„Генералка Викенд“ оваа сабота во Охрид

Тале Кристо — Thu, 11 May 2023 13:43:26 +0000

,,Генералка викенд” денес од 09 до 12 часот во Кавадарци

Ристе Здравков — Fri, 06 May 2022 11:55:31 +0000

Кавадарци заедно со други 25 општини во Македонија се приклучува на најголемата еколошка акција за чистење заедно со ПАКОМАК и Мен енд Маунтен, како најголемата акција за чистење и селектирање отпад, а во истата може да се вклучи буквално секој кој се грижи за здрава и чиста животна средина без ограничување на возраста, напиша на својот Фејсбук профил градоначалникот на општина Кавадарци, Митко Јанчев. -Оваа иницијатива ќе трае од 6 до 8ми мај. А во Кавадарци се спроведи денес, благодарение на сите пријавени волонтери, и дел од Мој Општинар, на три локации во градот. За чисто и убаво Кавадарци, истакна Јанчев.

Акцијата „Генералка викенд“ спроведена и во Битола

Ристе Здравков — Fri, 06 May 2022 10:46:40 +0000

Општина Битола денес започна со реализација на активностите од најголемата еколошка акција за чистење, која се спроведува заедно со ЈКП Водовод, КЈП Нискоградба, и ЈП Комуналец, како и со вклучување на три приватни фирми, учество на советници од Советот на општина Битола, Локалниот совет на млади, дел од основните и средните училишта во градот, како и повеќе граѓани. Акцијата се реализира на иницијатива на Мен енд Маунтен во соработка со Пивара Скопје и ПАКОМАК. Со „Генералка викенд“, во Битола ќе се чисти на 24 локации со над 1000 учесници во акцијата, а целта е чистење на отпадот и создавање еколошки одржлива иднина. „Со денешните активности на улицата „Кочо Рацин“, се вклучуваме во големата акција за чистење и пошумување „Генералка викенд“, која се реализира во 26 општини. Со цел, да постигнеме колку е можно поголем ефект во расчистувањето на јавните површини, но и да ги мотивираме граѓаните да извршат чистење на просторот пред нивните домови, одлучивме акцијата да се спроведува два дена, а нашите јавни претпријатија, со голем дел од својот капацитет, ги ставивме во функција на оваа акција. Во Битола, денес и утре се врши чистење на 24 локации, меѓу кои има и поголеми диви депонии, но и мини депонии, затревени површини, како и расфрлени отпадоци кои оставаат лоша слика низ улиците. Меѓу поголемите депонии кои ќе бидат исчистени, ќе ги споменам депонијата на патот Ушици – Стрелиште, неколку депонии во АРМ, тоа што беше барање, но и потреба на пазрџиите и сите нас, односно расчистување на просторот кај Новиот пазар, обиколницата на патот М5, каде во текот на утрешниот ден ќе се вклучат и две приватни фирми, депонија во селото Црнобуки, каде се вклучува уште една приватна фирма и други локации. Во оваа прилика, сакам да им се заблагодарам на граѓаните кои самоиницијативно се вклучуваат во акцијата, на директорите на јавните претпријатија, како и на приватните фирми кои на овој начин ја покажуваат својата општествена одговорност, но посебно сакам да им се заблагодарам и на младите и учениците кои заедно со своите наставници се дел од оваа акција и на тој начин од најрана возраст ја покажуваат својата грижа за животната средина. Генералка викенд, денес започнува и во 6 основни и 2 средни училишта, со вкупно вклучени 745 ученици, а покрај чистењето, во училиштата се врши и селекција на отпадот, што е особено значајно за подигнување на јавната свест за начините на кои можеме да влијаеме за поубава и почиста Битола. Исто така, дел од акцијата се и локалниот младински совет, како и претставници на повеќе урбани заедници. Верувам дека сите заедно, овие два дена, значително ќе ја подобриме хигиената во градот“, рече градоначалникот Тони Коњановски, за време на денешниот почеток на акцијата „Генералка викенд“ во Битола. Активностите кои се дел од акцијата „Генералка викенд“, денес ќе се реализираат до 14.00 часот, а утрешната акција ќе трае од 08.00 до 12.00 часот.

генералка викенд – Kurir.mk

„Генералка Викенд“ оваа сабота во Охрид

,,Генералка викенд” денес од 09 до 12 часот во Кавадарци

Акцијата „Генералка викенд“ спроведена и во Битола