галичица – Kurir.mk

ЦУК: Излетано возило кај НП Галичица, нема повредени, возилото виси на карпа

Тале Кристо — Tue, 05 Sep 2023 18:04:43 +0000

Патничко возило „фолксваген“ излетало од главниот пат кај националниот парк Галичица. Како што соопшти Центарот за управување со кризи (ЦУК), возлиото виси на карпа, но луѓето во него се неповредени. Пријавата за возилото била добиена на бројот 112. -Возило е излетано код главниот пат кај националниот парк Галичица на 10 минуи возење по наплатниот пункт, кај местото викано Коритски Рид. Патничкото возило е марка „фолксваген“ во црвена боја со регистерски ознаки 01645KH. РЦУК Охрид извести дека за настанот запознаени се МВР СВР Охрид и тие испратиле патрола на тој дел, по што известиле дека лицата се наповредени, но возилото висело на некоја карпа, наведува ЦУК. Известен е и Антонио Додевски од Планинската спасителна служба Охрид кој на местото на настанот ќе направи увид.

Кривична пријава за вработен во Националниот парк „Галичица“, еве што направил

Ивана Ефремовски — Thu, 17 Aug 2023 20:43:10 +0000

СВР Охрид поднесе кривична пријава против К.С.(63) од Охрид, поради постоење основано сомнение за сторени кривични дела „фалсификување или уништување деловни книги“ и „несовесно работење во службата“. Тој, од 2020 година, во својство на службено лице- вработен во Националниот парк „Галичица“, не изготвувал или уништувал записници за сеча на дрвна маса во месноста „Јадера“, атар на селото Трпејца, вршел наплата на дрвна маса во готово и на граѓани им изготвувал фалсификувана документација.

Спасувачка мисија на ЦУК: Холандски параглајдерист падна во Македонија, повреден чека помош

Ивана Ефремовски — Wed, 02 Aug 2023 14:37:26 +0000

Центарот за управување со кризи организира спасувачка мисија на Галичица. Според информациите кои ги добивме од ЦУК, таму паднал холандски параглајдерист и повреден ја чека помошта. Најверојатно има скршен рбет.

Спасени три лица кои се изгубиле на планината Галичица

Ивона Петрова — Sun, 23 Jul 2023 17:05:52 +0000

Центарот за управување со кризи соопшти дека денеска на планината Галичица од страна на Регионалниот центар за управување со кризи – Охрид, успешно се спасени двајца мажи, странски државјани и една жена кои се изгубиле на оваа планина. - Конкретно, во 16.19 часот преку Единствениот број за итни повици 112 во ЦУК е примена пријава за изгубените двајца мажи, странски државјани (од кои едниот имал повредена нога) и една жена во Националниот парк „Галичица“, во повисоките делови на истоимената планина. Двата мажа се пронајдени кај планинарската куќа на Н.П. „Галичица“ во 17.30 часот, а жената е пронајдена на подалечна локација во 17.50, информираат од ЦУК. Како што информираат од ЦУК, веднаш по дојавата за помош од изгубените, на терен брзо излегла екипата на единицата за спасување на планина од Планинската спасителна служба при Црвен крст Охрид, којашто е доброволна волонтерска организација, што делува во регионот околу Охридското Езеро, односно на територија на општините Охрид, Струга, Дебарца, Вевчани, Ресен и Поградец. За настанот ЦУК ги извести дежурните во Подрачната едниница на ДЗС, а и во МВР - ЦИК од Охрид. Според дадените информации, лицата утрово тргнале од Охрид со сино возило и застанале на паркингот „Г6“, а потоа пешки се упатиле нагоре по пешачкиот дел на Галичица. Почнале да пешачат од 09.30 часот, но лицата се изгубиле по планинските патеки, па попладне се јавиле за помош на 112 во ЦУК, по што веднаш е организирала спасителна акција. ЦУК извести дека, согласно информацијата од МВР – ЦИК Охрид, изгубените лица се пронајдени и тоа, двата мажа се пронајдени кај планинарската куќа на Н.П. „Галичица“ во 17.30 часот, а жената е пронајдена на подалечна локација во 17.50 на планината. Во спасувачката акција, покрај единиците од планинарска служба Охрид и Ресен учествувала и патрола од Гранична Полиција од Св.Наум.

Спасени четворица косовски државјани кои заглавиле во снегот на Галичица

Катерина Бојаџиева — Sat, 04 Mar 2023 16:17:01 +0000

Министерството за внатрешни работи попладнево соопшти дека се спасени четворица косовски државјани, кои заглавиле во снегот на Галичица. - На 03.03.2023 во 19.00 часот во СВР Битола било пријавено дека во националниот парк Галичица во снег има заглавени странски државјани. Полициски службеници и екипи од Територијалната противпожарна единица Ресен и од стражарска служба Галичица излегле на терен и во 19.50 часот лицата биле пронајдени, извлечени од снегот и безбедно упатени до граничен премин Стење, соопшти МВР. Министерството додава дека се работи за четворица косовски државјани кои биле со патничко моторно возило „фолксваген пасат“ со косовски регистарски ознаки.

ОД 09 ДО 15 часот: Затворен за сообраќај патот преку Галичица до 12 септември

Ивона Петрова — Thu, 18 Aug 2022 05:24:38 +0000

Од денеска до 12 септември нема да се вози на патот Охрид - Ресен преку Галичица. Како што информира АМСМ, во наведениот период ќе се вршат градежни работи (асфалтирање) и сообраќајот ќе биде во прекин помеѓу 09:00 и 15:00 часот. Работите ќе се изведуваат само во работни денови.

Отворање на првата Виа Ферата во НП „Галичица“

Ивона Петрова — Mon, 11 Jul 2022 05:39:09 +0000

Во Националниот парк „Галичица“ денеска ќе биде отворена првата Виа ферата, односно безбедна патека за алпинистичко искачување на карпа со помагала. Името на првата Виа Ферата во Националниот парк „Галичица“ е „Доброја“, локален назив за растението Питома Фоја (Juniperus foedissima), која е особено карактеристична за повисоките делови од Националниот Парк. Името, како што појаснуваат од алпинистичкиот клуб Патагонија доаѓа од еден интересен примерок на ова растение, кое посетителите имаат можност да го видат веднаш покрај самата линија на фератата. Вкупната должина на Фератата изнесува 535м, од кои 145м се искачување на вертикални карпи, соодветно опремени со скалила, а останатиот дел, е пешачење по експониран терен, обезбеден со безбедносна сајла, во континуитет по целата должина. Вертикалните делови се поделени во три сегменти, со должини 40м, 52м и 53м, а меѓу нив има опции за безбедно излегување од фератата и спуштање надолу по лесна пешачка патека. -Најкомплексен и најтежок сегмент е последниот, после кој фератата продолжува по екпониран планински терен во должина од 210м, се до нејзиниот крај, од каде по лесна планинарска патека, се спушта до почетната точка и до излетничкото место Корита. Заинтересираните треба да поседуваат летна планинарска опрема, заштита од сонце и доволни количини на храна и течности за тура со времетраење од околу 4 часа, велат од алпинистичкиот клуб.

Полицајци извлекле тетовец затрупан со возилото во снежните наноси на Галичица

Катерина Бојаџиева — Wed, 29 Dec 2021 10:11:10 +0000

Полициски службеници од СВР Битола вчера во 20.30 часот преку 192 добиле повик за помош од страна на П.Х.(57) од Тетово. Според пријавеното, поради големи снежни наноси на планината Галичица, П.Х. заглавил со патничко возило „џип“, со албански национални ознаки, на регионалниот пат Отешево – Свети Наум, на кој има активна забрана за движење со возила во зима. Полициски службеници од Граничен премин Стење веднаш излегле на терен, при што во 21.00 часот во близина на место викано Ски-центар Галичица било пронајдено заглавеното во снег возило, на П.Х. му била укажана помош и безбедно бил извлечен со возилото и спуштен на безбедно место на главниот пат.

Забранет сообраќајот низ националниот парк Галичица

Тале Кристо — Fri, 19 Nov 2021 10:39:52 +0000

Од 15 ноември е воведена забрана за сообраќај за сите видови возила низ националниот парк Галичица, информира ЈП Македонијапат. Од охридска страна сообраќајот се одвива до месноста Корита. Забраната ќе трае до 1 април 2022 година.

Хеликоптер на АРМ интервенираше, дождот помогна за локализирање на пожарот на Галичица, еве каква е состојбата таму

Ивана Ефремовски — Sun, 05 Sep 2021 18:55:34 +0000

Пожарот на планината Галичица после интервенцијата на хеликоптерот на АРМ и временските услови (попладнето повремено врнеше слаб дожд) во најголем процент е локализиран. Се забележуваат уште три помали жаришта каде што се уште чади, но се проценува дека во текот на ноќта не би требало да предизвикаат поголеми проблеми, информираат од ЦУК. Во текот на утрешниот ден, рано наутро екипа од околу четириесетина лица составена од припадници на ТППЕ-Охрид, НП Галичица, ПО ДЗС-Охрид, ПСС-Охрид и одреден број на волонтери ќе направат целосна проверка на опожарениот простор. Договорена е целосна логистичка поддршка за дејствување на лицата кои ќе бидат на терен, како и механизација за прочистување на планинските патишта. -Договорено беше во текот на утрешниот ден да дејствуваат два хеликоптери, меѓутоа поради моменталната состојба со пожарот на Галичица планот е променет и прво ќе се чекаат упатства од екипата која утре изутрина ќе се обиде да го ликвидира пожарот со копнена интервенција. Доколку се појави потреба од интервенција на хеликоптерите, истите ќе бидат активирани, информираат од ЦУК.