газирани сокови – Kurir.mk

Газираните сокови придонесуваат за ќелавост кај мажите

Ивона Петрова — Wed, 11 Jan 2023 07:43:59 +0000

На сѐ поголем број мажи им опаѓа косата, покажуваат новите истражувања. Меѓутоа, наводите посочуваат и дека прекумерното консумирање засладени пијалоци е поврзано со машката ќелавост. Наодите се на научници од Универзитетот Цингхуа во Пекинг и нивните наводи велат дека ќелавоста е речиси 30 пати почеста кај мажите кои пијат по еден газиран пијалак, сок или претерано засладено кафе или чај секој ден. Оние кои пијат повеќе од еден засладен пијалок дневно имаат 42 отсто поголеми шанси да доживеат губење на косата отколку оние кои не пијат пијалаци со шеќер. Се разбира, слатките напивки не се единствениот фактор зад опаѓањето на косата. Менталното здравје и генетиката исто така играат улога, но важно е и да се внимава на исхраната. Советот вели: намалете ја пржената храна и вклучете повеќе зеленчук во оброците. Меѓународното здружение за истражување на матични клетки во Лос Анџелес во 2019 година објави дека според научните наоди, природна коса ќе може да се добива од матични клетки.

Газираните сокови се штетни за црниот дроб

Тале Кристо — Wed, 17 Nov 2021 08:31:42 +0000

Црниот дроб ги филтрира штетните материи од телото и затоа неговото здравје е од исклучителна важност за човекот. Кога станува збор за оштетување на црниот дроб, обично веднаш се помислува на алкохол, но истражувањата покажаа дека овој орган има значително поголема штета од други, можеби и попопуларни напивки… Имено, тоа се засладените газирани пијалаци. Истражувањето е на здравствените стручњаци од американскиот Медицински универзитет на Бостон, а трудот е објавен во списанието „Clinical Gastroenterology and Hepatology“. Во новообјавениот заклучок, научниците посочуваат дека набљудувале учесници со просечна возраст од 63 години и 48 години. Нешто повеќе од половина учесници биле жени. Доброволците пријавиле колку често пијат засладени газирани сокови, па резултатите говорат дека „неалкохолниот“ мастен црн дроб може да предизвика цироза на самиот орган, но и бенигни проблеми, како што е зголемен црн дроб. Неалкохолниот стеатохепатитис може да се спречи со исфрлање на засладените пијалаци од исхраната. За често консумирање се смета сè она – меѓу еден и повеќе пијалаци на ден. И луѓето кои само повремено пијат засладени пијалаци – што значи еднаш ме сечно или помалку од еднаш неделно, исто така имале малку повеќе насобрани масти во црниот дроб од луѓето кои не пијат такви напитоци.

Многумина од вас го користат секојдневно, а тоа е отров кој ги уништува вашите коски

Ивана Ефремовски — Fri, 27 Dec 2019 18:13:37 +0000

Генерално, многу не знаат кои се негативни последици кои оваа пијачка ги има по нашето здравје. Најлошо од се е што во голема количина се дава и на децата, што може да доведе до неочекувани последици. Овој „отров“ се газираните сокови! Според научните истражувања, еве какви дејства има по човечкото телото:

1. Во првите 10 минути

Една чаша во себе содржи 10 лажици шеќер, а тоа е 100% дневна дозволена доза. Во телото стигнува и фосфорот, заслужен за интезитетот на вкусот.

2. По 20 минути

Доаѓа до зголемување на глуказата и инсулинот, што доаѓа до претворање на шеќерот во масти во црниот дроб.

3. По 40 минути

Кофеинот во пијачката потполно се апсорбира во телото, во рок од 40 минути. Протокот на крвта се зголемува, а црниот дроб почнува да произведува повеќе шеќер во крвта. Вашиот мозок почнува да ги блокира рецепторите на хормонот аденозин, што го спречува чувството на замор.

4. По 45 минути

Лачењето допамин се зголемува, што значајно влијае да се чувствувате добро и тој ефект е сличен на оној кој го дава хероинот.

5. До 60 минути

Магнезиумот, фосфорната киселина, калциуот и цинкот доведуваат до зголемено варење. Тоа е поврзано со големото количество шеќер и вештачки засладувачи кои го ограничуваат излачувањето на калциум во текот на мокрачата.

6. По 60 минути

Диеретичките својства на кофеинот почнуваат да делуваат и сите минерали, вклучувајќи ги и магнезиумот, калциумот и цинкот наменети за коските, тогаш се излачуваат во урината.

7. По малку повеќе од еден час

Распоредувањето на шеќерот по организмот е во завршна фаза. Се чувствувате полни со енергија и можете да очекувате чести промени на расположението. Заедно со газираните сокови, од телото се излачува целата вода и хранливи честитки, неопходни за функционирање на организмот. На крајот, ризикот од развојот на дијабетес значајно се зголемува.

Овие производи се штетни за срцето, стомакот, но и нервниот систем

Ивона Петрова — Fri, 06 Sep 2019 08:53:00 +0000

Ново истражување објавено во списанието „ЏAMA“, ги посочува безалкохолните газирани сокови, независно дали содржат шеќер или вештачки засладувачи, како фактор за зголемување на ризикот од предвремена смрт кај луѓето, па дури и како можен причинител за појава на Паркинсонова болест. Проучувањата опфатиле над 450.000 возрасни лица од 10 европски земји – Данска, Франција, Германија, Грција, Италија, Холандија, Норвешка, Шпанија, Шведска и Обединетото Кралство во период од 19 години. Заклучоците говорат дека луѓето кои пијат две или повеќе чаши од 250 грама газирана напивка на ден, имаат поголем ризик од предвремена смрт за разлика од оние што пијат најмногу една чаша месечно. Всушност тези, кои пијат сок со шеќер секој ден, имаат поголеми шанси да умрат од проблеми со системот за варење, а пак, оние што секојдневно пијат газиран сок со вештачки засладувачи, имаат повисок ризик да умрат од срцеви заболувања. – Нашите резултатите уште еднаш потврдува дека газираните напитоци треба да се избегнуваат и заменат со други, поздрави сокови, а најубаво – со вода, смета еден од авторите на истражувањето, Нил Марфи од Меѓународната агенција за истражување на ракот. Трудот исто така, открива дека оние кои дневно пијат една или повеќе чаши обичен или диетален газиран сок, се понаклонети кон тоа да заболат од Паркинсоновата болест и други нарушувања на нервниот систем, што го засегаат движењето на човекот. Но, на оваа теорија ѝ требаат дополнителни испитувања, велат стручните лица.

Македонците најмногу јадат леб и пијат газирани сокови

Дарко Андоновски — Sat, 30 Dec 2017 12:00:31 +0000

Статистиката покажува дека просечно еден граѓанин во Македонија јаде 70 килограми леб, 29,9 килограми компир, девет килограми пилешко месо, 7,3 килограми ориз, 13,1 килограми јаболки, 10,5 килограми лубеница, 11,5 килограми зелка, 19,7 килограми пиперки и 14 килограми домати. Македонците, покажува анкетата на статистика, јаделе 5,4 килограми макарони, и 182 јајца во годината. Од морската храна најмногу јадат ослиќ 4,3 килограми, свежа пастрмка 0,6, и свеж крап и црвеноперка по 0,2 килограми. Сардини во зејтин конзумират просечно по 0,3 килограми, а туна 0,4 килограми. Според анкетата, граѓаните воопшто не конзумираат тестенини во сос, говедска печеница, замрзнато овошје, ананас во конзерва и компот. Сирење јадат просечно по 6,7 килограми годишно. Македонскиот граѓанин пие млеко во тетрапак годишно 24,3 литри, јогурт 13,8 литри, кисело млеко пет, кисела павлака 1,5, овошен јогурт 0,3, урда и кашкавал по три килограми и топено сирење 0,3 килограми. Македонците најмногу пијат газиран сок Меѓу пијалоците предничат газираните сокови. Просечно годишно еден македонски граѓанин пие 23,9 литри газиран сок, 19,4 литри минерална вода, 9,4 литри пиво, 5,5 кашести овошни сокови, 1,9 литри вино, 0,7 литри природна ракија. Најмалку или воопшто според анкетата не се конзумира ликер и шток. Пушат 40 кутии цигари Пушачите во текот на годината просечно пушат 40 кутии, а кафе еден граѓанин троши просечно 2,3 килограми. Чоколадо годишно јадат 1,1 килограм.