Герет Саудгејт – Kurir.mk

Саутгејт: Не очекував ваква Македонија, ама одигра колку што ние и дозволивме

Бошко Тасиќ — Tue, 20 Jun 2023 04:33:02 +0000

Англискиот фудбалски селектор Герет Саутгејт беше изненаден од очајната Македонија, посочувајќи после победата дека не очекувале ваков слаб отпор и убедлив триумф. Само половина полувреме Македонија му одолеваше на „Гордиот Албион“ и откако Хери Кејн прв нѐ отвори, сѐ потоа беше послесно, шансите се редеа како на филмска лента, а европските вицепрваци броеа до седум за џиновски триумф како круна на одличниот старт на евроквалификациите и веќе со една нога на Еуро 2024 после четирите победи од осумте кола во овој циклус. „Да бидам искрен не очекувавме ваква Македонија, која знам дека може добро да одигра, но мислам дека одигра колку што ние и дозволивме. Пресреќен сум после едно вакво издание“, рече Саутгејт.

Саутгејт: Не смееме да дозволиме да го решаваме пласманот на ЕП во Македонија

Бошко Тасиќ — Thu, 25 May 2023 04:21:14 +0000

Фудбалската репрезентација на Англија ќе биде еден од противниците на Македонија во јунските термини од квалификациите за ЕП, а селекторот Герет Саутгејт го потврди списокот на фудбалери кои ќе бидат во комбинација за овој натпревар. Саутгејт зборуваше и за претстојните противници, уште еднаш потенцирајќи го фактот дека Англија нема победа на домашен терен во меѓусебните дуели со Македонија. – Не мислам дека другите репрезентации ќе одмораат фудбалери, а ние досега два пати не успеавме да ја победиме Македонија на домашен терен.Затоа лесно можеме да паднеме во стапица, ако сакаме да бидеме екипа од врвот и да станеме европски шампиони, мора да ги добиваме сите натпревари, а тоа посебно важни за покомплицираните, бидејќи за нив сите сметаат дека лесно ќе ги добиеме. Ова ќе биде добар тест за нас како репрезентација и екипа, треба да покажеме заедништво и да ги потврдиме добрите игри од март. Мора да се осигураме дека нема да одиме на гостувањето против Македонија со притисок да победиме за пласман на ЕП, – рекол Саутгејт, алудирајќи на фактот дека квалификацискиот циклус ќе заврши со гостување на Англија во нашата земја.

Саутгејт: Со Македонија нема да биде лесно, ќе играме во најсилен состав

Ристе Здравков — Tue, 28 Mar 2023 08:25:25 +0000

Првиот циклус за квалификациите за Евопското првенство 2024 заврши, а Англија во нашата група како и што се очекуваше се издвои како главен фаворит за првото место со две победа. Англија забележа две победи, против Италија на гости и Украина дома, па така Англичаните со две победи се убедливо на првата позиција. По натпреварот со Украинците, новинарите го прашаа дали во јуни кога Англија ќе игра со Малта и Македонија ќе одмара некој од првите ѕвезди. „Против Македонија ќе излеземе во најсилен состав, не смееме да мислиме дека ќе биде лесно. Ако не ги повикаме најдобрите, ќе испратиме погрешна порака. Ние играме за Англија и во секој натпревар ги користам најдобрите што ги имам на располагање“, порача англискиот селектор. Македонија во тој циклус на 19-ти јуни ќе гостува на Англичаните на „Олд Трафорд“, а три дена подоцна дома ќе ја пречекаме Украина.

Герет Саудгејт останува селектор на Англија до 2024 година

Бошко Тасиќ — Sun, 18 Dec 2022 07:07:51 +0000

Англискиот селектор Герет Саутгејт донел одлука дека ќе остане селектор на Англија и дека ќе го води европскиот вицепрвак и во квалификациите за Еуро 2024 во Германија, група во која е и Македонија, објавија англиски меидуми. Саутгејт после елиминацијата во четвртфиналето на СП во Катар побара време за „да легнат работите и да размисли“, па медиумите најавуваа дека е многу поблизу да даде оставка, иако сите репрезентативци, јавноста, медиумите, а и во федерацијата сакаа да остане на кормилото колку што има договор до – континенталниот шампионат. Сега според информации на медиумите на Островот, Саутгејт ја донел одлуката и наскоро ќе ги информира челниците дека не си заминува од кормилото. Тој е селектор од 2016 година и под негова палка, Англија играше полуфинале на СП во Русија, а финале на последното ЕП ланското лето кога на „Вембли“ доживеаа Англичаните болен пораз на пенали од Италија.

Саутгејт: Импресиониран сум од Сенегал

Бошко Тасиќ — Sun, 04 Dec 2022 07:14:07 +0000

Селекторот на англиската фудбалска репрезентација Герет Саутгејт во пресрет на натпреварот против Сенегал на Светското првенство во Катар изјави дека денешниот ривал е шампион на Африка и има голем натпреварувачки дух. „Импресионирани сме од Сенегал. Тие се шампиони на Африка. Се работи за многу горд тим, има одличен натпреварувачки дух и има дух на доверба во тимот. Имаат одлични поединци кои можат да ни направат проблеми. Овој пат заслужија да влезат во осминафиналето. Целосно сме свесни за големината на задачата што ни претстои“, додаде англискиот селектор, посочувајќи дека неговиот тим мора да биде на најдобро ниво за да победи. Натпреварот меѓу Сенегал и Англија во осминафиналето на Мундијалот е на програмата утре од 20.00 часот..

Саутгејт: Рашфорд беше неверојатен

Бошко Тасиќ — Wed, 30 Nov 2022 05:38:47 +0000

Селекторот на англиската фудбалска репрезентација Герет Саудгејт ја исполни првата цел. Европскиот вицешампион го совлада Велс и со седум бода во групата Б ја архивира првата фаза од Светското првенство. „Гордиот Албион“ забележа победа од 3-0 против соседите и ќе игра против Сенегал за пласман во четвртфиналето. „Ја контролиравме играта во првото полувреме, но не создадовме доволно шанси. Сакавме повеќе шутеви и шанси и да бидеме побрзи во нападот. Кога го постигнавме вториот гол, го завршивме натпреварот.Одличен натпревар за Рашфорд. Деновиве тренираше навистина добро. Можеше да постигне трет гол и да забележи хет-трик. Голот од слободен удар беше неверојатен“, изјави Саутгејт.

Саутгејт објасни зошто го одбрал Мегваер

Бошко Тасиќ — Fri, 11 Nov 2022 05:30:42 +0000

Герет Саутгејт го објави списокот на играчи за Светското првенство, а неговиот избор донесе реакции, коментари пред се поради неколку негови одлуки, имиња кои се најдоа на листата на патници за Катар. Меѓу нив е и Хари Мегваер, играчот кој веќе долго време е на мета на јавноста, навивачите, па и во Манчестер Јунајтед падна во втор план. Ама без разлика на се тој доби повик, а во исто време немаше место за еден Фикајо Томори кој блеска во Италија во дресот на Милан.Англскиот селектор беше запрашан за оваа тема, а неговиот одговор е дека младите играчи се уште не се на нивото на оние поискусните. -Се одлучивме за поискусните дефанзивци. Помладите имаат квалитет, ама немаат направен доволно за да ги исфрлат поискусните. Мегваер? Тој е еден од нашите најдобри стопери иако мора да се каже дека имаме доста играчи кои се на потребното ниво за да бидат дел од англиската репрезентација, -порача Герет.

Саутгејт: Ништо не би постигнале со бојкот на Мундијалот во Катар

Бошко Тасиќ — Sun, 27 Mar 2022 05:09:40 +0000

Англија непоразена директно се пласираше на Светското првенство во Катар. Таму ќе се обидат да ја освојат титулата за која сонуваат од 1966 година кога единствен пат се искачија на врвот како најдобра селекција во светот. Тренерот на Англија, Герет Саутгејт ги демантираше шпекулациите дека Англија може да го бојкотира СП, откако одекнаа низа на обвиненија дека Катар важи за земја во која често се оспорувани човековите права, како и земја во која доминира корупцијата.

„За нас нема логика, не сум сигурен што би постигнале со тоа. Бојкотот би бил голем чекор назад за Англија, но турнирот секако би се одржал. Најлошото е што тоа што се случи при изградбата на стадионот нема никаква врска со религијата и културата. За жал, ништо не можеме да направиме во врска со тоа“, изјави Саутгејт.

Фудбалската асоцијација на Англија ќе му понуди нов договор на Герет Саудгејт

Бошко Тасиќ — Sun, 27 Jun 2021 07:06:25 +0000

Англиската Фудбалската асоцијација (ФА) планира да му понуди на селекторот Герет Саутгејт нов договор, без разлика на резултатот на ЕУРО 2020 иако Саутгејт има договор до СП во Катар во 2022 година. Извршниот директор на ФА, Марк Булингем потврди дека ФА ќе почне со преговорите со Саутгејт по Европското првенство. „Секако, би сакале тој да продолжи со репрезентацијата, бидејќи ја има нашата почит. Сметаме дека завршува одлична работа и ќе почнеме со формални преговори по ЕУРО 2020“, вели Булингам.

Англискиот селектор Саудгејт ги објави фудбалерите со кои ќе настапи на ЕУРО 2020

Бошко Тасиќ — Wed, 02 Jun 2021 04:42:26 +0000

Англискиот селектор Герет Саутегејт го дефинираше списокот на фудбалери кои ќе бидат во комбинација за настап на Европското првенство во фудбал.

Повлекувањето на Гринвуд поради повреда значеше дека селекторот мораше да прецрта шест фудбалери, а најде простор за Трент Александер-Арнолд, за кого се шпекулираше дека ќе извиси за Европското првенство.

Саутгејт ги повика Хари Мегваер и Џордан Хендерсон кои се уште не се рехабилитирани од повредите, а последни отпаднаа Џеси Лингард, Оли Воткинс, Арон Рамздејл, Бен Вајт, Бен Годфри и Џејмс Ворд-Праус. Интересно, во составот на англиската репрезентација нема ниту еден дебитант во националниот тим, а Саутгејт ќе ги тестира своите избраници против Австрија и Романија. Англија го започнува настапот на ЕП против Хрватска на 13. јуни, а потоа следуваат дуелите со Шкотска и Чешка. Голмани: Хендерсон, Џонстон, Пикфорд Одбрана: Стоунс, Шоу, Мегваер, Александер-Арнолд, Вокер, Мингс, Џејмс, Коади, Чилвел, Трипие Среден ред: Маунт, Рајс, Хендерсон, Белингам, Филипс Напад: Кејн, Рашфорд, Стерлинг, Калверт-Луин, Фоден, Грилиш, Санчо, Сака