гатузо – Kurir.mk

Гатузо: Не разбирам зошто играчите во Италија се казнуваат за пцуење

Тале Кристо — Thu, 17 Dec 2020 12:18:31 +0000

Тренерот на Наполи, Џенаро Гатузо смета дека Лоренцо Инсиње не требаше да биде исклучен на мечот од 12. коло на италијанскиот шампионат со Интер. Наполитанците беа во малцинство од 71. минута откако капитенот беше исклучен поради неспортско однесување. – Ова се случува само во Италија. Му кажав на судијата дека две минути пред црвениот картон, тој го пофали Инсиње за тоа како се однесуваше во улогата на капитен, а набргу потоа го исклучи поради псовка. Играч, особено капитенот, не може да биде исклучен затоа што му зборувал на судијата за сомнителен пенал. Во Англија и Шкотска фудбалерите дури и ги туркаат судиите и ништо не се случува. Само во Италија се отстранети играчи за такви работи. Кога бев играч, тоа беше дел од спортот. Судијата мора да практикува здрав разум и да разбере што играчот може да каже по сомнителен пенал, истакна Гатузо. Гатузо протестираше поради досудениот пенал од кој Интер го постигна единствениот гол на дербито и ги освои трите бода.

Гатузо се откажа од дел од својата плата за Наполи да го купи Осимен

Тале Кристо — Wed, 15 Jul 2020 08:49:37 +0000

Тренерот на Наполи, Џенаро Гатузо, доброволно ќе добива помала плата за да му помогне на клубот да го купи напаѓач Виктор Осимен од Лил, објави „The State Of Play“. Италијанските медиуми веќе пишуваат дека клубот се договорил со 21-годишниот Нигериец за личните услови во договорот до јуни 2025 година. Останува уште да се усогласат деталите за трансферот со францускиот клуб. Осимен има 18 голови и 6 асистенции на 38 натпревари за Лил во сезоната 2019/20. Порталот Transfermarkt.com ја проценува вредноста на играчот на 27 милиони фунти.

Гатузо по поразот од Интер: Тоа беше најдобриот меч на Наполи

Тале Кристо — Tue, 07 Jan 2020 09:02:09 +0000

Тренерот на Наполи, Џенаро Гатузо, мирно го прифати поразот од 1-3 на домашен терен од Интер во 18-то коло од Серија „А“. – Тоа беше најдобриот натпревар на тимот под мое водство. Не е случајно што немаме победа на „Сао Паоло“ од октомври. Ние правиме основни грешки. Мора да работиме напорно за да ги избегнеме во иднина. Оставаме многу простор и тоа не треба да продолжи. Средниот ред не ја поддржува доволно одбраната, рече Гатузо. Тој смета и дека сите три погодоци во нивната мрежа можеле да се избегнат. – Во моментов не е лесно да се игра на нашиот стадион, играчите немаат самодоверба. Во претходните години екипата се бореше за титулата, сега ситуацијата е поинаква и играчите не успеваат да се прилагодат, додаде популарниот Рино.

Елиф Елмас доби нов тренер: Гатузо застана на кормилото на Наполи

Тале Кристо — Wed, 11 Dec 2019 17:53:27 +0000

Џенаро Гатузо од вечерва е нов тренер на Наполи, објави на својот Твитер клубот од Неапол. Гатузо на тренерската функција го наследува Карло Анчелоти кој вчеравечер доби отказ. Вчера Наполи го совлада Генк (4-0) во Лигата на шампионите и избори осминафинале во елитното натпреварување. Претходно, 41-годишниот Гатузо беше преводник на Сион, Палермо, ОФИ, Пиза и Милан со кого минатата сезона го освои петтото место во Серија А и не се пласира во Лигата на шампионите.

Анчелоти: Неверојатен натпревар, а Гатузо е нешто посебно

Ристе Здравков — Sun, 26 Aug 2018 09:04:04 +0000

Тренерот на Наполи, Карло Анчелоти не ги криеше емоциите за драматичниот натпревар со Милан од второто коло во италијанското првенство. Во првото полувреме гостите од Милано имаа предност од 0:2, но Наполи во вториот дел направи пресврт постигнувајќи три гола и оствари победа од 3:2. - Милан одигра одличен натпревар, но и покрај негативата од 0:2 ние покажавме силна желба за победа и затоа успеавме на крајот да славиме, наведе тренерот на Наполи. Анчелоти во периодот од 2001 до 2009 година беше тренер на Милан, а овојпат за ривал на клупата го имаше поранешниот ученик Џенаро Гатузо. - Имам многу спомени од моите поранешни играчи, но со Гатузо е нешто посебно. Ова беше неверојатен натпревар за мене, еден од најемоционалните. Среќен сум што го видов него, истакна Анчелоти. Тренерот на Милан ја презеде одговорноста за поразот. По две кола Наполи има максимален учинок, а за гостите од Милано ова беше прв пораз сезонава.

Анчелоти: Милан е олицетворение на Гатузо

Ристе Здравков — Fri, 24 Aug 2018 12:37:00 +0000

Без сомнение, средбата меѓу Наполи и Милан ќе биде една од најинтересните во вториот круг од Серија „А“. Големиот Карло Анчелоти ќе се соочи со Милан, со кој освои многу во текот на годините, кога беше фудбалер и тренер на тимот. Сега италијанскиот стручњак ќе го изведе Наполи против „росонерите“, кои пак се предводени од Џенаро Гатузо, кој беше главен фудбалер во составот на Анчелоти кога Милан владееше во Европа. Карло очекува многу тежок натпревар и ја сподели својата голема возбуда да се соочи со Гатузо. - Кога играте со Милан, никогаш не е лесно, бидејќи овој тим е секогаш силен. Ќе се обидам да му дадам на мојот тим точна поставка за играње на овој натпревар каде што треба да го искористиме најдоброто од себе. Го познавам Гатузо. По природа, тој секогаш е ист. На клупата е таков, како што беше на теренот. Милан игра како Џенаро. Ќе се соочиме со еден внимателен тим кој ќе игра организирано и агресивно. Ќе ја кажам вистината, не очекував да го видам Гатузо на клупата како тренер, рече Анчелоти. Потоа тој зборуваше за неговото враќање во Италија и очекувањата од неговиот тим. - Имав огромна желба да се вратам во Италија за да можам да зборувам на мојот јазик. Наполи ми понуди значаен проект. Не сме на вистинско ниво, но заедно ќе можеме да ги подобриме нашите перформанси. Во исто време, Неапол е одличен. Луѓето многу ме почитуваат. Тие сакаат да се фотографираат од мене, но тоа не ми пречи, заклучи искусниот експерт. Дербито од второто коло на Серија „А“ се игра утре од 20,30 часот на „Сан Паоло“ во Неапол.

Гатузо: Им се извинувам и на навивачите

Ристе Здравков — Sun, 22 Apr 2018 11:03:30 +0000

Тренерот на Милан, Џенаро Гатузо, не го криеше разочарувањето од играта на неговите фудбалери, кои беа поразени на „Сан Сиро“ со 0:1 од најслабиот тим во Серија А, Беневенто. Според Гатузо секое алиби е неиздржано, бидејќи и против најлошопласираниот тим не може да се игра без одлучност и без душа. - Ги предупредив фудбалерите дека ќе имаме проблеми. Не можете да играте без одлучност и без душа. Ние практично го скокоткавме нашиот противник, не бевме воопшто опасни. Противникот дури и не мораше премногу да се потруди за да не победи, истакна тренерот на Милан. Тој наведува дека ќе го анализираат натпреварот, но дека е јасно дека тимот оди надолу. - Јас сум најодговорен за резултатите. Им се извинувам и на навивачите, бидејќи ние го носиме светиот дрес и не смееме да имаме вакви срамни натпревари. Јас не можам пред јавноста да зборувам невистини. Очигледно е дека одиме надолу, потенцира Гатузо. Според него Милан е тим кој секогаш мора да оди на победа.

Гатузо: Ќе донесеме нови засилувања во Милан

Ристе Здравков — Sat, 21 Apr 2018 11:50:51 +0000

Тренерот на Милан, Џенаро Гатузо, изјави дека добил гаранции од директорот Марко Фасоне дека тимот ќе биде засилен со тројца или четворица фудбалери. Милан во последниот период се наоѓа под истрага на УЕФА поради наводни кршења на правилата за финансиски ферплеј, но според Гатузо тоа нема да биде пречка клубот да донесе нови фудбалери.

- Фасоне ме информираше дека ќе донесеме тројца или четворица фудбалери, но не ми соопшти дали претходно ќе мораме да продадеме други тројца или четворица. УЕФА се уште не донела одлука за тоа, истакна тренерот на Милан.

Тој наведе дека би сакал да донесе големи играчи како Роналдо, Меси или Погба, но дека тоа не е реално.

- Би сакал да кажам ми се допаѓа Пол Погба, па ајде да го донесеме, но тоа не е можно. Ми се допаѓа и Марко Манџукиќ. Сакам големи играчи како Роналдо и Меси. Но, секогаш прво размислувам за тимот, а потоа за индивидуалците, нагласи Гатузо.

Пред Милан да преземе каква и да е финансиска операција ќе мора да го реши проблемот со долгот од 300 милиони евра, колку што изнесува заемот кој го зема кинескиот бизнисмен Јонгхонг Ли од американскиот фонд Елиот за да го купи италијанскиот клуб.