Гравина ќе го убедува Манчини да остане италијански селектор

Ивана Ефремовски — Sun, 27 Mar 2022 15:36:33 +0000

Претседателот на Фудбалската федерација на Италија, Габриеле Гравина, ќе вложи максимални напори да го убеди Роберто Манчини да остане селектор, иако Азурите втор пат едноподруго не успеаја да се пласираат на Светско првенство. Италија во четвртокот вечер пред своите гледачи во Палермо доживеа пораз од македонската репрезентација (0-1) и остана без пласман на Мундијалот што во ноември започнува во Катар, а претходно не настапи ниту на завршниот турнир во 2018 година во Русија. Главна цел на Италијанците сега е пласман на Мундијалот 2026 во САД, Мексико и Канада, а намерата на Гравина е Манчини да го предводи тимот на тоа Светско првенство, пренесува весникот „Кориере дело Спорт“. Според истиот извор, Гравина и Манчини ќе имаат нов состанок, веројатно по пријателскиот натпревар против Турција во вторник. Италијанската федерација не сака да го избрзува Манчини, кому му е потребно повеќе време да размисли и донесе одлука, но засега, работите навестуваат дека 57-годишниот тренер ќе остане на италијанската клупа, пишува „Кориере дело Спорт“. (МИА)

Гравина се надева дека навивачите ќе се вратат на стадионите во јули

Тале Кристо — Tue, 02 Jun 2020 08:22:52 +0000

Претседателот на Италијанската фудбалска федерација, Габриеле Гравина, се надева дека во јули италијанските навивачи би можеле да се вратат на стадионите. Претходно, италијанскиот шампионат беше прекинат поради пандемијата на коронавирус. – Дали навивачите ќе се вратат на стадионите во јули? Ова е она што навистина го сакам. Со оглед на сите преземени мерки на претпазливост, не е невозможно е да се сместат одреден број на луѓе на стадионите кои имаат капацитет од 60 или 80 илјади гледачи, изјави Гравина. Италијанската Серија А ќе продолжи на 20 јуни.

Габриеле Гравина – Kurir.mk

Гравина ќе го убедува Манчини да остане италијански селектор

Гравина се надева дека навивачите ќе се вратат на стадионите во јули