георги прванов – Kurir.mk

Прванов: Илинденското востание е бугарско по својот карактер

Предраг Кукиќ — Sun, 23 Jun 2019 08:56:24 +0000

Македонската страна очигледно ќе ја зголемува тензијата, а тоа го покажува и актуелноста на проблемот со Гоце Делчев во македонските медиуми, вели во интервју за „24 часа“ поранешниот бугарскиот претседател Георги Прванов. „Се раѓа антибугарското во македонизмот во својата најгруба форма. Моето објаснување е дека тоа беше вткаено во самииот недоречен, краткоглед текст на Договорот за пријателство, кој не го реши проблемот со заедничката историја на начин како што го направија Грците, туку го остави на една Комисија која нема мандат и е осудена да заврши лошо, со што ќе се влошат билатералните односи“, вели Прванов. Тој додава дека: „клучот на решението е да се држат до тоа дека Илинденското преображенско востание е бугарско по својот карактер, затоа што населението има бугарско сознание, зашто такви се целите на Внатрешната револуционерна организација. Ако тоа се реши, назад во историјата очигледно процесите имаат бугарски карактер“.

Прванов: ЕУ и НАТО да ја примат Македонија под уставното име

Предраг Кукиќ — Tue, 02 Oct 2018 10:51:47 +0000

Поранешниот претседател на Бугарија Георги Прванов (2002-2012) вели дека нема шанси да биде прифатено името Северна Македонија, коментирајќи ги резултатите од референдумот во денешното гостување на БНТ. – Јас мислам дека тука Бугарија треба да презеде водство и да ги повика нашите партнери од ЕУ и НАТО да оди кон прием на земјата во овие организации со името Република Македонија – рече Прванов. Според Прванов тоа е потребно да се направи доколку Македонија им е „стратешки значајна, а не само како фронтовска држава каква сега сакаат да ја претворат во односите со Русија “. Запрашан како ќе реагира Грција на тоа Прванов вели дека не сака да зборува во име на Грција и дека не би водел преговори со неа. Во тој контекст тој го споменал прашањето за дефинирање на заедничката историја со Македонија. – Да се разбереме со Скопје на политичко ниво, а не на ниво на комисија каква што е направена, туку на политичко – додаде Прванов.

Прванов: Македонија е создадена на бугарска територија

Предраг Кукиќ — Thu, 16 Aug 2018 10:44:16 +0000

Поранешниот бугарски претседател Георги Прванов вели дека македонската држава е изградена на бугарска почва и дека откако Македонја се откажа од античката историја почна да го гради идентитетот врз база на кражба на бугарската историја. Прванов е категоричен дека периодот од крајот на XIX и почетокот на XX век не може да биде оценет на друг начин освен како бугарски во македонската историја. „Македонската држава се создава, се јавува на бугарска почва“, изјави Прванов во интервју за Радио „Фокус“. Според Прванов, Бугарија мора да ги извлече аргументите кои зборуваат за бугарската кауза за да се користат на Балканот и да се популаризираат во Европа. Тој уште додал дека договорот за добрососедство утврдува некои позитивни процеси, но крие и одредени ризици. „Високо го цениме потпишаниот договор минатата година меѓу Бојко Борисов и Зоран Заев и имав очекувања тој да отиде многу подалеку од она што сме го направиле во претходните години. Но, не е доволно државниците да застанеме еден до друг. Многу е важно да се дознае вистината”, вели Прванов. Прванов беше претседател на Бугарија во периодот 2002-2012 година.