габриел бајрам – Kurir.mk

Габриел Бајрам осуден на три месеци затвор за тепање келнер и фрлање шишиња

Магдалена Андонова — Fri, 26 Aug 2022 10:52:14 +0000

Габриел Бајрам, син на починатиот пратеник Амди Бајрам, признал вина за насилството сторено во скопски ресторан, објави А1он. Кривичниот суд му изрече три месеци затвор за фрлањето шишиња и чаши кон келнер. Осуден е и неговиот син, кој доби условна казна. Габриел Бајрам е пуштен од истражниот затвор „Скопје“ во Шуто Оризари во домашен притвор, се до правосилноста на пресудата.

Габриел Бајрам доби уште 30 дена притвор

Ристе Здравков — Fri, 05 Aug 2022 14:52:58 +0000

Габриел Бајрам на истекот на осумдневниот притвор доби нови 30 дена притвор и останува во затворот „Скопје“ во Шутка, каде беше однесен пред една недела. Судија од скопскиот Кривичен суд оценил дека има реална опасност Бајрам да се даде во бегство и да биде недостапен за органите. На Бајрам му е поднесена кривична пријава по брза постапка и му е одреден притвор откако минатата недела повредил шанкер и кршел инвентар во ресторан на булеварот „Словенија“ во Скопје, откако тој одбил да им даде чинии за кршење на гостите на роденденска забава. За насилството се гони и синот на Габриел Бајрам.

Габриел Бајрам останува уште 30 дена во притвор, судот смета дека може да избега

Магдалена Андонова — Fri, 05 Aug 2022 11:43:45 +0000

Габриел Бајрам, син на покојниот пратеник Амди Бајрам, доби нови 30 дена притвор. Тој останува во затворот „Скопје“ во Шутка, каде беше однесен пред една недела, дознава „Скопје1.мк“. Тој е осомничен дека сторил насилство, а Обвинителството во Скопје смета дека може да избега и да биде недостапен за правосудните органи. Кривичниот суд смета дека ова е исправно и дека постојат основни сомневања кои го потврдуваат ставот на Обвинителството. Ова значи дека Бајрам ќе остане во притвор до септември. Големо влијание на судската одлука за продолжување на притворот е тоа што Габриел Бајрам е осудуван. Тој и порано бил пријавуван за слични дела, но ги повторувал истите.

Габриел Бајрам се криел за кражбата на струја во ГТЦ, го барале со потерница, па со полиција го носеле во станица

Дарко Андоновски — Mon, 25 Jul 2022 09:08:33 +0000

Габриел Бајрам, синот на починатиот пратеник Амди Бајрам, со полициска придружба бил донесен во станица на распит за кражбата на струја во ГТЦ и копањето на биткоини, пишува порталот МКД.мк. Како што објави овој портал, Бајрам неколку пати бил повикуван во полициска станица, му биле испраќани покани, но не се појавувал пред службените лица. По ова по него бил распишан централен распис и на 30 јуни, годинава бил приведен и спроведен во полициска станица на службен разговор. „Ве известуваме дека по насоки и во координација со Основното јавно обвинителство Скопје преземени се повеќе мерки и активности за расчистување на случајот. По неколку неодговарања на покани и непојавување на службен разговор во полициска станица, а по распишан централен распис, полициски службеници од Одделението за криминалистички работи Центар и Бит Пазар при СВР Скопје го лишиле од слобода Г.Б.(40) од Скопје и со него бил извршен разговор во полициска станица”, одговорија од МВР за МКД.мк. Во декември, лани Обвинителството и МВР изјавија дека никој не пријавил сомнеж за кражба на струја и дека за настанот во Градскиот трговски центар нема сомнеж за кривично дело. Тогаш Обвинителството одговори дека чека сопствениците на дуќаните во Градскиот трговски центар да пријават дека се оштетени во висината на сметките за струја, за да може обвинителите да постапуваат. Обвинителството сега постапува по, како што велат известување за настан добиено од МВР. Во полициска станица се повикани и извршени се службени разговори и со надлежните во ЕВН и Градскиот трговски центар Скопје, а се вршат службени разговори и со други лица. Од МВР известуваат дека по комплетирање на целокупниот материјал ќе биде доставено известување до Основното јавно обвинителство Скопје за преземените мерки.

Советникот на СДСМ со возен парк од МИЛИОН ДОЛАРИ, ДКСК го разгледува случајот, во СДСМ не го виделе видеото

Ристе Здравков — Thu, 02 Jun 2022 11:45:25 +0000

Габриел Бајрам, син на починатиот Амди Бајрам, кој долги години беше пратеник во македонското собрание, глуми џет-сет на социјалните мрежи. Имено во текот на вчерашниот ден на социјалната мрежа Фејсбук излезе видео од роденденска прослава на синот на Габриел Бајрам, Валентин, а подарокот кој го доби за својот родененден од својот татко многумина ги остави со безброј прашалници во глава. [embed]https://kurir.mk/makedonija/vesti/dodeka-narodot-se-tepa-za-poevtin-benzin-gabriel-bajram-mu-kupi-mercedes-dzip-na-sinot-se-slaveshe-so-moeti-muzika-i-se-frlaa-evra-video/[/embed] Автомобил марка „Мерцедес Г-класа“, кој вреди помеѓу 150.000 и 180.000 евра, во зависност од опремата која ја поседува. Габриел Бајрам е советник од редовите на СДСМ во Град Скопје. Видеото на кое покрај овој Мерцедес, се гледаат уште неколку ултра-луксузни автомобили, меѓу кои и два ни помалку ни повеќе „Ролс Ројса“, кои пак се проценуваат дека чинат помеѓу 250.000 и 300.000 евра. Во неговата гаража можеа да се видат уште два Мерцедеси и неколку мотори. При давањето на подарокот, Габриел Бајрам и неговите пријатели наздравуваа со „Моет“, а едно шише од ова скапо шампањско беше искористено за полевање на џипот. Дрско, навидум безобразно, ако се земе во предвид актуелната ситуација во државата е еден функционер на ваков начин да се однесува во јавност. Но, тука се поставува прашањето, од каде толку пари на фамилијата Бајрам, дали се од некаков бизнис или пак тоа се пари од крипто валути, фарма за копање која пред само неколку месеци беше откриена во ГТЦ, а истата експресно беше дислоцирана, а за која до ден денес ниту една институција ништо не преземала. Став побаравме од првата антикорупционерка Биљана Ивановска, која за Курир вели дека ДКСК ќе постапи по овој случај, а доколку се утврди вина истата ќе биде соопштена. -Ние можеме да ја разгледаме по допрен глас информацијата и да ја провериме имотната состојба, односно што пријавил господинот, односно дали го пријавил тој возен парк или не. Тој може да се вади на тоа дека не се негови колите и затоа ние апелираме постојано дека е потребен закон за потекло на имот за да се знае како е стекнат секој вид на имот, со какви пари е стекнат. Ќе го разгледаме овој случај и ќе постапиме во рамките на нашата надлежност, рече во изјава за Курир, претседателката на ДКСК, Биљана Ивановска. Без закон за потекло на имот од ДКСК велат дека не можат да направат ништо. Став побаравме и од СДСМ, чии советник е Бајрам. Портпаролот на партијата Богданка Кузеска за Курир вели дека се уште го нема видено видеото иако истото беше објавено вчера. Но, ова не се единствените скандали на фамилијата Бајрам. Во минатото тие беа вмешани и во сообраќајната несреќа со автомобил марка „Масерати“, физички пресметки и други скандали. Случајот со автопералната во ГТЦ, како и со фармата со криптовалути во истиот трговски центар. Текстот може да го прочитате ТУКА Кој ја штити фамилијата Бајрам? За чии интереси таа работи? Ристе Здравков

Додека народот се тепа за поевтин бензин, Габриел Бајрам му купи Мерцедес Џип на синот – се славеше со Моети, музика и се фрлаа евра (ВИДЕО)

Дарко Андоновски — Wed, 01 Jun 2022 12:30:38 +0000

Додека народот во колони се тепаше да купи поевтин бензин, во исто време советникот на СДСМ и коалиционен партнер на власт Габриел Бајрам славеше роденден за својот син Валентин подарувајќи му нов џип од марката Мерцедес. На видеото објавено од страна на Јован Кукузел се гледаат и најскапите шампањи од брендот „Моет“ кои се отвораат и се наздравува со него во исти такви чашки. На видеото се фрлаат и пари, а се гледа и возниот парк на семејството Бајрам од кое ќе ве здоболи главата.

Фрлена бомба во дворот на куќата на Габриел Бајрам

Ивона Петрова — Sun, 03 Oct 2021 10:15:42 +0000

Непознати лица на 30 септември преку видео повик и пораки му се заканувале по животот на Габриел Бајрам и неговото семејство, кој е претседател на „Сојуз на ромите во Македонија“ доколку неговата партија не се повлече од кампањата за локалните избори, дознава „Фокус“. Како што дознава „Фокус“ вчера, втори октомври непознато лице фрлило бомба во дворот на семејната куќа на Бајрам. Според информациите на „Фокус“ направена е само материјална штета, случајот е пријавен во полиција, а од семејството на Бајрам кратко го потврдија тоа за „Фокус“.

Внукот на Амди Бајрам доби „Порше“: Во џамија треба да се заколне дека нема да вози повеќе од 150 км/ч

Ивана Ефремовски — Tue, 01 Jun 2021 06:58:06 +0000

Габриел Бајрам, син на Амди Бајрам на својот профил на Фејсбук му го честиташе роденденот на својот син, кому му подари „Порше“ и му порача да се заколне во џамија дека нема да вози над 150 километри на час. „Сине мој, слико моја, наследнику на тато, гордост татина, Денес ти е роденден и сите сме радосни исто како и кога си се родил пред 20 години. Отсекогаш го имаше карактерот и храброста на тато, Те израснавме со љубов но и со грижа да не ти се случи нешто. Знаеш дека твојата желба за нас, отсекогаш била заповед. Дека твоето барање за нас беше наредба. Сине наш, знаеме што сонуваш и знам што отсекогаш си посакал. За тебе, тато се ќе даде па дури и душата своја, дури и очите, дури и срцето.... но сепак, толку те сакам што не сакам да ти се случи било што, сакам да те заштитам. За овој 20-ти роденден, ти купив два подароци, ама само еден ќе ти дадам. Кој? Самиот ти ќе бираш. И двата ти се од срце, но сепак, едниот е без услов, а вториот е со услов. Едниот подарок е твој и клучевите ти ги даваме веднаш и сега! Вториот подарок е со услов и се зависи од тебе, а сведок сакаме да е Алах. Знам дека го посакуваш, знам дека ти е при срце, ама ете... Сине се плашам за тебе.. премногу и затоа сакаме да ни ветиш нешто, и тоа пред Господ да се заколнеш во џамија:

Нема да возиш повеќе од 150 на час
Ќе возиш внимателно и ќе пазиш на секое твое движење
Ќе го чуваш и негуваш, бидејќи е твој и ничиј друг
Ќе го почитуваш дадениот збор

Сега ти бираш, или подарок без услов, или подарок со услов. Клучевите се твои, изборот е твој“, пишува во објавата на Фејсбук.

Синот на Амди Бајрам објави дека е негативен на коронавирус

Ивона Петрова — Fri, 30 Oct 2020 11:07:18 +0000

Синот на Амди Бајрам, Габриел на својот Фејсбук профил во текот на вчерашниот ден го објави својот наод од тестот за коронавирус. На објавениот тест се гледа дека Бајрам е негативен на коронавирус. За потсетување, неговиот татко Амди Бајрам пред неколку дена почина на 64 години, а од Министерството за здравство информираа дека кај него бил добиен позитивен тест на коронавирус направен постмортем.

Се огласи синот на Амди Бајрам: Ние знаеме дека починал од мозочен удар

Ивона Петрова — Sun, 25 Oct 2020 10:40:03 +0000

Синот на Амди Бајрам, Габриел, за Фокус раскажа што се случува во нивниот дом, но се наврати и на последните денови на неговиот татко. -Татко ми беше дијабетичар цели 20 години. Исто така одеше на дијализа, имаше повеќе здравствени проблеми. Два дена пред да почине, беше на дијализа, според процедурата, тогаш му беше направен корона вирус тест, а резултатот беше негативен. Да се навратам на случувањата од последните денови. Дента пред да почине, се беше во ред, никој не можеше да претпостави што не чека. Но, вчера, во околу 11 часот, мајка ми сакала да го разбуди, кога забележала дека устата му е помодрена, а тој бил во несвесна состојба. Поради дијабетесот со кој се бори долг период, сме имале слични случки, таа веднаш му измери шеќер, бројките покажаа 1,2. Повикавме брза помош, дојдоа, и заминавме право во клиниката на д-р Жан Митрев. По патот тој беше свесен. Кога стигнавме во болницата, чекавме околу десет минути пред вратата на ургентното одделение, тогаш татко ми почина на носилката, пред влезот. Внатре го внесоа веќе починат, а ние останавме да чекаме околу час или два. Од она кое го знаеме, тој починал од мозочен удар, а не од корона вирус. Ни го дадоа телото од болницата, ние си заминавме дома да ги испочитуваме нашите обичаи – раскажа Габриел за Фокус. Појасни дека не ни знаеле дека Амди е позитивен на вирусот, бидејќи тестот од пред два дена му бил негативен, но и покрај тоа, ги почитувале сите мерки за заштита. целиот текст прочитајте го во Фокус