галеб – Kurir.mk

Дали некогаш сте виделе делфин како задева галеб? (ВИДЕО)

Ристе Здравков — Fri, 10 Feb 2023 17:42:47 +0000

Би се рекло дека делфинот бил многу расположен за игра, штом го задевал галебот на овој малку „суров“ начин. Општо познато е колку делфини, па дури и оние кои не пораснале со луѓе, можат да бидат разиграни и пријателски расположени. Наидовме на видео на интернет, кое зборува во прилог на тоа. Еден делфин решил малку да го задева галебот, би рекле на „суров“ начин. Нашол риба и му ја фрлил на галебот пред „нос“. Кутриот желно гледал, веројатно надевајќи се дека на делфинот сепак ќе му испадне рибата или дека ќе ја фати, но тоа не се случи.

Галеб спаси маж од апсење, му ја украл ќесичката со марихуана

Ивона Петрова — Mon, 26 Aug 2019 09:11:06 +0000

Маж во Шведска се спаси од апсење откако габел од рацете му ја украл ќесичката со марихуана и одлетал со неа во момент кога на мажот му се приближувале полицајците. Портпаролот на полицијата во Гетеборг изјавил дека според проценките на полицајците, кои го забележале случајот на еден фестивал, во ќесичката имало околу 10 грама канабис, меѓутоа бидејќи го снемало доказот, не дошло ни до апсење. -Полицијата не очекуваше дека ќе се вмеша некој трет. На тоа место има голем број галеби, но еден од нив ја виде својата шанса и ја искористи. Полицајците само гледаа како галебот исчезнува кон небото, изјавил портпаролот.

„Галеб“ од Чехов вечер премиерно во МНТ

Ивона Петрова — Tue, 18 Dec 2018 07:04:05 +0000

Македонскиот народен театар вечер премиерно ќе ја изведе претставата „Галеб“ од Антон Павлович Чехов во режија на Нина Николиќ. Тоа ќе биде трето поставување на овој драмски текст од познатиот руски автор во 73-годишната историја на МНТ, каде што „Галеб“ досега го поставиле режисерите Димитар Ќостаров во 1960 година и Бранко Ставрев во 1990 година. Нагласувајќи дека станува збор за дело од светската класика, режисерката Николиќ за својата верзија на „Галеб“ вели дека станува збор за текст во кој е јасно нагласено дека човек мора до крај да се бори за она во што верува и за она кое природно му следува. -Драмата содржи приказна актуелна за сите нас, луѓето, кои копнееме за возвратена љубов, но и кои сме подготвени до крај да се бориме за невозвратената или неостварливата љубов во која веруваме. Драмата раскажува приказни кои се универзални и кои се движечка сила на човекот воопшто, бидејќи ништо не се променило од пред 120 години кога Чехов го напишал текстот, изјави Николиќ. Во актерската екипа се: Звездана Ангеловска, Никола Ристановски, Дарја Ризова, Петре Арсовски, Емил Рубен, Благој Веселинов, Сашка Димитровска, Славиша Кајевски, Тина Трпкоска, Дамјан Цветановски и Аксел Мехмед. Во поставувањето на претставата учествуваа и соработници од странство – сценографот Вишња Вујовиќ од Србија, дизајнерот на светло Крис Јегер од Велика Британија и кореографот Димитрис Сотириу од Грција. Композитор на главната музичка тема во претставата е македонскиот виртуоз на гитарата Влатко Стефановски. Во проектот се вклучени и драматургот Драгана Лукан Николоски и костимографката Ивана Каранфиловска-Угуровска кои се соработници на повеќе претстави на режисерката Николиќ. Непосредно пред премиерата на „Галеб“, во фоајето на Македонски народен театар вечер ќе биде отворена изложба за одбележување на јубилејот на доајенот на македонското актерство – Петре Арсовски. Насловена е „Петре Арсовски, 50 години театар“. МИА

Галеб сакал да му го “украде” чизбургерот, па тој го удрил: Американец ќе плати казна (ВИДЕО)

Ивана Ефремовски — Tue, 11 Sep 2018 07:27:41 +0000

Еден Американец e обвинет бидејќи со нога удрил и повредил галеб кој пробал да му го земе чизбургерот додека седел на плажа во Њу Хемпшир. -Toкму поради тоа, мажот мора да плати казна во износ од 124 американски долари, пишуваат локалните медиуми. Сослушувајќи ги очевидците, полицијата од Њу Хемпшир воочила дека Нејт Ранклоус, додека се спремал да го вкуси сочниот чизбургер, удрил и притоа повредил галеб кој пробал да му го "украде" оброкот. Медиумите пишуваат дека Ранклоус седел на плажа кога го "опколиле" неколку галеби кои му се навртеле на неговото јадење. Полицијата изјавила дека тој само пробал да ги избрка, мавтајќи со ногата и дека немал лоши намери. Очевидците тврдат дека Нејт притоа повредил еден галеб бидејќи имал потешкотии при летањето. Во согласност со законот на сојузната држава Њу Хемпшир која се наоѓа во Нова Англија на североистокот од САД, галебите се заштитен животински вид.