање” направено е инкриминирање и на активното поткупување кое се состои во нудење, давање или ветување подарок или друга лична корист на лице со избирачко право, со намера да се придобие да го врши, да не го врши или да го врши избирачкото право во определена смисла. Токму тоа што е опишано во кривичното дело се случува пред очите на кочанската јавност, имено Директоркатана ФЗО Кочани и кандидат за пратеник од СДСМ Марија Ангелова, деновиве дели брашно и зејтин на гласачи во Кочани. Дополнително СДСМ прават списоци за гласање со тоа што ги лажат граѓаните од социјалноранливите групи и им ветуваат дека ќе добијат помош ако се запишат на нивните “списоци”. За бедата да биде поголема, ОО на СДСМ во текот на вчерашниот ден, започна и платена кампања на ФБ со сликите на кои директорката дели помош. Штозначи СДСМ плаќаат пари, за граѓаните да ги видат сликите како се дели помош на сиромашните. Додека цела држава и граѓаните се борат со пандемијата, тие успеаа борбата со пандемијата да ја претворат во партиска кампања и изговор за делење на партиски поткуп и за правење списоци. Сега кога од СДСМ гледаат дека им претстои дебакл, се обидуваат со очајни методи да го ублажат огромниот поразот кој им престои токму овде во Кочани. Ама тука им е веќе крајот и за ваквите постапки одговорност ќе има.

ФЗО задолжен да изнајде решение за мајките на кои им завршува породилното отсуство

Катерина Бојаџиева — Tue, 31 Mar 2020 17:36:14 +0000

Министерот за здравство Венко Филипче на денешната прес-конференција одговарајќи на новинарско прашање во врска со изнаоѓање решение за мајките на кои во овој период им завршува породилното отсуство рече дека утрово ова прашање го дискутирале на Централниот штаб на кој се задолжи Фондот за здравствено осигурување да изнајде решение. -Дискутиравме за две можни решенија – дали може технички да се запишат административно децата во градинка или Фондот да го продолжи породилното отсуство. Дозволете согласно ова задолжување да се изработи соодветно решение, верувам до крајот на неделата, но една форма на решение сигурно ќе има, ќе може или продолжување на отсуството или запишување во градника, но решение ќе се изнајде, посочи Филипче. Додаде дека постои можност уште во текот на утрешниот ден да ги завршат сите состаноци, а јавноста ќе биде информирана.