герет бејл – Kurir.mk

Бејл го прекина медиумскиот молк за да го прослави бруталното издание на Реал против Барса (ФОТО)

Ристе Здравков — Thu, 06 Apr 2023 08:28:30 +0000

Герет Бејл одлучи да започне сериозен медиумски молк откако објави крај на играчката кариера, па од фудбалот се дистанцираше се до оваа вечер во која видовме брутално издание на Реал Мадрид. Велшанецот најубавите моменти во својата кариера ги мина на „Сантијаго Бернабеу“, а сега покажа дека Реал се уште му е при срце и со големо задоволство ја прослави победата над Барселона. Реал Мадрид после девет години ќе се бори за трофејот во Копа дел Реј, сето тоа како последица на страшно добрата претстава која ја имаа избраниците на Карло Анчелоти во вториот полуфинален меч со Барслеона. Поразот од 0:1 на „Бернабеу“ беше надополнет со импресивни 0:4 во домот на Барселона, резултат кој го воодушеви и Бејл кој се јави со објава на социјалните мрежи. – Неверојатни перформанси, – порача Бејл.

Unbelievable performance 💪🏼 https://t.co/V09VHI3MdE
— Gareth Bale (@GarethBale11) April 5, 2023

Бејл ја започна својата професионална кариера во голф

Тале Кристо — Tue, 24 Jan 2023 08:24:59 +0000

Поранешниот фудбалски репрезентативец на Велс, Герет Бејл, ја објави својата професионална кариера во голф. Триесет и тригодишниот Велшанец се огласи на социјалните мрежи за учествуво на турнејата „PGA“ во Калифорнија. Бејл на 9 јануари објави дека се повлекува од фудбалот. Последен клуб на Бејл беше Лос Анџелес, а претходно играше за Саутемптон, Тотенхем и Реал Мадрид.

Бејл би можел да добие улога во селекцијата на Велс

Бошко Тасиќ — Wed, 11 Jan 2023 06:28:15 +0000

Селекторот на Велс, Роб Пејџ изјави дека Герет Бејл, кој најави дека се пензионира, сака да задржи одредена улога во националниот фудбалски тим. Петкратниот освојувач на Лигата на шампионите со Реал Мадрид во понеделникот објави дека ја завршува својата играчка кариера на 33 години.

„Кога имате некој со големина на Герет Бејл, со сето она што тој го направи за Велс и влијанието што може да го има дури и ако е само околу играчите во соблекувалната, тоа е нешто што треба да го искористам“, рече Пејџ. Тој е заинтересиран. Каква улога? Ќе разговараме за неколку недели“, додаде селекторот на Велс.

Бејл за репрезентацијата одигра 111 натпревари и постигна 34 гола, последниот на Светското првенство во Катар против селекцијата на САД. Пред тоа, Велшаните стигнаа до полуфиналето на Европското првенство во 2016 година, нивното прво големо натпреварување по 58 години. „Она што го направи е феноменално, не само од фудбалска гледна точка, туку и за земјата, бидејќи го врати Велс на светската фудбалска мапа“, рече Пејџ.

Гвардиола: Бејл сега може да стане одличен голфер

Тале Кристо — Tue, 10 Jan 2023 15:22:55 +0000

Тренерот на Манчестер сити, Пеп Гвардиола ја коментираше одлуката на напаѓачот Герет Бејл да се повлече од професионалниот фудбал. – Каков играч! Фантастична кариера, Герет освои многу. Мислам дека одигра повеќе од 100 натпревари за Велс. Сега тој може да стане одличен играч на голф. Кога го поканив да играме, тој беше зафатен. Можеби сега Бејл ќе има време, ќе го поканам повторно, изјави Гвардиола, за „Манчестер ивнинг њуз“. Велшанецот на 9 јануари објави дека се пензионира на 33 години. Последниот клуб на Бејл беше американскиот Лос Анџелес, а играше и за тимови како Саутемптон, Тотенхем и Реал Мадрид.

Герет Бејл стави крај на кариерата

Катерина Бојаџиева — Mon, 09 Jan 2023 17:06:46 +0000

Велшанецот Герет Бејл (34) ја изненади денеска фудбалската јавност објавувајќи крај на кариерата која ја почна пред 17 години во Саутемптон, а ја заврши во Лос Анџелес галакси. „По внимателно размислување, објавувам моментално повлекување од клупскиот и репрезентативниот фудбал“, напиша Бејл на Твитер. Зад велшкиот фудбалер е импресивна кариера во која освои пет трофеи во Лигата на шампиони и три шпански титули. Кариерата ја почна во Саутемптон, а стана познато име во светот на фудбалот настапувајќи за Тотенхем. Од лондонскиот клуб потоа мина во редовите на мадридски Реал за тогаш рекордни 100 милиони евра. Во првите сезони во Реал играше одличен фудбал, но подоцна стана финансиски проблем за Кралскиот клуб, кој го врати како позајмен фудбалер во Тотенхем, а по истекот на договорот Бејл го облече дресот на американски ЛА галакси. Настапи со Велс на последното Светско првенство во Катар, а неговиот последен официјален натпревар во групната фаза против Англија е воедно и рекорден 111. репрезентативен настап во велшката историја. „Фудбалот ми пружи некои од најубавите моменти во животот, во текот на 17-те сезони и тоа ќе биде невозможно да се повтори“, порача Бејл.

„Л’Eкип“ го избра најлошиот тим на СП во Катар, Бејл најголема ѕвезда

Ристе Здравков — Tue, 20 Dec 2022 14:06:23 +0000

Елитниот француски медиум „Л'Eкип“ го избра најлошиот состав на Мундијалот во Катар, а интересно е што во него нема ниту еден фудбалер на Германија, селекцијата која што најмногу разочара на СП во Катар. Најголема ѕвезда меѓу најлошите е капитенот на Велс, Герет Бејл, кој постигна еден гол од пенал. На голот е неговиот соиграч Вејн Хенеси, кој прими шест гола на три натпревари. Велс заврши на последното место во групата со Англија, САД и Иран. Иранскиот стопер Хосеин Канани е во тандем со катарскиот Буалем Хухи. Иранската и катарската одбрана примија по седум гола, а Катар заврши на последното место во својата група, зад Холандија, Сенегал и Еквадор. Десен бек е Полјакот Мати Кеш, а лев бек Белгиецот Јаник Караско. Полјаците беа елиминирани во осминафиналето од Франција, а Белгија не ја мина групата со Мароко и Хрватска. Во средниот ред се Полјаците Кристијан Билик и Пјотр Зиелински. На десното крило е Данецот Андрес Сков Олсен, чија репрезентација испадна во групата зад Франција, Австралија и Тунис, а лево е Сенегалецот Диат. Споменатите Бејл и Костариканецот Ентони Контрерас го формираат нападот. Костарика на Контрерас го заврши Светското првенство со победа и два порази, но без учинок на својот шпиц.

Бејл: Ќе излеземе од соблекувалната со кренати глави, треба да сме горди што сме тука

Ивона Петрова — Wed, 30 Nov 2022 07:28:01 +0000

Капитенот на Велс, Герет Бејл го коментираше поразот (0:3) од Англија синоќа на натпреварот од Светското првенство во 2022 година. – Беше тежок натпревар против многу добар тим. Разочарани сме од резултатот, но мора да разбереме дека изминавме долг пат за да го постигнеме ова. Треба да бидеме горди на себе што сме тука. Дадовме се, и сите ќе излеземе од соблекувалната со кренати глави и горди на постигнатото. Многу сме разочарани бидејќи би сакале да играме подобро, но реалноста е дека фудбалот е тежок. Мораме да научиме од ова искуство и да гледаме напред, изјави Бејл, цитиран од Би-би-си. Селекцијата на Велс на три натпревари освои еден бод и заврши на четвртото место во својата група.

Бејл за поразот од Иран: Многу ни е тешко, ќе се бориме до крај

Тале Кристо — Fri, 25 Nov 2022 17:49:12 +0000

Најдобриот фудбалер на Велс, Герет Бејл е разочаран по денешниот пораз од Иран (0:2) во натпреварот од второто коло од групата Б на Светското првенство. – Нема друга опција освен да кажеме дека жалиме за овој пораз. Многу е тешко да се преболи ова. Во вториот дел иранските играчи не надмудрија. Мора да продолжиме да одиме напред, а не да ги спуштаме главите. Ќе биде многу тешко, знаеме, но мора да се бориме до крај и да се обидеме да ја поминеме групата, изјави Бејл. Иран е втор во групата Б со 3 бода, Велс е последен со 1 бод. Следниот натпревар Велшаните го играат на 29 ноември против Англија и само победа ги остава во игра за пласман во осминафиналето.

Бејл: Ние сме Велс, борбата ни е во крвта!

Бошко Тасиќ — Tue, 22 Nov 2022 06:09:55 +0000

Велшкиот фудбалер Герет Бејл по ремито против Соединетите Американски Држави изјави дека бил нервозен пред пеналот, но верувал дека може да постигне гол. „Пред две години бевме во слична позиција на Европското првенство кога загубивме од Швајцарија во првиот натпревар. Покажавме карактер и тогаш, покажуваме и сега. Одамна е познато дека Велс е репрезентација која никогаш не се предава, а ние овојпат не го направивме тоа ниту против САД. Борбата ни е во крвта“. Американските фудбалери беа подобри во првото полувреме и водеа со 1-0. Велс реагираше и израмни со голот на Бејл од пенал во 82. минута. „Второто полувреме и борбата што ја покажавме ни дава надеж за продолжението на натпреварувањето“, рече Гарет.

Герет Бејл ја донесе првата титула на Лос Анџелес

Бошко Тасиќ — Sun, 06 Nov 2022 07:52:26 +0000

Велшкиот фудбалски репрезентативец Герет Бејл повторно покажа дека е човек за големи мечеви, помагајќи неговиот нов клуб, Лос Анџелес ФЦ да стигне до својата прва титула од МЛС купот со израмнувачки гол во 128 минута. Во драматичен меч, ЛАФЦ губеа со 2:3 од Филаделфија јунион, пред Бејл да израмни, по што неговиот тим славеше во пенал серијата за прва титула во историјата на клубот од Калифорнија. „Секако дека е убаво. Секогаш е убаво да дадеш гол во финалињата. Очигледно добро ми оди во такви мечеви. Ова беше важно за клубот и за навивачите. Останавме со 10 играчи и не изгледаше дека ни оди како што треба“, вели Бејл.