Гаел Монфис – Kurir.mk

Монфилс се откажа од ЈуЕс Опен

Дарко Андоновски — Wed, 17 Aug 2022 15:40:34 +0000

Најдобриот француски тенисер Гаел Монфилс објави денеска на Твитер дека поради повреда нема да настапи на последниот грен – слем турнир сезонава, ЈуЕс Опен, кој почнува на 29 август. – За жал, по последните лекарски прегледи извршени по враќањето во Европа, заклучокот е дека нема да можам да ги бранам своите шанси на ЈуЕс Опен, објави 35-годишниот Французин на социјалните мрежи. Монфилс, кој е 22-рангиран на АТП листата, го повреди минатата недела десното стапало на турнирот во Монтреал. Во Монтреал, каде се врати на тениските терени по тримесечна пауза, Монфилс беше принуден да се откажа во осминафиналето, во вториот сет пр отив Џек Драпер (2-6, 2-0). Минатата година Монфилс испадна во третото коло на ЈуЕс Опен од Италијанецот Јаник Синер.

Монфис го откажа настапот на Ролан Гарос

Тале Кристо — Mon, 16 May 2022 19:08:28 +0000

Францускиот тенисер Гаел Монфис (35) го откажа настапот на грен – слем турнирот во Ролан Гарос, поради операција на десната пета. Монфис, кој е 22. рангиран на АТП листата, добро ја започна оваа сезона, освојувајќи го турнирот во Аделаида, а дојде до четвртфиналето на Австралија Опен. – За жал морам да ве известам дека нема да настапам на турнирите во Лион и Ролан Гарос. Имам проблеми со десната пета што го отежнува моето движење на теренот. Затоа одлучив да одам на помал оперативен зафат оваа недела со цел да го решам проблемот со петицата пред да се вратам на теренот, објави Момфис на социјалните мрежи. Францускиот тенисер нема грен – слем трофеј во кариерата, а најдалеку стигна во 2008 година на Ролан Гарос и 2016 на Ју-Ес Опен.