гардероба – Kurir.mk

Имате вишок облека, пробајте го Проектот 333: Моден предизвик кој докажува дека помалку е секогаш повеќе

Ивона Петрова — Sun, 03 Apr 2022 19:40:53 +0000

Кога гардероберот ќе ви стане претесен за облеката, а ништо ново немате купено, тоа е вистинскиот момент да го средите комплетно. Помош во тоа ќе имате од проектот 333. Концептот 333 го развила Кортни Карвер, која лушето ви повикува три месеци да носат само 33 парчиња облека во кои спаѓаат и модните додатоци. Овој проект станал популарен во последните десет години, а многу луѓе поради него прифатиле миниалистички стил на облекување за кои велат дека ги „ослободува“.

Ова се правилата на проектот 333: -Три месеци носите 33 парчиња облека во кои се вклучени и накитот, обувките и облеката. -Предметите кои не се вбројуваат во проектот 333 се бурмата или сентименталното парче накит кое никогаш не го вадите од себе, долната облека, пижамите и облеката за вежбање. -Изберете ги своите 33 предмети, спакувајте го останатиот дел од облеката и тргнете го на место кое нема да ви биде достапно. -Доколку облеката не ви одговара или е во лоша состојба, заменете ја. Важно е овој проект да не го гледате како казна или страдање.

Анкетите кои неодамна биле направени покажуваат дека просечна Американска поседува облека која е вредна најмалку 450 евра, а најголем дел од таа е износена или искината што укажува дека парите се трошат на работи кои не ви се навистина потребни. Всушност, 80 проценти од времето луѓето носат само 20 отсто од својата облека, а во гардероберот имаат многу облека и модни додатоци. -Додека имав многу облека од сите можни материјали, морам да посветам многу внимание, бидејќи една работа не оди со другата или поради бојата или поради материјалот. Мислам дека тоа ми ја одемаше креативноста од другите животни сфери, вели Кортни. Вели дека својата облека на пере во студена вода, користи природен детергент, избегнува омекнувач и ја суши на воздух, не во машина за сушење.

Во мода го враќа ГУЧИ, а трендсетерките веќе го присвоија: Ова есенско винтиџ парче може да го најдете и во гардеробите на баба (и дедо)!

Ристе Здравков — Fri, 08 Oct 2021 07:55:31 +0000

Сите знаеме дека ретро модната сезона толку често носи стари трендови, понекогаш дури и долго заборавени, „напуштени“ во осумдесеттите и деведесеттите години. Сепак, понекогаш старомодниот тренд лесно може да се однесува на гардеробата што ја носат нашите баби … Или дури и дедовци! Модната куќа Гучи, ни помалку ни повеќе, во својата сегашна колекција претстави плетени елеци што главно ги носеа нашите постари како едно од најпопуларните парчиња облека за есен. Не само тие, многу поскапи и пристапни брендови го следеа овој тренд и го вклучија ова парче во нивните сегашни колекции. Без разлика дали ќе купите ново парче, или ќе ѕирнете во гардеробата на баба и дедо, плетениот елек ќе ви биде многу тренди, а уште поинтересно е што можат да се вклопат и комбинираат исклучително лесно: со кошули, ролки и со блузи …

View this post on Instagram

A post shared by Christie Tyler (@christietyler)

Плус, тие се практични, така што ќе не одржуваат топли кога е студено. Што се однесува до боите, исто така се носат еднобојни елеци кои можете да ги вклопите со монохроматски комбинации, но и, да речеме, облека составена од неколку пастелни нијанси. Исто така, влегуваат елеци со различни мотиви, така што ќе биде statement парче наесен. Винтиџ моделите веќе ги освоија срцата на инфлуенсерите, затоа пронајдете модна инспирација во една од овие есенски комбинации:

View this post on Instagram

A post shared by Chelsea 💜 ootd & fashion fun (@outfitofthatday)

View this post on Instagram

A post shared by Beth/FASHION YOUTUBE CHANNEL (@bjonesstyle)

View this post on Instagram

A post shared by Emily- outfit of the day pics (@backtoworkmama)

View this post on Instagram

A post shared by Kiara | outfits + lifestyle (@kiararthur)

„Одземената гардероба на Боки сега други ја носат низ Скопје“, тврди неговиот адвокат

Ивана Ефремовски — Mon, 01 Jun 2020 12:37:19 +0000

Адвокатот на Бојан Јовановски тврди дека е прекршена процедурата при одеземањето на неговата гардероба. Според Дукоски, Боки дел од таа гардероба ја имал уште во 2012 година. Тие во судот презентирале 1650 фотографии кога и каде гардеробата е носена. -Кој е доказот дека парите во 2017 година ги трошел на купување гардероба и како тоа ќе се темели дека се перени пари? Пола од одземената гардероба на Боки сега ја носат низ Скопје, тврди Дукоски. Тој се прашува како е можно ЈО да не издаде наредба одземената гардероба да биде предадена во агенцијата за одземен имот и оти не е направена спецификација дали е таа оригинал или не и кога е купена.

ВИДЕО: 11 трикови за диплење и организација на облеката

Ивана Ефремовски — Thu, 30 May 2019 06:00:53 +0000

Сакате да си ги средите плакарите и фиоките, а не знаете како да ја организирате облеката? Во следново видео ќе научите неколку трикови за диплење и организирање на облеката во домот, или за во куфер за следното патување.

Колинда штеди пари на облека: Хрватската претседателка повторно стана хит на интернет со оваа гардероба извадена од стар орман (ФОТО)

Дарко Андоновски — Fri, 08 Mar 2019 20:38:04 +0000

Претседателката на Хрватска Колинда Грабар Китаровиќ која стана вистински хит на Светското првенство во фудбал во Русија минатото лето повторно е во центарот на вниманието во родната земја. Како што пишуваат хрватските медиуми, таа неодамна ја посети Белгија каде имаше работен состанок со неколку политичари од Европската унија. Но, надвор од политиката тие пишуваат за нејзиниот одличен изглед и застарената облека која претседателката ја извадила од стариот орман. Имено Колинда може да се забележи во истата гардероба и во 2007 година кога била Министерка за надворешни работи и европска интеграција. Јавноста иако ја критикува дека таа не треба да се појавува во иста облека, сепак едногласно му порача на светот дека имаат најубава жена претседател.

Пет работи кои мора да ги исфрлите од вашиот гардеробер

Ивона Петрова — Sat, 01 Dec 2018 19:27:24 +0000

Сигурно многу пати сте си рекле дека модата се враќа низ годините и дека можеби е добро некое парче облека да го сочувате. Сепак постојат некои парчиња облека од кои треба да се откажете засекогаш и на нив не им е место во вашиот гардеробер. Парчињата облека кои ќе ги прочитате во продолжение може веднаш да ги фрлите без никаква грижа на совест, ова особено важи за дамите кои веќе се влезени во триесетите. Неудобни потпетици Можеби во помладите години ви било во ред да облечете тенки, но високи потпетици, но повеќе нема потреба да страдате за нешто што ќе ви направи повеќе штета отколку корист. Чевлите бирајте ги пред се по нивната удобност, а квантитетот заменете го со квалитет. Претепано „искинати“ фармерки Оваа облека изгледа дискутабилно на сите кои се постари од 14 години. Одлучете се за нешто со посуптилни резови, а при купувањето внимавајте на кројот на фармерките. Куси здолништа Мини здолништата изгледаат атрактивно и модерно особено ако нозете се вашиот адут. По училишните и студентски денови кога ќе почнете да се чувствувате посериозно, применете го тоа и на физичкиот изглед и облекувањето. Мини здолништата заменете ги со здолништа кои се со должина под колената. Патики на полна пета Ваков тип на обувки воопштво не е во мода, па истите заменете ги со класични бели патики кои совршено се вклопуваат со секоја ваша комбинација. Неугледна облека за дома Не треба дома да носите фармерки и да бидете комплетно средени, но бидете доволно средени за во секој момент да може да ја отворите вратата и да изгледате совршено. Најудобно ќе се чувствувате во комплет тренерки кои се со иста боја.

Што е задолжително да имате оваа година во плакарот? Еве ги трендовите

Катерина Бојаџиева — Wed, 31 Jan 2018 18:46:56 +0000

Секоја нова година носи нови трендови, посебно кога станува збор за модата. Со доаѓањето на новата година, доаѓаат и нови трендови, а некои се повторуваат, како што тоа често се случува. Судејќи според трендовите, 2018-та ќе биде се, само не обична година, барем кога модата е во прашање. Главна модна инспирација денес наоѓаме во уличната мода, а трендовите, наместо модните дизајнери, ги диктираат познатите модни блогерки. Социјалните мрежи како инстаграм и пинттерест владеат со светот, па одговорот на тоа што ќе биде модерно во 2018 година, го имаат токму тие. Висок струк и широки панталони Висок струк и широки панталони ќе бидат популарни и оваа година. Овие модели се многу шик и женствени. Популарни се и ѕвонарките, но имајте на ум дека овој модел не му прилега секому. Силни бои Со доаѓањето на пролетта сите почнувме да носите светли и весели тониви, а темните бои ги оставаме зад себе. Затоа не треба да не чуди што оваа пролет што следува, во тренд ќе бидат силните бои односно сите нијанси на зелена, жолта, портокалова и сина. Точки Освен класичните цветни дезени, кои преовладуваат во последните сезони, сега на голема врата се враќаат точките. Повторно ќе ги носат романтични жени, а точките ги има на маици, блузи, здолништа… Чевли со бисери Облека украсена со бисери е во тренд некое време, а ќе носиме обувки украсени со овие додатоци. Впечатлив накит Впечатлив накит и слични модни додатоци како хулахопки, марами или шешири веќе некое време се во тренд, а ги носат само оние најхрабрите кои не се плашат да бидат поинакви. За крај на зимата и почетокот на пролетта се носи беретка.