гени – Kurir.mk

Истражување: Изборот на храна може да зависи од гените

Катерина Бојаџиева — Mon, 24 Jul 2023 08:59:48 +0000

Факторите како што се приходи, општествен статус, географска местоположба и култура го одредуваат видот и квалитетот на исхраната во одредено подрачје, гените исто така може да играат улога, посочува ново истражување на Медицинскиот факултет при Универзитетот на Колорадо во САД. - Некои од гените што ги идентификувавме се поврзани со сетилните патишта - вклучувајќи ги и оние за вкус, мирис и текстура - и исто така може да го зголемат одговорот на мозокот. Бидејќи генетиката игра многу помала улога во влијанието на внесот на храна од сите фактори на животната средина, треба да проучуваме стотици илјади поединци за да откриеме генетски влијанија меѓу факторите на животната средина, појасни Џоан Кол од Универзитетот. Oколу 500 гени „директно влијаат“ на исхраната на луѓето, посочува написот каде што се анализираат здравствените и социо-економските податоци на луѓе од „Биобанката“ во САД - база на податоци со повеќе од 500.000 луѓе. Истражувачите заклучиле оти има околу 300 гени „директно поврзани“ со консумацијата на одредени видови храна и близу 200 гени поврзани со навиките за исхрана и групите на храна како што се риба или овошје. Taa ќе ги претстави првичните наоди на годинашната Конференција на Американското здружение за исхрана во Бостон. Можниот следен чекор, според научниците, е „да се открие дали користењето на генетиката на една личност за приспособување на профилот на вкус на диета наменета за губење на тежината, може да го подобри придржувањето“ кон тој режим? Тоа би можело да помогне во составувањето идни диети и програми за слабеење.

ГЕНИТЕ ВЛИЈААТ КОЛКУ ПИЕТЕ: Што значи ако пиете повеќе од 3 чаши вино неделно?

Ивона Петрова — Wed, 07 Dec 2022 21:00:26 +0000

Истражувањата докажаа дека ако пиете повеќе од три чаши неделно, можеби е виновна вашата ДНК. Истражувачите ги анализирале гените и го проучувале внесот на алкохол кај 3,4 милиони луѓе, главно од Европа. Количината на вино што ја пиете во една недела е под влијание на гените, па затоа некои луѓе пијат дури и повеќе од три чаши вино неделно. Луѓето имаат околу 20.000 гени - од боја на очите до интелигенција и однесување - во речиси секоја клетка во нивното тело. Тие се 99,9 проценти идентични во нивниот генетски состав, споделувајќи ги повеќето исти гени, но имаат варијации во некои од нив што може да се поврзат со начинот на живот. Истражувачите успеале да идентификуваат илјадници генетски варијации кои почесто биле забележани кај луѓе кои пиеле повеќе алкохол во просечна недела. – Колку ќе пиете можеби не зависи целосно од тоа дали сте имале стресен ден или колку е вкусно шишето вино во фрижидерот, важна улога играат гените – изјавил професорот Деџианг Ли.

Далтонизам е една од нив, еве кои работи децата ги наследуваат од таткото

Ивана Ефремовски — Wed, 27 Oct 2021 14:47:55 +0000

Гените се уште не се доволно истражени, но она што се знае е дека играат важна улога во наследување на физичи, па дури и карактерни особини. Некои од нив детето ги наследува од мајката, а следните четири се само од таткото. Далтонизам Многумина од нас знаат дека далтонизмот е пореметување во распознавање на бои, но некои можеби незнаат дека најчесто го имаат мажите. Овој дефект дури природно го носат во себе, што значи полесно го пренесуваат на своите наследници. Далтонизам не значи слепило за бои, само неможност распознавање на црвени и зелени тонови во самиот спектар. Отисок од прсти Секој од нас има единствени отисоци на прстите, но нашите отисоци се послични на оние кај таткото, отколку на мајката. Пол Јајните клетки носат два Х хромозоми, а сперматозоидот, кој носи Х и Y хромозоми, е тој кој одредува кој пол ќе биде детето. Ако јајните клетки ги оплоди хромозомот Х, ќе се роди девојче, а ако ја оплоди Y, доаѓа машко. Рефлекс на кивање поради светлина Можеби звучи смешно, но некои луѓе неможат да гледаат во Сонце, а при тоа да не кивнат. Ова е уште една карактеристика која таткото ја пренесува на своето дете.

Гените се чудо: Овие работи детето може да ги наследи само од својот татко

Ивана Ефремовски — Tue, 13 Jul 2021 11:58:23 +0000

Гените уште не се доволно истражени, но она што се знае е дека играат важна улога во наследување на физичи, па дури и карактерни особини. Некои од нив детето ги наследува од мајката, а следните четири се само од таткото. Далтонизам Многумина од нас знаат дека далтонизмот е пореметување во распознавање на бои, но некои можеби не знаат дека најчесто го имаат мажите. Далтонизам не значи слепило за бои, само неможност за распознавање на црвени и зелени тонови во самиот спектар. Отисок од прсти Секој од нас има единствени отисоци на прстите, но нашите отисоци се послични на оние кај таткото, отколку на мајката. Пол Јајните клетки носат два Х хромозоми, а сперматозоидот, кој носи Х и Y хромозоми, е тој кој одредува кој пол ќе биде детето. Ако јајните клетки ги оплоди хромозомот Х, ќе се роди девојче, а ако ја оплоди Y, доаѓа машко. Рефлекс на кивање поради светлина Можеби звучи смешно, но некои луѓе не можат да гледаат во Сонце, а при тоа да не кивнат. Ова е уште една карактеристика која таткото ја пренесува на своето дете.

Гените откриваат кога настапува смрт

Катерина Бојаџиева — Thu, 29 Apr 2021 17:51:17 +0000

Генетскиот часовник кој почнува да отчукува откако некој ќе почине, во иднина би можел да им биде од голем корист на научниците во утврдувањето на точното време на смрт. Моментално како показател се користи мерењето на температурата на телото, која на секој час бележи пад од 1.5 степени Целзиусови. Знаци дека настапила смрт се вкочанетоста на телото, како и присуството на инсекти во близина на телото. Сепак, новата метода нуди значително поедноставен начин за утврдување на моментот на смртта, и тоа само во рок од еден час од пронаоѓање на телото. Научниците откриле бројни генетски промени кои се случуваат кога некое лице ќе почине, а кои водат кон смрт на сите ќелии и гасење на имунолошкиот систем. Најјасни резултати се добиваат од кожата, тироидната жлезда, поткожното масно ткиво и белите дробови, во однос на тоа дека после смртта гените повеќе не играат улога во процесот кој влијае на пренесување на кислород од белите дробови во преостанатиот дел од организмот. Научниците, кои проучувале гени на 129 личности, велат дека благодарение на новата метода, до откривањето на времето кога ќе настапи смрт доаѓале во просек за 63.75 минути. Сепак, научници на чело со Центарот за регулација за генетска експресија во Барселона, пренесуваат дека оваа метода не е докажано како ефикасна 24 часа после смртта, и подоцна. Најочигледни промени претставува процесот во рамките на кој, инструкциите во нашите гени се претвораат во финален производ, како протеинот. Научниците идентификувале 187 гени кои играат важна улога после смртта, вклучувајќи ги гените HBA1 и HBA2, задолжени за процесите на пренесување на кислород од белите дробови во остатокот од телото и промена во нивното однесување кога лицето ќе прекине да дише. Новата генетска метода овозможува утврдување на времето на смрт со проучување на одредени видови на ткива, што значи дека тоа е возможно да се утврди дури и кога ќе се пронајдат само остатоци од телото, а не цело тело.

Хроничните болести и дебелината не се единствените причини за потешката форма на Ковид-19: Гените исто така играат улога

Магдалена Андонова — Tue, 30 Mar 2021 10:53:17 +0000

Некои генетски предиспозиции се „виновни“ дека дел од пациентите со Ковид-19 развиваат тешки форми на инфекција, потврди истражувањето на италијански научници, чии резултати ги објавува весникот наменет за медицинскиот персонал на „Популарна наука“, пренесува Танјуг. Истражувачите го засноваа своето истражување на примерок од 1,7 милиони податоци зачувани во Меѓународниот центар за генетика на Ковид-19, кој вклучува 143 истражувачки центри од целиот свет. Меѓу испитаните примероци имало и оние на 7.000 луѓе кои развиле тешки форми на инфекцијата од коронавирус. Значењето на ова истражување е тоа што ќе им овозможи на научниците и медицинскиот персонал да го предвидат текот на болеста на заразените и соодветно да преземат мерки или да препишат третман. Претходните истражувања потврдија дека постарите пациенти се почесто страдаат од потешки форми на Ковид-19. Исто така, претходните истражувања покажаа дека Ковид-19 е почеста кај мажите, како и дека се забележани потешки клинички слики кај пациенти со хронични заболувања.

Гените виновни за потешките облици на Ковид-19

Тале Кристо — Sat, 12 Dec 2020 15:44:50 +0000

Една од најголемите мистерии во врска со пандемијата на коронавирус е зошто некои луѓе кои се заразуваат немаат никакви симптоми, додека други сериозно се разболуваат. Истражување спроведено врз повеќе од 2.200 пациенти во единиците за интензивна нега, утврди дека поради одредени гени, некои луѓе се подложни на потешки симптоми на Ковид-19.можат, јави Би Би Си. Ова откритие дава нови сознанија за тоа каде имунолошкиот систем прави грешка во борбата против вирусот, што може да помогне при нови терапии. – Ќе бидат потребни нови терапии и покрај развојот на вакцини, вели д-р Кенет Бејли, медицински консултант во Кралската амбуланта во Единбург и водач на проектот Геномик. – Вакцините драстично ќе го намалат бројот на случаи на коронавирус, но веројатно лекарите ќе ја третираат оваа болест во единиците за интензивна нега ширум светот во следните години, така што постои голема потреба за нови терапии, вели Бејли. Научниците проучувале ДНК на 2.700 пациенти сместени во 208 единици за интензивна нега низ Велика Британија и заклучиле дека пет гени поврзани со два молекуларни процеси, антивирусен имунолошки одговор и пневмонија, играат клучна улога во многу тешки случаи на болеста. – Нашите резултати веднаш покажаа кои лекови треба да бидат на врвот на списокот за клинички испитувања, рече Кенет Бејли. Тој додаде дека гените наречени IFNAR2, TYK2, OAS1, DPP9 и CCR2, делумно објаснуваат зошто некои луѓе развиваат многу тешка форма на болеста, додека на други речиси и не влијае вирусот. Резултатите од студијата, објавени во списанието „Нејчр“, треба да им помогнат на научниците да ја забрзаат потрагата по потенцијални лекови за коронавирусот, спроведувајќи клинички испитувања на лекови кои напаѓаат одредени антивирусни и антиинфламаторни патишта. Меѓу оние со најголем потенцијал, според Бејли, треба да има класа на лекови против воспаление наречени JAK инхибитори, која го вклучува лекот за артритис барицитиниб, кој е произведен од „Ели Лили“. Тимот на Бејли исто така откри дека зголемената активност на генот INFAR2 може да создаде заштита од Ковид-19 затоа што веројатно ќе го имитира ефектот на третманот со интерферон. Различни лекови се истражуваат во клиничките испитувања за да се испита нивниот потенцијал во лекувањето на коронавирусот, вклучувајќи интерферон-бета-1а, антагонист на рецепторот интерлеукин-1 и лек за артритис „Кавзар“ на Санофи. Засега, стероидот дексаметазон и новоразвиениот антивирусен лек ремдесивир се единствените лекови во светот кои имаат лиценца за да се користат за лекување на пациенти со Ковида-19, иако ремдесивир не се препорачува за тешки случаи на болеста. Американската администрација за храна и лекови минатиот месец го одобри лекот бамланивимаб од производителот „Ели Лили“ за третман на пациенти кои не се во болница, но спаѓаат во групата загрозени, кои развиваат потешка форма на болеста поради возраста или други состојби.

Откриени се гени кои одредуваат дали може коронавирусот да ве убие или не!

Тале Кристо — Mon, 06 Jul 2020 12:12:44 +0000

Научниците почнуваат да разбираат зошто коронавирусот е поопасен за одредена група на луѓе а за друга не. Постарите луѓе имаат поголема веројатност дека ќе се разболат од вирусот за разлика од помладите. Мажите се под поголем ризик од жените. Новото откритие, објавено во петокот соопштува дека клучевите за добро здравје потекнуваат уште од дамнешна историја. Тоа е поради одреден сегмент на ДНК кој го зголемува ризикот од тешките болести како што е коронавирусот. „Овој ефект на вкрстување на сегменти од ДНК се случил уште пред 60.000 години а и денес има влијание“, вели Џошуа Акеи, генетичар од Универзитетот во Принстон. Овој дел на геномите, кој опфаќа шест гени на хромозомот 3, претрпел вкрстување низ историјата на човештвото. Варијацијата е за сега вообичаена во места како што е Бангладеш, каде 63 отсто од луѓето носат најмалку еден ваков геном. Во цела Азија, скоро третина од луѓето го наследиле генот. Меѓутоа, само 8 отсто од Европејците го имаат а 4 отсто во Источна Азија. Во Африка и воопшто го нема.

Гените се чудо: 7 карактеристики кои детето ги наследува само од таткото

Ивона Петрова — Thu, 01 Aug 2019 08:05:35 +0000

Познато е дека децата во себе имаат микс од гените од двајцата родители, но доколку едниот родител е доминантен, тогаш детето повеќе се „повлече“ на него. Научниците повеќе пати тврделе досега дека децата интелигенцијата ја наследуваат од мајката, но овој пат откриваат кои се карактеристиките кои детето исклучиво ги наследува од таткото. 1.Ментално пореметување - меѓу оние кои мажите ги пренесуваат на своите потомци, најистакнати се ADHD и шизофренија. 2. Репродуктивно здравје - истражувањата откриле дека лошиот квалитет на сперма може да биде наследна патологија. Во овој случај, бебето зачнато како резултат на вонтелесно оплодување веројатно и самото ќе има проблем со зачнување. 3.Срцеви болести - откриено е дека некои мажи може да биде носители на неисправни хромозоми, што го зголемува ризикот за коронарни атериски болести за 50 проценти. Под одредени фактори, оваа особина ја наследуваат синовите 4.Пол - не е тајна дека машките гени се одговорни за полот на детето 5.Раст - интересно е дека растот кај детето зависи од генот на таткото, колку е повисок таткото поголема е можноста наследниците да бидат високи 6.Бојата на очите - главните особини на лицето и бојата на очите кај детето во најголем бропј случаеви се исти како кај таткото 7.Состојба на забите - мора да знаете дека машките гени се одговорни за структурата на вилицата, па поради тоа децата од татковците ја наследуваат густината на забите, нивната белина и сл.

Идентификувани 1.016 гени поврзани со интелектот кај човекот

Даниел Василев — Wed, 27 Jun 2018 12:05:09 +0000

Меѓународен тим научници открија околу 1.000 гени поврзани со интелигенцијата, кои досега не и беа познати на науката, објави „Сајенс Алерт“. Сеопфатното генетско истражување околу проблемите со човечкиот интелект открило 190 нови локации и 939 нови гени поврзани со тоа. Студијата опфатила 270.000 лица со европско потекло, кои биле подложни на неврокогнитивни тестови за проценување на нивниот интелект. Потоа податоците биле споредени со варијациите на ДНК-та на учесниците, па така биле идентификувани гените што ја одредуваат интелигенцијата. Од девет милиони откриени мутации, тимот идентификувал 205 предели во ДНК кодот, од кои само 15 биле претходно изолирани. Од специфичните 1.016 гени, само 77 биле познати за науката. МИА