гама – Kurir.mk

Купува со државни пари за лични бизнис интереси и спасување на жива глава

Дарко Андоновски — Wed, 30 Dec 2020 11:41:23 +0000

Народната поговорка вели „брзата кучка слепи кутриња раѓа“, тогаш зошто СДСМ брзаше по секоја цена да ја озакони откупнината на гасоводот ГА-МА од партнерот на државата АД Макпетрол и да плати 33 милиона евра, објавува Нетпрес. Значи, не може да се оспори партнерството како партнерство на Макпетрол во ГА-МА, додека процентуалната поставеност и вредност треба да ги оценат стручни служби без притисоци и обиди за поткуп. Од друга страна, прашање е како е одредено обесштетувањето за нешто што на хартија постоеше како голем проект, а во пракса не проработи и не го донесе пресвртот во користењето на енергенсите, односно зголемување на еколошките капацитети на државата. Во пракса е востановено дека постои категоријата „амортизираност“, иако самата власт вели дека вредноста на влогот на Макпетрол е 18.8 милиони евра, тогаш како истата пораснала за уште 14.2 милиони евра и на оваа компанија и исплаќа екстра пари. Може само да претпоставуваме каква е заднината на ова зделка. Дали со државни пари Зоран Заев купува нешто што треба да проработи по некое неодредено време, за после пак да биде продаден, но сега на странски вложувач? Така ќе си обезбедат двојна бизнис корист, и од сегашниот продавач и од идниот купувач. Нема ништо да не зачуди ако гасоводот послужи и за политичко поткусурување со некој од соседите, односно уште повеќе да си го дадеме задникот под наем. Опозициската ВМРО-ДПМНЕ тврди дека со 33 милиони евра СДСМ си го купува стрмоглавиот пад и паѓањето од власт. Затоа од оваа партија ќе речат дека најновата анкета на Телма го открива стравот на Заев од Мицкоски, како најголема закана за власта. Според ВМРО-ДПМНЕ, анкетата со помош на ТВ Телма треба да покаже дека лидерот на партијата Христијан Мицкоски слабо стои, за да се прикрие урнисаниот рејтинг на власта на СДСМ и Заев. Колку можат Макпетрол и Телма да го спасат Заев од пропаст? Во СДСМ се забележуваат расчленувања по лошата и понижувачка политика во односите со Бугарија и крахот за почеток на преговорите со Европската унија. Така што се почесто може да се видат лажни кои ги шират преку медиумски зависници. Како што нагласивме, резултатите за власта се разочарувачки, будејќи понудениот заклучок од нарачателите на анкетата го проблематизираат и одговорите на прашањето „Колку сте согласни со Анекс на Договорот за добрососедство со Бугарија, за гаранции на немање територијални претензии и за немешање во внатрешни работи, без навлегување во други вклучително и национални и идентитетски прашања?“. Притоа убедливо најбројни се испитаниците кои рекле дека воопшто не се согласуваат (43,6 отсто), а заедно со оние кои „донекаде“ не се согласуваат чинат мнозинство од граѓаните или 61,9 отсто. Целосно или донекаде со оваа идеја, пак, се согласуваат третина од испитаниците (33,5 отсто). Иако скапо платената анкета требаше да им го подигне рејтингот на Заев и на СДСМ, таа откри дека Владата има убедливо најмала доверба во однос на која било друга влада во првите сто дена. Имено средната оцена на граѓаните за работата на Владата во првите сто дена дена е 2,46, а на прашањето „Како ги оценувате 100 дена работа на Владата“ со најслабата оцена 1 ја оцениле и најмногу испитаници – 35,3 проценти, со 2 – 19,4 проценти, со 3 – 20,1 проценти, со 4 – 14,2 проценти и со 5 – 11 проценти од испитаниците. Така, криминалот, рецесијата и ветото Заев го чини доверба, а Мицкоски е посамоуверен во туркањето на Заев од власт. Како никој до сега, излегуваше со конкретни предлози за помош на власта, оти очигледно не ги бидуваше и за економија и за справување со корона-кризата. Иако анкетата дава блага предност на СДСМ, всушност ВМРО-ДПМНЕ по сто дена се враќа со повисок рејтинг кај Македонците, а Албанците со помала доверба кон СДСМ. Таа покажува поддршка под 20 проценти и разлика од само 0,5 отсто меѓу СДСМ и ВМРО-ДПМНЕ, односно прашани „Доколку утре се одржат избори за која политичка партија би гласале“ најмногу 18,6 отсто рекле дека би гласале за СДСМ, а 18,1 отсто за ВМРО-ДПМНЕ. Но реалноста се скрива во високата бројка на вкупно 41 отсто од т.н. „неодлучни“ гласачи и притоа на понудените прашања значителен број испитаници 23,8 отсто рекле дека „ќе го поништат гласачкото ливче/нема да излезат да гласаат“, а 17,5 проценти „одбиле да одговорат/не знам“. Анкетата покажува и дека ВМРО-ДПМНЕ се враќа со повисок рејтинг кај Македонците, наспроти намалената доверба на СДСМ кај избирачите Албанци, сега од само 3,7 отсто, а што беше еден од факторите на коишто социјалдемократите ги темелеа тврдењата дека се водечка партија. Целта е во јавноста да го замаскира стравот кај Заев од Мицкоски, кој многу јасно е најголема закана за власта. Откако пропаднаа обидите на СДСМ и неговата богато платена и метастазирана медиумска логистика да најдат соодветен за нив лидер на опозицијата. А не најдоа таква персона и, се чини, уште долго нема да најдат, во прв ред затоа што Заев не ќе може да покаже каков и да е успех во која и да е сфера, што беспредметно го прави искористувањето на нечии тајни или скриени амбиции да се преземе ВМРО-ДПМНЕ. Но, и самиот Заев знае дека поддршката за Мицкоски кај гласачите е голема па оттаму и спротивно од реалноста, се наметна потребата да се фингира анкета којашто ќе покаже раст на неговиот рејтинг, наспроти пад на неговиот најголем опонент. Од друга страна, пак, интригантен е резултатот од истата анкета во кој СДСМ има речиси израмнет рејтинг во однос на ВМРО-ДПМНЕ. Затоа се наметнува прашањето, дали не станува збор за класичен синдром на импровизираниот недугави пиар да гради култ на личноста од Заев, што реално ќе биде невозможна мисија имајќи го предвид „материјалот“?! И зашто СДСМ е на голема пресвртница и покрај последната драмолетка на Заев со наводниот „цврст“ стави во однос на условите поставени од Бугарија за да му ги остварат ветувањата со кои се чука в градите уште од 2015-та. Јасно е дека кога и поранешниот лидер на СДСМ и човекот кој го спаси Заев од судски прогон и можно откривање на милионски криминал со што поранешниот струмички градоначалник ќе загубеше секакви политички перспективи, Бранко Црвенковски го замрзна членството во партијата, започнуваат дворските игри и внатрепартиски пазарења на влијателни членови а поддршката од независните гласачи е неповратно загубена. Па затоа мора да биде впрегне медиумската орда со нејзината веќе докажана практика на ширење лажни вести и хиперпродукција на „потемкинови села“.

Димитриеска – Кочоска: Власта и Заев на криминален начин сопственоста на Гама помеѓу државата – Република Македонија и Макпетрол ја направи фифти – фифти

Тале Кристо — Wed, 30 Dec 2020 07:41:56 +0000

-Гама е проблем што постои повеќе од една деценија. Судски спор помеѓу државата и Макпетрол. Проблемот почнува кога се бара колку е процентот на сопственост на државата во Гама. Би се навратила наназад, кога државното правобранителство доставува една информација во август 2019-та година до Владата, во кое што објаснува дека тие ја застапуваат државата, односно дека во името на државата го штителе интересот на државата наспроти Макпетрол. Во овој извештај има допис од Макпетрол уште од 1987, па 1992 година до Владата на Република Македонија насловен како Дефинитивен начин за затворање на финансиската конструкција, тоа значи колку секој од договорените страни ќе вложи во новото друштво кое се вика Гама. Тука пишува влогот на државата е 51,7 проценти. Подоцна во 1995 година стои дека Макпетрол АД Скопје ќе учествува со најмногу 49 проценти од билансираните средства од инвестиционата вредност за реализација на гасоводниот систем. Тоа значи дека државата ќе ја има одлучувачката контрола, посочи Гордана Димитриеска - Кочоска, член на ИК на ВМРО-ДПМНЕ во вчерашната емисија "Заспиј ако можеш" на Алфа телeвизија. Веќе во 2019-та година државата доставува до државното правобранителство спогодба и бара правобранителството истото да го склучи. И тука почнуваат некакви преписки. Кој е одговорен за тоа, дали може тоа да го реши, не може, владата не е одговорна за тоа и така натака. И во тој период Владата вели, односно укажува дека склучување на доставената спогодба вон судско решавање на спор, би предизвикала последици спротивни на имотните интереси на Република Македонија и сметаме дека истата не треба да биде потпишана, објаснува Димитриеска - Кочоска. -На 5 ноември 2019-та во Виена, има ситуација пред Секретеријатот на енергетската заедница, каде вицепремиерот за економски прашања и уште еден член на Владата одат и потпишуваат медијација, односно спогодба во која што се согласуваат дека влогот на државата и Макпетрол е 50 - 50 проценти. Значи со една вонсудска спогодба, после години, години судски спорови сме се договориле фифти - фифти. Како може државата да се откаже од својот имот. Јас не сум правник, со овој случај некој треба озбилно да се позанимава, вели Димитриеска - Кочоска.

Пратениците денеска продолжуваат со расправата за Законот со кој Макпетрол треба да добие 33 милиони евра народни пари

Ивона Петрова — Mon, 28 Dec 2020 07:17:09 +0000

Пратениците треба да ја продолжат расправата за законот за решавање на спорот на Владата со Макпетрол Собранието денеска треба да ја продолжи расправата по Предлог законот за решавање на спорот помеѓу Владата и Макпетрол АД Скопје по пат на спогодба, по скратена постапка. Пратениците по оваа точка расправаа во петокот и ноќта меѓу петок и сабота, по што во раните утрински часови по повеќе од дваесет часа седницата беше прекината. Ова законско решение предвидува да му се признае на Макпетрол сопственост на 50 отсто од гасоводот во земјата и да му се исплати цена од 33 милиони евра. Во текот на расправата пратениците од ВМРО-ДПМНЕ со говори, реплики и контрареплики го спречија донесувањето на овој закон. Тие сметаат дека предложеното законско решение е еден од серијата закони што ја убиваат правдата и ги прекршуваат основните начела на правото. Според нив, не може да има закон за спор зашто тој се решава со медијација и во судовите. Не смее, нагласија, Собранието да прерасне во квази суд, бидејќи тоа е надлежно само за ратификации на договори. Повикувањето на акти од минатото од 1987 година кои можат да се искористат како искуство, е недозволиво, посочија пратениците од опозицијата, а институциите не треба да се затскриваат зад законот, туку да го решат спорот на начин каде и како што треба. Тие очекуваат претседателот да се одважи и да стави вето ако овој закон сепак биде изгласан. Пратениците од власта во дискусиите истакнаа дека проценката за вредноста на гасоводот е направена по сите стандарди од една домашна и една странска институција и е на 300 страници и оти покрај гасоводот во неа се ставени и други материјални добра и машини со што вкупната вредност е 33 милиони евра.

Коментари на социјалните мрежи: Истрајна борба на пратениците на ВМРО-ДПМНЕ за спречување на криминалот на Заев

Ивона Петрова — Sat, 26 Dec 2020 14:01:26 +0000

Низа позитивни реакции на социјалните мрежи откако вчера во Собранието по повеќе од дваесет часа расправа не се досене Предлог законот за решавање на спорот помеѓу Владата и Макпетрол АД Скопје по пат на спогодба, по скратена постапка. Граѓаните ги поддржуваат пратениците на ВМРО-ДПМНЕ кои не дозволија да се изгласа ова законско решение со кое се предвидува да му се признае на Макпетрол сопственост на 50 отсто од гасоводот во земјата и да му се исплати цена од 33 милиони евра. Во текот на расправата која траше и изминатата ноќ, пратениците од опозицијата со говори, реплики и контрареплики го спречија донесувањето на овој закон. Тие сметаат дека предложеното законско решение е еден од серијата закони што ја убиваат правдата и ги прекршуваат основните начела на правото. Според нив, не може да има закон за спор зашто тој се решава со медијација и во судовите.

Пратениците од ВМРО-ДПМНЕ порачаа: Нема да им помине кражбата од 33 милиони евра, доста е од богатење на олигарси – Не смее да има за Макпетрол, а да нема за народот

Ивона Петрова — Sat, 26 Dec 2020 09:40:17 +0000

Пратениците од ВМРО-ДПМНЕ до рано утринава во Собранието со говори, реплики и контрареплики го спречија донесувањето на Предлог законот за решавање на спорот помеѓу Владата и Макпетрол АД Скопје по пат на спогодба со кој се предвидува да му се признае на Макпетрол сопственост на 50 отсто од гасоводот во земјата и да му се исплати цена од 33 милиони евра. Во собранискаа расправа која траеше повеќе од 20 часа, пратениците од опозицијата истакнаа дека предложеното законско решение е еден од серијата закони што ја убиваат правдата и ги прекршуваат основните начела на правото. Според нив, не може да има закон за спор зашто тој се решава со медијација и во судовите. Не смее, нагласија, Собранието да прерасне во квази суд, бидејќи тоа е надлежно само за ратификации на договори. Повикувањето на акти од минатото од 1987 година кои можат да се искористат како искуство, е недозволиво, посочија пратениците од опозицијата, а институциите не треба да се затскриваат зад законот, туку да го решат спорот на начин каде и како што треба. -6:45 часот во Собранието на Република Македонија ... пленарната седница за криминално-рекетарската влада на Заев и СДССМ со “закон” да му исплатат 33 милиони € на Макпетрол (Телма) се уште во тек ... повеќе од 20 часа непрекинато! А, ви кажав - се лажете дека може на “кондиција да не фатите”!, пишува Игор Јанушев. -06:15 часот наутро. Маратонска седница од 20 часа и борба без престан. Се уште сме тука и не им дозволуваме да им помине КРАЖБАТА од 33 милиони евра. Доста е од богатење на олигарси. Не смее да има за Макпетрол, а да нема за народот. Ова ги чека за секој обид незаконски да украдат од народот, пишува пратеникот Бојан Стојаноски. -Во 07.55 ч. завршивме со обелоденувањето на криминалот тежок 33 милиони евра. Не го изгласа мнозинството, зашто не беа тука, зашто не сакаа да не’ слушаат. И знаеме дека ќе има уште криминали, ама ќе има и уште вакви битки, се’ до конечниот пад на оваа мафија од власт, стои во објавата на Дафина Стојаноска. -Во 2 часот наутро се бориме против криминал вреден 33 мил. евра. Заедно, обединети против злоупотребите на народните пари, пишува Љупчо Пренџов. -Домот на граѓаните НЕ е дом за алиби на бизнис одлуките на Зоран Заев.33.000.000 евра на граѓаните за кои Заев го силува Собранието се 1.680.000 вакцини за КОВИД-19. Парите на граѓаните треба да се ЗА ГРАЃАНИТЕ, пишува Рашела Мизрахи. Пратениците од ВМРО-ДПМНЕ очекуваат претседателот да се одважи и да стави вето ако овој закон сепак биде изгласан. Дваесеттата седница на чиј дневен ред е овој Предлог-закон ќе биде дополнително закажана.

Николоски: Власта не успеа да го изгласа спорниот законот за ГаМа, продолжуваме со борбата за правда

Ивона Петрова — Sat, 26 Dec 2020 07:54:48 +0000

Собранието по повеќе од дваесет часа утрово ја прекина расправата по Предлог законот за решавање на спорот помеѓу Владата и Макпетрол АД Скопје по пат на спогодба, по скратена постапка. Ова законско решение предвидува да му се признае на Макпетрол сопственост на 50 отсто од гасоводот во земјата и да му се исплати цена од 33 милиони евра. Пратениците од ВМРО-ДПМНЕ сметаат дека предложеното законско решение е еден од серијата закони што ја убиваат правдата и ги прекршуваат основните начела на правото. Според нив, не може да има закон за спор зашто тој се решава со медијација и во судовите. -21 час непрекината битка во Собрание! Власта НЕ УСПЕА да го изгласа спорниот законот за преценета продажба на ГаМа. Ќе се обидат пак деновиве, но оваа битка во текот на два дена, две ноќи и едно утро покажа дека против ВМРО ДПМНЕ власта НЕ МОЖЕ! Честитки за големата и силна битка на сите пратеници од опозицијата! ПРОДОЛЖУВАМЕ со борбата за ПРАВДА и БОРБА СО КРИМИНАЛОТ во Македонија, пишува на Фејбук пратеникот Александар Николоски. Дваесеттата седница на чиј дневен ред е овој Предлог-закон ќе биде дополнително закажана.

Николоски: Законот на Заев за ГАМА е скандалозен и затоа власта бега од јавноста

Ивана Ефремовски — Thu, 24 Dec 2020 22:14:31 +0000

Пратеникот и потпретедател на ВМРО-ДПМНЕ, Александар Николоски на гостувањето на телевизија Алфа во емисијата „Заспиј ако можеш“ се освнра на како што реше спорниот закон за кој расправа Собранието во доцните вечерни часови, а се однесува на претпријатието ГАМА. -На мала врата, на неколку дена пред Нова година и после полноќ на Божиќ по Грегоријански календар, владата на Заев сака да протурка шверцерски еден закон кој се однесува на ГАМА кое е државно претпријатие за гас. Постои долгогодишен спор меѓу државата и претпријатието и тој спор го воделе многу премиери. Сега дојде Заев и реши да се повлече од судските спорови. Во законот проценета вредност на ГАМА е 36 милиони евра, значи толку вложила државата, а согласно договор државата и приватната компанија имаат пола пола, иако се судат толку време за тоа кој е доминантен сопственик. Значи сега државата доброволно одлучува да се повлече и да не е сопственик. Претпријатието вреди 36 милиони евра или и двете страни имаат по 50 проценти се вели во првиот член, а за веќе следниот член да вели државата се согласува да ги откупи за 34 милиони евра. Значи тоа што велат дека чини 18 милиони го купуваат за 34 милиони евра, рече Николоски. Според него, има два спорни моменти, прво државата се откажува од судски процес и второ, она што го поседува го купува за 34 милиони. -Прашањето е дали државниот правобранител се согласил на ова, зошто мора да има дозвола за ова државниот правобранител. Или тој одлучил да не даде согласнот и Заев реши да оди со закон. Заев бара Собранието да го овласти да го потпише договорот, него му треба колективна одговорност. Собранието е законодавец и колективно тело и ова е противуставно, кажа Николоски. Според него поради сите овие спорни моменти власта сака да се расправа до утре изутрина и да се усвои законот далеку од очите на јавноста, и додаде тие „знаат дека ова е скандалозно и бегаат од јавноста“.

Хаос се случува во моментов во Собрание: Власта по секоја цена сака да го донесе законот со кој Макпетрол ќе добие 33 милиони евра

Ивана Ефремовски — Thu, 24 Dec 2020 19:08:31 +0000

Хаос се случува во моментов во Собрание, брифираат пратеници за Економски Лидер. Велат дека иако цел ден работат по 19 седница, сега не статутарно се продолжува и по 18 00 часот додека не се исцрпат сите дискусии. По ова би требало да се започне со 20 та Седница на која што една од точките е за ГА МА, односно носењето на Закон со кој ќе се платат 33 милиони евра на Макпетрол за решавање на проблемот со АД ГА МА. Пратениците се сомневаат дека ова се прави преку ноќ за да никој не ја види одлуката со која Макпетрол ќе добие 33 милиони евра од Буџетот. Од пратеничката група на ВМРО ДПМНЕ и коалицијата претходно обвинија дека за овој Договор меѓу државата и Макпетрол јавноста нема доволно информации и со истиот ќе се направи штета на сметка на државниот Буџет -Власта сака на мала врата без доволно информации и консултација со јавноста да се изгласа закон со кој ќе му се признае на Макпетрол сопственост од 50 отсто во гасоводот во Македонија и истиот да му се плати по нереално висока цена од 33 милиони евра иако самата власт вели дека вредноста на влогот на Макпетрол е 18,8 милиони евра, обвинува опозициската ВМРО-ДПМНЕ. Пратеничката група на ВМРО-ДПМНЕ и коалицијата дава напори да блокира дел од работата со цел да не бидат злоупотребени 33 милиони евра народни пари, информираат од Центарот за комуникации на партијата.

СДСМ изгледа е на голема мака: Решени се да го истуркаат законот важен за ГАМА, по секоја цена!

Ивана Ефремовски — Thu, 24 Dec 2020 17:42:58 +0000

По 15 годишно преговарање и повеќе судски спорови Владата е на чекор да го реши проблемот со АД ГАМА, со што ќе стане 100 процентен сопственик на целиот национален гасоводен систем. Предлог законот за надминување на спорот од денеска е пред пратениците и се чека негово гласање. Државата ќе треба да плати 32 милиони евра на АД Макпетрол, кој беше со-сопственик на ГАМА, но тие нема да можат да се префрлат на нивна сметка сè додека не се изгласа законот. -Власта сака на мала врата без доволно информации и консултација со јавноста да се изгласа закон со кој ќе му се признае на Макпетрол сопственост од 50 отсто во гасоводот во Македонија и истиот да му се плати по нереално висока цена од 33 милиони евра иако самата власт вели дека вредноста на влогот на Макпетрол е 18,8 милиони евра, обвинува опозициската ВМРО-ДПМНЕ. Пратеничката група на ВМРО-ДПМНЕ и коалицијата дава напори да блокира дел од работата со цел да не бидат злоупотребени 33 милиони евра народни пари, информираат од Центарот за комуникации на партијата. Но, СДСМ изгледа е на голема мака бидејќи со сите сили притиска носење на овој закон. Пратеничката група на партијата на Зоран Заев најавува дека ако треба ќе се остане во Собрание цела ноќ, само за да се донесе законот. Во законот се предвидува сите тековни судски спорови да се затворат со цел мирно надминување на спорот. Договорот за купување на акцијата која ја поседуваше Макпетрол се склучи уште минатата година во декември.