газирана вода – Kurir.mk

Дали газираната вода е опасна по здравјето?

Магдалена Андонова — Fri, 18 Nov 2022 15:04:09 +0000

Сите знаеме дека секојдневното консумирање сода не е паметна идеја. А што е со газиранaта вода? Луѓето со векови користат газирана вода за да го смират својот стомак, пред се за непријатните симптоми на горушица.Некои студии дури покажаа дека газираната вода е поефикасна од обичната вода кога станува збор за ослободување од варење. Сепак, експертите предупредуваат дека пиењето газирана вода на празен стомак може да направи повеќе штета отколку корист. - Киселината содржана во газирана вода е опасна на празен стомак, па наместо да го решите проблемот со горушица или варење, само би го влошиле. Газирана вода најдобро се пие помеѓу оброците, додека сите газирани безалкохолни пијалоци треба да се избегнуваат колку што е можно повеќе, објаснува д-р Ендрју Л. Рубман. Исто така, прекумерната потрошувачка на газирана вода може да ја влоши состојбата на луѓето кои страдаат од ГЕРБ (гастроезофагеална рефлуксна болест). Покрај газираните пијалоци, други намирници и пијалоци кои можат да ги влошат симптомите вклучуваат пијалоци со кофеин, цитрусно овошје или сокови, зачинета храна и се што е претерано масно, пренесува Index.hr.

ПОЧНЕТЕ ДА СЕ МИЕТЕ СО КИСЕЛА ВОДА: Трик за убавина што го користат Јапонките – жени со најубава кожа на светот

Магдалена Андонова — Tue, 25 Oct 2022 17:48:45 +0000

Употребата на газирана вода како дел од третман за чистење на лицето и нејзино додавање во маските и тонерите за лице е вообичаена практика во Јапонија и Кореја, а неодамна почна да се шири и во други делови на светот. Газирана вода ги содржи следниве корисни својства: Ја содржи истата pH вредност како и вашата кожа: водата од чешма има pH вредност од 7, додека газираната вода има pH вредност од 5,5, што исто така е иста вредност како и вашата кожа на лицето - така што нема да предизвика иритација. Ги чисти порите и ја намалува иритацијата: карбонизацијата ги разградува нечистотиите, маслото и нечистотиите во затнатите пори. Резултатот е подлабоко чистење и спречување на нови мозолчиња. Ја подобрува циркулацијата: јаглерод диоксидот носи крв и кислород во ткивата на кожата, кои го подобруваат функционирањето на целиот систем и кожата изгледа поздрава потоа, со суптилно руменило. Дерматологот д-р Денди Енгелман го поддржува овој третман за чистење на лицето и објаснува како газираната вода создава поздрав тен: - Газирана вода на собна температура почнува да се шири и да ги отвора крвните садови (водата од чешма треба да се загрее за да го има овој ефект) што помага снабдувањето со крв да стигне до ткивото на кожата. Овој процес ја подобрува испораката на хранливи материи како кислород до кожата - колку е подобра циркулацијата, толку подобро ќе функционира целиот систем и кожата ќе изгледа поздраво“, вели д-р Енгелман. Ако сакате да го пробате овој метод за чистење на лицето, следете ги овие чекори: Посипете го лицето со газирана вода или задржете го здивот и потопете го лицето во сад со кисела вода 10 секунди. Масирајте го лицето со средството за чистење. Исплакнете ја сапунската вода со газирана вода. Пред да ја нанесете кремата, тапкајте го лицето со крпа. Д-р Енгелман не препорачува секојдневно миење на лицето со газирана вода. Кожата прво треба да се навикне на меурчињата - особено ако имате чувствителна кожа на лицето: - Ако ефектот на пенење е премногу силен, измешајте еднакви количини газирана и минерална вода за да ја намалите киселоста и полесно да го измиете лицето. Друг совет е да измешате еднакви количини газирана вода и зелен чај, натопете памук во течноста и оставете го на лицето десет минути. Причината е фактот што колку подолго газираната вода остане на кожата, толку подобри ќе бидат резултатите.

Да се пие гaзирана вода или не?

Предраг Кукиќ — Sun, 04 Aug 2019 17:24:40 +0000

Кога станува збор за дилемите околу газираната вода има различни ставови. На пример, некои предупредуваат дека редовното и прекумерно консумирање на ваква вода може да предизвика проблеми со бубрезите, да го влоши високиот крвен притисок и да го зголеми ризикот од мозочен и срцев удар. Генерално, киселата вода се препорачува како здрава алтернатива за газираните напитоци полни со шеќери. За разлика од нив, минералната вода не дебелее затоа што нема калориска вредност. Но ова се однесува само на обичните минерални води, а не и на оние со вкусови. Симболите на етикетите на шишињата со газирана вода (Na, Ca, K, Mg, F) се однесуваат на содржината на минерали во таа вода, а зависно од концентрацијата на минерали, природните минерални води се делат на бикарбонатни, сулфатни, хлоридни, калциумови, магнезиумови. Затоа природните минерални води можат да бидат дополнителен извор на минерали во секојдневната исхрана, во диететските терапии и во физиолошките состојби кога постои зголемена потреба за минерали или пак тие се губат во поголеми количини. Ако на декларацијата пишува „газирана минерална вода“, значи дека е додаден CO2 кој не потекнува од истиот извоор како и водата. Стручњаците потсетуваат дека таканаречените кисели води не треба да ги консумирате во големи количини, како ни високоминералните води, затоа што негативно влијаат врз работата на бубрезите. Газираните минерални води, особено оние со висока содржина на јаглен-диокид, не се препорачливи за секојдневна употреба. Газираните води со висока содржина на натриум не се препорачуваат на оние кои имаат проблеми со висок крвен притисок. Се репорачува употреба на минерални води со што помала содржина на натриум, односно, во водата не би требало да има повеќе од 150 mg/L. Калиумот му е потребен на организмот, но неговиот вишок влијае на функцијата на бубрезите и затоа за секојдневна употреба не треба да се користи вода која има повеќе од 12mg/L. Магнезиумот од водата се апсорбира околу 30 отсто подобро и побрзо отколку магнезиумот од храната. Пожелно е нивото на магнезиумот во водата да биде барем 30 mg/L. Магнезиумот е важен елемент за правилно функционирање на кардиоваскуларниот и нервниот систем. Нормалните вредности на PH на водата се движат од 6 do 8, а ако имаат додаден јаглен-диоксид, неговото ниво се симнува и до 4,5. Газираните минерални води, особено оние со висока содржина на јаглен-диоксид, ја намалуваат pH вредноста, односно ја зголемуваат киселоста на ткивото и крвта. Истражувањето од 2002. објавено во „European Journal of Gastroenterology and Hepatology“, го испитувало влијанието на газираната вода врз варењето на храната. Откриено е дека газираната водазначајно ги намалува пречките во варењето и им помага на оние кои страдаат од хроничен запек. Докторите од Клиниката Мејо велат дека газираната вода е еднакво здрава како и обичната, а единствено што е важно е во текот на денот да се испие доволна количина вода за да се задоволат потребите за хидратација.

Газираната вода спречува создавање камен во жолчката и во бубрезите

Предраг Кукиќ — Sat, 15 Dec 2018 18:34:58 +0000

Конзумирањето газирана вода може да биде корисно за организмот на повеќе начини, оти помага при лошо варење и спречува создавање камен во жолчката и бубрезите. Минералната вода е корисна и за срцето, посочува ново истражување на Фрамингамскиот универзитет. Кај повеќе десетици илјади луѓе опфатени во студијата, што трае неколку десетлетија, дури и кај потомци на првите учесници, научниците ја следеа и густината на коските. Резултатите говорат дека просечната густина била намалена само кај жените кои трипати неделно пијат засладени газирани напитоци, како на пример сокови. Тоа покажува дека фосфорната киселина влијае на тоа, а не карбонизираната вода, како што некои тврдат. Слични сознанија објави и Универзитетот во Бостон. Од друга страна, пак, една шпанска студија посочува дека жените кои во постменопаузата, два месеца пиеле минерална вода, имаат помал ризик од развој на коронарни болести. Газираната вода содржи малку јаглен-диоксид, нема калории, нема шеќер, а покрај тоа освежува и хидрира.