Герет Саутгејт – Kurir.mk

Саутгејт: Звучи неверојатно, ама Англија никогаш не ја победила Македонија на свој терен

Бошко Тасиќ — Tue, 02 May 2023 08:31:02 +0000

Селекторот на англиската фудбалска репрезентација, веќе ги крои последните планови околу списокот на фудбалери за последниот овосезонски квалификациски циклус. Еден од противниците на „трите лава“ во групната фаза за следното Европско првенство е Македонија, за која Саутгејт зборуваше со суперлативи. Македонија досега во историјата одигра двапати на гости кај светскиот гигант и интересно е тоа што двата пати беше непоразена. Токму тоа го потенцираше Саутгејт при својата посега на едно училиште во Лидс. „Наша цел е да бидеше шампиони на Европа во Германија и ако сакаме такво нешто треба да продолжиме со победите. Но, нам нè не чека лесна задача, особено не против Македонија. Звучи неверојатно, ама Англија на домашен терен не ја победил Македонија во историја. А, Македонија веќе ја елиминираше Италија од баражите за Светското првенство во Катар.. Нема простор ни за потценување, ни за самозадоволство, ни за размислување дека имаме лесна задача идниот месец. Ако сакаме да сме европски прваци, тогаш мора да сме сигурни дека го имаме вистинскиот менталитет, дека постојано сме на највисоко ниво и така мора да се однесуваме и да играме“, рече Саутгејт. Натпреварот меѓу Англија и Македонија ќе се игра на легендарниот „Олд Трафорд“. На претходните две гостување на Островот, Македонија одигра 0-0 и 2-2.

Саутгејт сака да донесе правилна одлука за неговата иднина со Англија

Ивона Петрова — Mon, 12 Dec 2022 07:41:25 +0000

Селекторот на Англија, Герет Саутгејт размислува околу својата иднина во националниот тим. – Мислам дека последните 18 месеци беа тешки за мене. И покрај тоа што се беше во ред изминативе неколку недели, јас сè уште анализирам и размислувам што се случуваше сето ова време. Во мојата глава во моментов има многу спротивставени мисли, па сакам да бидам сигурен дека одлуката ќе биде вистинската. Дефинитивно имам доволно енергија за да го направам тоа. Тешко ми беше да се справам со моите емоции по последните неколку турнири неколку недели. Потребно е многу енергија. Се појавуваат многу мисли. Сакам да бидам сигурен дека ќе биде точно ако одлучам да останам. Или ќе биде правилно ако одлучам да заминам. Мислам дека сега не е вистинскиот момент да се донесе таа одлука. Како и во следните неколку дена, изјави Саутгејт за „Би-би-си“. Селекцијата на Англија загуби од Франција во четвртфиналето на Светското првенство во Катар. Под водство на 52-годишниот Саутгејт, репрезентацијата стигна и до полуфиналето на СП 2018 и финалето на ЕП 2020 година. Неговиот договор со националниот тим е до 2024 година.

Саутгејт: Французите мораа да одиграат пеколно за да нè победат

Бошко Тасиќ — Sun, 11 Dec 2022 06:29:16 +0000

Селекторот Герет Саутгејт на прес-конференцијата ги пофали своите фудбалери и максимално го заштити Кејн, кој не реализира пенал за 2-2. „Одигравме според очекувањата. Честитки и за Французите, самите се свесни дека мораа да одиграат пеколен натпревар за пласман во полуфиналето.Нема што да се коментира за промашениот пенал, победуваме и губиме како тим. Немаше ни да бидеме тука ако не беа головите на Хари. Горд од сум начинот на кој момците играа на овој турнир“, рече Саутгејт.

Саутгејт: Среќен сум за победата, но двата гола кои ги примивме…

Бошко Тасиќ — Tue, 22 Nov 2022 06:20:59 +0000

Англичаните во Доха славеа над Иран со убедливи 6:2 против Иран во рамки на првото коло од групата Б на Мундијалот во Катар. „Игравме добро, имаше многу прекини, но нашиот пресинг и движењето беа навистина добри. Морам да бидам среќен, но не требаше да примиме два гола во таа фаза од играта“, рече Саутгејт по натпреварот. Следен предизвик за Англија ќе биде дуелот со САД на 25 ноември. „Мораме да уште подобри против САД. Ова е одличен почеток на СП, но мора да бидеме подобри“, додаде Саутгејт. Стрелецот на два гола за Гордиот Албион, Букајо Сака изјави дека тој и неговите соиграчи покажале каков квалитет поседуваат. „Ни беше потребен ваков добар почеток. Не одигравме добро на последниот меч пред да пристигнеме во Катар, имаше многу шпекулации за нашата форма, но на сите им покажавме каков квалитет на игра можеме да имаме и за што сме способни“, изјави Сака за Би-Би-Си

Саутгејт ја скрои Англија за СП: Медисон е на списокот, Санчо испадна

Ристе Здравков — Fri, 11 Nov 2022 13:05:15 +0000

Герет Саутгејт, селекторот на фудбалската репрезентација на Англија, го одреди списокот на играчи со кои ќе настапи на Светското првенство (СП) кое ќе се игра во Катар. „Гордиот албион“ мораше да прекројува поради повреди. На списокот заслужено влегоа Конор Галагер од Челзи и Џејмс Медисон од Лестер Сити. Меѓу повиканите го нема и Џејдон Санчо од Манчестер Јунајтед. Списокот на Англија за СП 2022: Англичаните се во групата со Иран, САД и Велс и важат за фаворити за пласман во следната рунда.

Саутгејт по дебаклот со Унгарија: Ја преземам одговорноста

Ивона Петрова — Wed, 15 Jun 2022 08:33:22 +0000

Селекторот на англиската фудбалска репрезентација Герет Саутгејт, ја презема одговорноста по синоќешниот висок пораз од Унгарија (0:4) во Лигата на нации. – Вознемиреност навлезе во нашиот тим по првиот примен гол. Не успеавме да се опоравиме. Почнавме добро. Сепак, првиот гол на противникот не направи нешто помалку самоуверени. Во вториот дел успеавме да создадеме шанси за гол, но нивниот втор гол сериозно влијаеше нашиот продолжеток. Избрав многу млад состав – тоа е моја одговорност. На два натпревари со Унгарија не одржувавме рамнотежа. Сакав да им дадам одмор на некои од нашите главни играчи. Ова е тешка вечер за нас, изјави селекторот на Англија. Во третата група од А-сегменот во Лигата на нации, Унгарија е лидер со седум бодови, Германија има шест, Италија пет, додека Англија е последна со само два бода.

Саутгејт го продолжи договорот со Англија до 2024 година

Ивона Петрова — Mon, 22 Nov 2021 12:37:12 +0000

Селекторот на Англија, Герет Саутгејт и официјално го обнови договорот. Тој ќе ја води репрезентацијата до 2024 година, кога завршува Европското првенство, објави „Скај спортс“. Претходниот договор на Саутгејт со репрезентацијата беше пресметан до 2022 година со плата од три милиони евра годишно. Според новиот договор, според пишувањата на медиумите, Англичанецот ќе добива по пет милиони по сезона, што ќе го направи најплатен тренер во историјата на националниот тим. Саутгејт ја предводеше репрезентацијата на Англија во 2016 година. Под негово водство, тимот стигна до полуфиналето на Светското првенство 2018 година, а учествуваше и во финалето на Евро 2020 година.

Нов договор и двојно повисока плата за англискиот селектор

Тале Кристо — Fri, 12 Nov 2021 18:00:43 +0000

Англиската фудбалска федерација (ФА) е подготвена на селекторот Герет Саутгејт да му понуди нов договор со двојно повисока плата од сегашната, објавија денеска британските медиуми. Саутгејт, меѓутоа, засега избегнува разговори за нов договор сè додека Англија не обезбеди пласман на Мундијалот 2022 во Катар. Англичаните водат во својата квалификациска група со три бодови повеќе од Полска, а до крајот ги очекува натпревар вечерва на Вембли против Албанија и три денови подоцна гостување кај Сан Марино. Англиските медиуми наведуваат дека ФА е подготвена на Саутгејт да му понуди годишна плата од шест милиони фунти, што е двојно повеќе отколку што заработува сега. Толку висока плата меѓу англиските селектори имаше само Италијанецот Фабио Капело.

Англискиот селектор Саутгејт ќе размисли за нов договор

Тале Кристо — Mon, 12 Jul 2021 15:40:29 +0000

Селекторот на фудбалската репрезентација на Англија, Герет Саутгејт, изјави денеска оти му е потребно време да размисли пред евентуално да потпише продолжување на договорот. – Мислам дека сега не е вистинското време да размислувам за какви било работи поврзани со мојата иднина како селектор, посочи Саутгејт во изјава за британските медиуми. Извршниот директор на Фудбалската федерација на Англија (ФА) Марк Булингем најави за време на ЕУРО2020 дека ФА сака да му понуди нов договор на Саутгејт, но англискиот селектор, по вчерашниот пораз во финалето на ЕУРО2020 од Италија, истакна дека неговите мисли сега се свртени кон продолжение на мундијалските квалификации во септември. – Мораме да се пласираме (на Светското првенство) во Катар, но пред тоа, потребно да се тргнам од сè, да го погледнам уште еднаш финалето и да го анализирам целиот турнир, изјави Саутгејт.

Саутгејт прозборе за изборот на изведувачите на пенали

Ивона Петрова — Mon, 12 Jul 2021 08:25:52 +0000

Селекторот на Англија, Герет Саутгејт, ја презеде одговорноста за поразот на пенали во финалето на Европското фудбалско првенство. Англија синоќа во Лондон загуби од Италија на пенали со 3:2, откако натпреварот со двете продолженија заврши нерешено 1:1. – Јас сум одговорен за ова. Ги избрав изведувачите врз основа на она што го правеа на тренинг. Победувавме како тим, а денес сите заедно сме одговорни за неуспехот на овој натпревар. Но, што се однесува до пеналот – тоа беше мој избор, кој целосно лежи во мене. Бевме добро подготвени и имавме одличен почеток, но, за жал, не успеавме да ги реализираме ударите. Играчите не треба да се прекоруваат за нивната работа на тренинзите, бидејќи направија многу на овој шампионат, изјави Саутгејт. Пред пенал-рулетот англискиот селектор ги внесе во игра Маркус Рашфорд и Џејдон Санчо. Рашфорд ја погоди стативата, а ударот на Санчо го одбрани Донарума. Покрај тоа, италијанскиот голман се справи и со последниот удар на Букајо Сака.