гарда – Kurir.mk

ВИДЕО: Гардист се онесвести пред Макрон, сите ја коментираат реакцијата на францускиот претседател

Ивона Петрова — Fri, 16 Jun 2023 17:01:11 +0000

Член на Републиканската гарда, во полна опрема, ја губи свеста додека францускиот претседател Емануел Макрон мирно, насмеано позираше со својот гостин, шефот на државата Мадагаскар, Андриј Разоелин, пред Елисејската палата. Оваа фотографија го обиколи светот и предизвика голем интерес кај домашните медиуми и негодување на француската опозиција. Макрон е обвинет за бесчувствителност и недостаток на емпатија. На видеото се гледа како двајца чувари го држат гардистот за да не падне на земја, додека Макрон и Разоелин позираат пред камерите. Дел од јавноста смета дека претседателот едноставно можно е да не видел што се случува. Француските медиуми пишуваат дека најверојатно на гардистот му се слошило поради жешкото време.

Иранската Револуционерна гарда уапси странски дипломати

Ивона Петрова — Thu, 07 Jul 2022 05:53:22 +0000

Иранската револуционерна гарда уапси странски дипломати под обвинение за шпионажа, објавија иранската новинска агенција Фарс и државната телевизија. Разузнавачката служба на Револуционерната гарда идентификуваше и уапси дипломатите од странските амбасади, кои шпионираа во Иран, објави Фарс. Додека според иранската државна телевизија еден од уапсените е Британец, кој потоа биле протеран од земјата. Наводно, британскиот заменик-амбасадорот Гилс Витакер и други дипломати земале примероци од почвата во воените забранети зони додека Револуционерната гарда вршела тестирања на балистички проектили. Британското Министерство за надворешни работи се уште не ги коментираше иранските обвинувања. Иранските медиуми не наведоа кога и колку дипломати се уапсени и дали сите се протерани.

Заеднички отворен настан на гардата на Армијата и кралската гарда на Норвешка

Ивона Петрова — Tue, 31 May 2022 05:31:32 +0000

Отворен настан на гардата на Армијата на Република Северна Македонија и кралската гарда на Кралството Норвешка ќе се реализира денеска на плоштад „Македонија“ во центарот на Скопје. На отворениот настан, кој е дел од предвидените меѓуармиски активности за одбележување на јубилејот 30 години од формирањето на Армијата, граѓаните ќе имаат можност да проследат ефективни точки во изведба на кралската гарда на Кралството Норвешка која прв пат настапува кај нас, како егзерцир и други акробатски точки со воено оружје, со кои гардата е позната во светски рамки. Настапот на гардистите, како што е најавено, ќе биде проследен од началникот на Генералштабот, генерал-потполковник Васко Ѓурчиновски и началникот на Вооружените сили на Кралството Норвешка, генерал Еjрик Кристоферсен кој се наоѓа во официјална посета на нашата држава, Амбасадорот на Кралството Норвешка, Јорн Еугене Гјелстад, генералите во Армијата, припадници од Министерството за одбрана и Генералштабот и од Амбасадата на Кралството Норвешка.