Герд Милер – Kurir.mk

Роберт Левандовски сруши уште еден рекорд на Герд Милер

Бошко Тасиќ — Tue, 14 Dec 2021 22:11:52 +0000

Полскиот фудбалер Роберт Левандовски со двата гола во победата на Баерн против Штутгарт од 5-0, вечерва успеа да го израмни рекордот на легендарниот голгетер на баварците, Герд Милер. Левандовски досега во тековната календарска година (2021) има постигнато 42 гола во германското првенство што е практично повторување на рекордот поставен од Милер во 1972 година. До крајот на годината, Баерн ќе има уште еден првенствен натпревар против Волфсбург на 17 декември и шанса за Лева да дојде до уникатно постигнување кое ќе остане запишано во историјата на баварскиот гигант.

ЦРН ДЕН ВО ФУДБАЛСКИОТ СВЕТ: Почина еден од најдобрите стрелци во историјата на фудбалот

Дарко Андоновски — Sun, 15 Aug 2021 11:59:53 +0000

Поранешниот напаѓач на Баерн и германската репрезентација Герд Милер почина денес на 75-годишна возраст, соопшти прес -службата на клубот од Минхен. Причината за смртта не е објавена, а Милер во последните години страдаше од Алцхајмерова болест. Милер беше светски шампион и европски шампион, трикратен победник на Купот на европските шампиони (сегашна Лига на шампиони), четирикратен шампион и победник на Купот на Германија.

FC Bayern are mourning the passing of Gerd Müller. The FC Bayern world is standing still today. The club and all its fans are mourning the death of Gerd Müller, who passed away on Sunday morning at the age of 75.
— FC Bayern English (@FCBayernEN) August 15, 2021

Има постигнато 566 гола на 607 настапи за Баерн Минхен, како и 68 голови во 62 репрезентативни натпревари. Милер ќе остане запаметен како најдобар стрелец во историјата на Баерн и Бундеслигата.

Меси го сруши рекордот на Милер

Ивона Петрова — Mon, 15 Jan 2018 08:38:44 +0000

Ѕвездата на Барселона, Лионел Меси на синоќа на дуелот во Сан Себастијан против Реал Сосиедад го постигна четвртиот гол во триумфот на Каталонците (4:2) и го сруши рекордот на легендарниот германски фудбалер Герд Милер по бројот на постигнати голови во еден клуб од петте најсилни фудбалски лиги во Европа. Меси го постигнаа 366. гол во дресот на Барселона и го престигна Милер кој за Баерн во периодот од 1964-1979 за Баерн постигна 365 гола во Бундеслигата. Милер погодоците ги реализира на 427 натпревари, додека Аргентинецот досега одигра 401 натпревар за Барселона.