галерија – Kurir.mk

ГАЛЕРИЈА: Почна Охридски пливачки маратон

Тале Кристо — Sat, 10 Sep 2022 10:59:09 +0000

Осуммината пливачи, седум во машка конкуренција и една девојка точно во 10 часот од Свети Наум ја тргнаа на 25 километарската патека „Климе Савин“ во освојување на Охридскиот пливачки маратон 2022 година. Стартот го означи градоначалникот на Охрид Кирил Пецаков, кој им посака мирни езерски води и успешна трка. Во категоријата мажи се натпреваруваат домаќините Александар Илиевски и Евгениј Поп Ацев, Арне Фурлан Штулар од Словенија, Франческо Гетини од Италија, Матијас Дијас Хернандес од Аргентина и Сидрит Деску и Арион Будима од Косово. Единтвената девојка на годишаното маратонско издание е аргентинката Рита Ванеса Гарсија. Првите натпреварувачи на целта се очекуваат после 15 часот. За безбедноста на пливачите согласно стандардите на ФИНА се грижат волонтери на Црвениот крст – Охрид. Покровител на 60. јубилеен маратон од првата трка, односно 35. од возобновувањето е Општина Охрид, Националната пливачка федерација и Агенцијата на млади и спорт, а технички организатор е клубот за спортови на вода „Охридски бранови 2008“.

ФОТОГАЛЕРИЈА: Македонскиот народ на нозе, не прифаќа УЛТИМАТУМ и бара оставки

Ивана Ефремовски — Mon, 11 Jul 2022 18:51:49 +0000

Со транспаренти „Ултиматиум, не благодарам“ и „Сепак, ние ќе победиме“, учесниците на протестот и денес излегоа на улица. Се пееја македонски песни, се вееја македонски знамиња, народот покажа дека е на нозе против францускиот предлог. Тргнаа од Владата, а пред да дојдат пред Собранието, граѓаните поминаа покрај Министерството за правда каде скандираа „оставка“. Беше забележано и големо полициско присуство, но протестите беа мирни и достоинствени. Вечерва осми ден под мотото „Ултиматум, не благодарам“ продолжија протестите против францускиот предлог. Фотогалеријата од денешните протести погледнете ја во продолжение:

„УЛТИМАТУМ, НЕ БЛАГОДАРАМ“: Галерија од вчерашните блокади ширум Македонија (ФОТО)

Тале Кристо — Fri, 08 Jul 2022 14:03:30 +0000

Под мотото „Ултиматум - Не благодарам“, граѓаните револтирани од францускиот предлог вчера блокираа повеќе патни правци низ земјата. Имено, од 13 до 14 часот блокирана беше раскрсницат кај Владата на Република Македонија, како и магистралните патишта Штип - Велес, Струмица - Радовиш и Плетвар - Прилеп. Поради утрешниот празник Рамазан Бајрам кој го прославуваат верниците од Исламска вероисповед утре нема да има протести, а во недела со почеток од 19 часот најавено е за голем сенароден протест пред Владата. Инаку, шест дена по ред во Скопје се одржуваа масовни протести против власта, за која е прифатлив францускиот предлог а кој задира во македонските национални интереси.

ФОТОГАЛЕРИЈА: Урнати згради, бегалци, мртовечки ковчези… хаосот во Украина низ окото на фоторепортерите

Ристе Здравков — Wed, 16 Mar 2022 06:55:57 +0000

Дваесет дена од почетокот на руската инвазија, Украина сè уште не е поразена. Русија окупираше само еден голем град и регионален центар, Керсон во јужна Украина. Додека преговорите меѓу Русија и Украина продолжуваат, руското гранатирање градови продолжува. Нападите ја оштетија воената и цивилната инфраструктура, вклучувајќи училишта, градинки и болници низ Украина. Илјадници Украинци загинаа од 24 февруари, а околу три милиони избегаа. Руски проектили денеска погодија зграда во Киев, во која избувна голем пожар. Во Киев денеска животот го загубија неколку цивили. Од Киев пристигнуваат и фотографии од погребот на загинатите украински војници. На фотографијата погоре се гледа како украински војник се збогува со својот татко Роман, кој исто така бил припадник на украинската армија. И Харков беше изложен на жестоки напади, во кои уништените згради беа покриени со мраз. Уништена е една фабрика, како и неколку дуќани. Голем број жени и деца бегаат од војната во западна Украина, а потоа во соседните земји. Повеќето од нив пристигнаа во Полска. Киев прогласи 35-часовен полициски час, а граѓаните се поканети да поминуваат што е можно повеќе време во засолништата. Дел од граѓаните се кријат од гранатирањето во станиците на метрото. Во Киев, но и во другите градови, армијата и волонтерите поставуваат барикади за кои се надеваат дека ќе го запрат или барем ќе го забават напредувањето на руските тенкови во случај да дојдат на градските улици. Премиерите на Полска, Чешка и Словенија пристигнаа во Киев за да му покажат поддршка на украинскиот претседател Володимир Зеленски, кој ги информираше за напредокот на војната со Русија. „Вашата посета на Киев во овој тежок момент е силен знак за поддршка за Украина. Тоа навистина ни значи многу“, рече Зеленски по средбата.

Во Штип уапсени четири лица, извршиле тешка кражба во Уметничката галерија „Безистен“

Тале Кристо — Tue, 11 Jan 2022 15:41:32 +0000

Денеска (11.01.2022) по преземени мерки и активности од страна на полициски службеници на СВР Штип лишени се од слобода А.А.(32) и Ќ.А.(37), двајцата од Струмица и Д.А.(28) и С.Н.(26), двајцата од Штип, поради постоење основи на сомнение дека се извршители на четири кривични дела „тешка кражба“ од Уметничката галерија „Безистен“ во Штип. Тие се сомничат дека со намера да се стекнат со противправна имотна корист, кривичните дела ги извршиле во месец јануари 2022 од Уметничката галерија – Споменик на културата „Безистен“ на ул. „Тошо Арсов“ во Штип, од каде со употреба на сила противправно одзеле поголем број на предмети од Уметничката галерија. Дел од одземените предмети се пронаједни, одземени и вратени на Националната установа Завод и музеј Штип. По комплетно документирање на случајот против нив до ОЈО ќе биде поднесена соодветна кривична пријава

Неверојатно: Нема да ви се верува какви необичности носат на себе овие миленици (ГАЛЕРИЈА)

Тале Кристо — Fri, 17 Jul 2020 12:05:36 +0000

15 животни кои нема да ви се верува како изгледаат! Ни самите нема да верувате какви необичности носат на себе овие миленици. Сите животни се посебни на свој начин но ова се неколку неверојатни примери на животни на кои природата им додала плус убавина. 1. Ова кученце се чини дека има стрела на главата 2. Мачка со рамни ушиња и различни очи. 3. Сокол со совршени бои и срциња на опашот 4. Куче со совршена и симетрична линија во средина на лицето и различни очи 5. Албино верверица на патот 6. Маче со срце на раката 7. Албино паун 8. Куче со принт од тажно лице на крзното 9. Патка со афро фризура 10. Маче со различна боја на очите 11. Куче кое има дамки дури и на јазикот! 12. Верверица со опашка како лисица 13. Сте виделе ли син јастог? 14. Маче со природно голем нос 15. Албино ракун

УРНЕБЕСНА ГАЛЕРИЈА: Како би изгледале познатите мажи ако се жени

Ивона Петрова — Sat, 20 Oct 2018 18:34:54 +0000

Многу текст и објаснување не се потребни, некој се одлучил да се поигра со апликации и да ве насмее на добар начин. Едноставно погледнете ги фотографиите, насмејте се и уживајте.