генерални секретари – Kurir.mk

Димитриеска Кочоска: Притворот на двајцата генерални секретари на Владата е најголем доказ дека буџетот на власта служи како извор на корупција

Магдалена Андонова — Tue, 19 Apr 2022 07:35:46 +0000

Од ЕЛЕМ не беа во состојба да си произведат она што требаше да му го предадат на ЕВН за домаќинствата. И тоа за домаќинствата, а да не зборуваме за приватниот сектор. Зошто не беа спремни? Зошто не произведуваа? Зошто не ја продадоа струјата по цена повисока од таа нивна производна и од таа нивна што ја даваа на ЕВН 37 мислам евра за еден мегават? Еве и 100 да ја продадоа за приватниот сектор, ЕВН ќе купеше по 250 евра од увоз и 100-те евра ќе направеше микс и компаниите ќе добиеја пониска цена. Значи јас тоа го зборувам. Зошто не се произведуваше во ЕЛЕМ? Тоа е задачата на државата да излезе во пресрет и на компаниите и на граѓаните кога им е тешко. А, беше тешко и се уште е тешко и ќе биде“, истакна Гордана Димитриеска Кочоска, потпретседател на ВМРО-ДПМНЕ во гостување во радио „Лидер“. Димитриеска Кочоска додаде дека жално е што воопшто нема никакви придвижувања во енергетиката. И оние коментари на премиерот дека во последниве 30 години не било направено ништо во енергетиката, нека отиде да се распраша што се направи во периодот на владеење на ВМРО-ДПМНЕ. - Воопшто не се грижи за базната енергија, се грижи за фотоволтаици. Да, треба да има обновливи извори на енергија и тоа треба на некој начин и да се субвенционира, но што правиме со базниот дел, запраша Димитриеска Кочоска. Димитриеска Кочоска посочи дека податоците во економијата се поразителни дури и во последната анкета за деловни тенденции или тоа се очекувањата на преработувачката индустрија за месец март и за следните три месеци покажува поразителни резултати. А, тоа е дека ќе се зголемуваат залихи, ќе се отпуштаат луѓе од работа, значи покажува нешто што загрижува многу. - Кризата или војната во Украина не сме ја почувствувале се уште, знаете ли кога ќе ја почувствуваме, кога ќе дојде нова реколта на земјоделските производи, на житата, на сончоглед. Сега се уште имаме залихи од претходната користиме, што ние, што светот. Цените отидоа нагоре, но се уште оној недостаток реален го нема бидејќи се реорганизираат државите и си створаат залиха, затоа што знаат дека периодот што следи ќе биде тежок, појасни Димитриеска Кочоска. Димитриеска Кочоска укажа дека во економијата се се случува со временско задоцнување од најмалку девет месеци. - Од власта се упропастија, се урнисаа, заборавивме да ги спомнеме и двајцата генерални секретари на Владата кои што јасно го потврдуваат она што јас го зборувам. И едниот и другиот кои што се во притвор за кои што имаат и дела. Поголем доказ од тоа дека буџетот им служел како извор на корупција не постои, нагласи Димитриеска Кочоска.

ВМРО-ДПМНЕ: Криминалните шеми на генералните секретари на Владата на заевизмот не можеле да се случат без знаење на нивните шефови

Тале Кристо — Mon, 11 Apr 2022 06:49:05 +0000

Криминалните шеми на генералните секретари на Владата на заевизмот, Рашковски и Зекири не можеле да се случат без знаење на нивните шефови. И двајцата се луѓе од доверба на Зоран Заев, едниот му е близок пријател, другиот му е кумашин, велат во партиското соопштение од ВМРО-ДПМНЕ. Затоа надлежните институции треба да ја прошират истрагата. Логично се поставува прашањето дали и колку пари од криминалните зделки завршиле кај Зоран Заев и неговиот наследник Ковачевски? Медиумите пренесоа дека Мухамед Зекири без тендер во четири очи направил коруптивен договор со двајца хрватски државјани во вредност од околу еден милион евра, правејќи фиктивни физибилити студии во вид на „семинарски труд“ за рационализација и продажба на институција која што е под владата Македонски пошти. Ваквите шеми се причината поради која народот осиромашува, а голтарите од власта на СДСМ и ДУИ стануваат милионери. Поради ваквите криминали Македонија е најсиромашната држава, а власта е најкорумпирана во регионот и Европа според сите релевантни меѓународни мерења, се вели во соопштението на ВМРО-ДПМНЕ.

Генералните секретари на најголемите федерации одржаа работен состанок во Куќа на фудбалот

Ивона Петрова — Thu, 30 Jul 2020 10:58:04 +0000

Генералниот секретар на Фудбалската федерација на Македонија (ФФМ), Филип Поповски иницираше работен состанок во „Куќа на фудбалот“ со претставници на најголемите спортски асоцијации во нашата држава. На состанокот присуствуваа првите оперативци на КФСМ и ОФМ, Владимир Георгиевски и Зоран Карановиќ, претставникот на РФМ, Славе Николов, како и комесарите за натпреварувања во четирите наши најголеми федерации. Главна тема на состанокот беа здравствените протоколи за спортските натпревари и предизвиците со кои се соочуваат организаторите на натпреварувањата во пресрет на новата натпреварувачка сезона. Учесниците на состанокот се согласија дека една од важните иницијативи која федерациите ќе ја предложат до надлежните институции е формирање на посебно, стручно тело во рамки на државниот орган за спорт, чија обврска би била комуникација, соочување и решавање на предизвиците и проблемите со кои се соочуваат федерациите и спортските тимови во услови на пандемија, сѐ со цел навремено да започнат националните првенства. – За нас, како Фудбалска федерација на Македонија е исклучително важно да го започнеме новото првенство според предвидениот календар, од причина што веќе од идниот месец ќе бидеме организатори и на низа меѓународни натпревари на репрезентациите, а тимовите ги очекуваат и натпревари од европските купови, истакна Филип Поповски, генералниот секретар на ФФМ. Претставниците на кошаркарската, одбојкарската и ракометната федерација истакнаа дека ситуацијата во која се наоѓаат е веројатно покомплексна бидејќи натпреварите се играат во затворен простор, но ги споделија речиси истите проблеми со кои се соочуваат во однос на тестирањето на играчите и официјалните лица, како и патувањата надвор од државата за клупски и репрезентативни натпревари. Изразија надеж дека државните институции треба да најдат начин да бидат и логистичка, па дури и финансиска поддршка во однос на почетокот на натпреварувањата и тестирањето на екипите.