габриел – Kurir.mk

Четворица загинати од циклонот Габриел во Нов Зеланд: Без струја останаа 144 илјади луѓе

Тале Кристо — Wed, 15 Feb 2023 07:13:09 +0000

Четири лица загинаа на Нов Зеланд откако циклонот Габриел ја погоди земјата на почетокот на оваа недела, јави ДПА, повикувајќи се на полицијата. Тело е пронајдено на местото каде исчезна пожарникар при уривање на куќа во регионот Окленд - најнаселен град во земјата. Три лица загинаа во друга област на Северниот остров - Хоков Залив. Циклонот донесе силен дожд и силен ветер во ноќта од понеделник кон вторник. Предизвика поплави и лизгање на земјиштето на Северниот остров, дом на три четвртини од пет милиони жители на Нов Зеланд, изолирајќи цели градови. Околу 10.500 луѓе се принудени да ги напуштат своите домови. Без струја останаа 144 илјади луѓе. Сепак, напојувањето е постепено обновено. Властите на Нов Зеланд денеска соопштија дека најлошото поминало, но предупредија дека се уште постои опасност. Тие почнаа да го проценуваат степенот на штетата во изолираните градови каде што надојдените води ги разурнаа патиштата и ги прекинаа комуникациите. Во целата земја веќе една недела е прогласена вонредна состојба. Циклонот Габриел беше „најмоќната метеоролошка појава во Нов Зеланд во овој век, рече премиерот Крис Хипкинс. Министерот за управување со кризи, Киеран Меканулти, додаде дека „ова е голема катастрофа“. Ќе бидат потребни „многу недели“ за обнова на погодените области, предвиде тој, предупредувајќи дека „патот е долг“.

Арсенал го задржа Габриел до 2027 година

Бошко Тасиќ — Sat, 22 Oct 2022 04:15:25 +0000

Бразилецот Габриел Магаљаеш, еден од играчите на одбраната на лондонски Арсенал како што беше најавено и официјално останува во овој тим до 2027 година откако потпиша нов договор со управата на Арсенал. Задржувањето на Габриел беше еден од моменталните приоритети на бившиот англиски првак, откако Габриел заедно со Вилијам Салиба станаа ударниот стоперски тандем кој извонредно функционира, па раководството побрза да му даде нова соработка, иако актуелниот договор на Бразилецот истекуваше во 2025 година. Габриел во Европа дојде од Аваи во Лил, по што играше на заем во Троа и Динамо Загреб, пред Арсенал да плати 26 милиони евра за да го ангажира пред две години.

Се огласи синот на Амди Бајрам: Ниту ја возев колата, ниту некого физички нападнав!

Тале Кристо — Mon, 22 Jun 2020 19:41:46 +0000

По информацијата дека синот на Амди Бајрам, Габриел, учествувал во тешка сообраќајна несреќа на булеварот „Партизански одреди“ во Скопје, во јавноста со реакција се огласи споменатиот Габриел. Во својата реакција, тој информира дека бил дел од сообраќајна несреќа, но дека тој не го возел автомобилот. Исто така, Бајрам негира дека веднаш по сообраќајката физички се пресметувал со присутните, туку дека тој самиот бил нападнат. Изјавувам дека јас не сум го управувал возилото кое било вклучено во сообраќајната незгода, а исто така не сум нападнал физички „некого од присутните“. За волја на вистината, јас сум оштетениот и бев нападнат од страна на еден од учесниците во сообраќајната незгода – вели Бајрам.Se