гери невил – Kurir.mk

Невил: Јунајтед беше надигран и не ја заслужи победата

Бошко Тасиќ — Tue, 15 Aug 2023 04:01:31 +0000

Поранешната фудбалска звезда Гери Невил во својот прв коментар за „Скај Спортс“ потенцира дека Јунајтед имал многу среќа со вакво сценарио во кое ги освои трите бода.

– Мислам дека вечерва Волвс одигра фантастично.Средниот ред на Манчестер Јунајтед како да не постоеше, додека офанзивната тројка не работеше доволно добро на дефанзивен план.Сите беа загрижени за новата сезона на Вулверхемптон, но тие беа неверојатни, иако менаџерот ги презема пред четири дена. Јунајтед беше надигран и може да се биде среќен што освои три бода. Не ги заслужија, – истакнал Неви

Невил за Јунајтед: Она што го прават денес беше незамисливо пред шест месеци

Бошко Тасиќ — Mon, 27 Feb 2023 05:19:31 +0000

Манчестер Јунајтед триумфираше во Лига купот и го прекина постот без освоен трофеј. Голем дел од заслугите за овој успех фановите му го припишуваат на менаџерот Ерик тен Хаг, кој успеа да го трансформира тимот и да го промени пристапот во споредба со минатата сезона. Некогашниот фудбалер на Јунајтед, Гери Невил, по финалето на „Вембли“ ги истакнал разликите кои се забележуваат по пристигнувањето на Тен Хаг. – Секој фудбалер го дава својот максимум на теренот и тоа е најважно. На крајот на минатата сезона перформансите на дел од овие исти фудбалери беа опишани како засрамувачки од моја страна, па и од други коментатори.Пресвртот под водство на Тен Хаг е неверојатен, овој трофеј е многу важен бидејќи ќе донесе дополнителна самодоверба. Овој тим ќе биде поопасен со медал околу вратот, затоа што очекуваме менаџерот да ги подобри дополнително. Она што Јунајтед го прави сега за мене беше незамисливо пред шест месеци.

Невил: Роналдо веќе нема да игра на врвно ниво

Ивана Ефремовски — Sat, 31 Dec 2022 14:02:04 +0000

Поранешниот англиски фудбалски репрезентативец Гери Невил оцени дека Португалецот Кристијано Роналдо со трансферот во саудиски Ал Наср веќе нема да игра на врвно ниво. Роналдо во петокот вечер потпиша договор со Ал Наср до јуни 2025 година, а според договорот, кој има и комерцијална страна, на годишно ниво ќе заработува вкупно 200 милиони евра. „Овој трансфер ни говори за неколку работи. Прво, ни кажува колку Саудиска Арабија е сериозна кога е во прашање фудбалот. Вложија 350 милиони во еден играч. Се обидуваат да ја зајакнат лигата. Меѓутоа, за Кристијано Роналдо имав чувство дека сака да остане, барем до крајот на сезоната во некоја од најсилните европски лиги и да дава уште голови. Потенцијално да игра во Лигата на шампиони. Можеби клубот кој тој го сакаше во Европа не го сакаше него и затоа ја избра оваа опција. Елементот на тага е тука, бидејќи веројатно веќе нема да го гледаме како игра на врвно ниво“, изјави Невил за Скај спорт. Роналдо се пресели во Ал Наср без обесштетување откако минатиот месец спогодбено го раскина договорот со Манчестер јунајтед. (МИА)

Невил за солзите на Роналдо: Тоа беше ужасна слика, во тој момент…

Ристе Здравков — Mon, 12 Dec 2022 07:52:56 +0000

Португалија не се справи со Мароко и поразот од 1-0 значеше елиминација за фаворитот од Светското првенство. Португалците имаа доминатна партија во осминафиналето против Швајцарија (6-1), но потоа беа далеку од истата против Мароко кој даде еден гол и потоа успешно во свој стил, цврсто и борбено се одбрани за пласман во полуфиналето и нова историја. Со ова заврши еден сон, сон за мундијалска титула на Кристијано Роналдо кој со солзи во очите го напушти теренот што секако доволно говори колку му значеше да има успех со националниот тим на оваа сцена. Околу ова свој коментар имаше Гери Невил кој во изминативе месеци имаше критики на адреса на ѕведата која во моментов е без клуб. -Сакам да го спомнам Кристијано Роналдо затоа што ја видов сликата како плаче во тунелот. Тоа беше ужасна слика за мене. Тоа е моментот кога тој знае дека исчезна неговиот сон да го освои Светското првенство за неговата земја. -Сите сме биле таму на крајот од нашите кариери, но тој е еден од најголемите, ако не и најдобриот играч на сите времиња. Беше ужасно да го гледам таков. Имаше тешки неколку месеци, -рече Гери во подкастот за „Скај Спорт“.

Невил со порака до Роналдо: Стани и веднаш зборувај (ФОТО)

Ристе Здравков — Wed, 17 Aug 2022 11:38:00 +0000

Манчестер Јунајтед има лош почеток на новата сезона која ја започна со порази од Брајтон и Брентфорд. На оваа ситуација се додава и неизвесната иднина на Кристијано Роналдо за кого веќе долго време се пишува, ама едноставно нема разрешница. Португалецот уште пред некое време го информираше клубот дека сака да си замине, меѓутоа Јунајтед како и тренерот Ерик Тен Хаг останаа на ставот дека тој и е потребен на екипата. Во меѓувреме по двата порази има нов момент и наводно клубот веќе е подготвен за разделба со Кристијано за да во претходните часови самиот фудбалер ги обвини медиумите дека шират невистини за неговата иднина, статус во премиерлигашот. Ова стигна до Гери Невил кој одлучи да ги искористи социјалните мрежи за да му испрати порака на ветеранот. -Зошто најдобриот играч на сите времиња (според мене) треба да чека две недели за да им ја каже вистината на навивачите на Манчестер Јунајтед? Стани сега и зборувај. -Клубот е во криза и му требаат лидери да го води. Тој е единствениот кој може да ја зграби оваа ситуација за врат, -порача Гери на „Твитер“.

Why does the greatest player of all time (in my opinion) have to wait two weeks to tell Manchester United fans the truth? Stand up now and speak. The club is in crisis and it needs leaders to lead. He’s the only one who can grab this situation by the scruff of the neck!
— Gary Neville (@GNev2) August 17, 2022

Невил не верува дека Манчестер Јунајтед ќе заврши во топ 4 оваа сезона

Бошко Тасиќ — Sat, 06 Aug 2022 11:18:28 +0000

Гери Невил не верува дека Манчестер Јунајтед и под водство на новито стратег, Ерик Тен Хаг ќе направи чудо и на крај ќе се пласира на првите четири позиции кои нудат елитен фудбал во Лигата на шампионите за наредната сезона. Некогашниот капитен на Манчестер Јунајтед не е задоволен со преодниот рок кој го имаат „ѓаволите“ и посочи дека со ваквиот тим тешко дека би се избориле за излез во најелитното европско натпреварување. – Не мислам дека Манчестер Јунајтед со актуелниот состав може да заврши на четвртото место, но доколку го донесат Де Јонг и плус уште еден напаѓач тогаш приказната ќе биде поинаква, -изјави Невил.

Невил за поразот на Јунајтед: Оле нема да добие отказ, но мора да преземе одговорност за една работа

Ристе Здравков — Mon, 25 Oct 2021 07:22:56 +0000

Гери Невил очекувано меѓу првите ги коментираше вчерашните случувања на „Олд Трафорд“ и катастрофалниот резултат на неговиот поранешен клуб Манчестер Јунајтед. Невил е убеден дека Оле Гунар Солскјер ќе добие поддршка од раководството и нема да биде заменет среде сезона, но очекува брза реакција од него и од фудбалерите, кои сега се на удар на навивачите. – Нема сомневање дека менаџерот ќе биде затрупан од критики, од сите страни ќе има притисок за отказ, но како ли овој пораз ќе влијае на фудбалерите. – После вакво нешто, не постои место каде можат да се сокријат. Јунајтед ќе биде целосно деморализиран, наредните 24 часа ќе бидат навистина жешки во клубот. – Ваквиот епилог против Ливерпул беше најавуван последнте пет-шест недели. Ова беше играта на Јунајтед цела сезона, секогаш кога ќе се сретнат со посилен тим, се распаѓаат, а тоа е показател на кое ниво се. Ова е целосна капитулација. – Јунајтед се залажува дека може да игра пресинг. Менаџерот и стручниот штаб мора да преземат одговорност за играта со пресинг денеска. Зошто би го правеле тоа? Тие не се таков тим, а ако веќе играш на таков начин, во игра мора да биде Лингард и други фудбалери кои можат да трчаат цел ден, – изјавил Невил.

Невил го избра „најдоброто“ за Јунајтед по Солскјер: Ни Покетино, ни Конте – еден е идеален!

Ристе Здравков — Tue, 19 Oct 2021 08:40:45 +0000

Гери Невил кој одблиску ги следи случувањата во Манчестер Јунајтед, се поизвесно е дека не се согласува со стратегијата на Оле Гунар Солскјер. Силната поддршка од некогашните колеги која ја имаше Солскјер, полека како да попушта и пропушта, односно дека норвешкиот тренер ја губи нивната поддршка. Еден од најгласните размислувачи е сигурно Гери Невил, кој не се согласува со работата на Солскјер, па анализира што и кој би бил најдобриот тренер во иднина за клубот. „Јунајтед сега игра против Ливерпул, Оле мора да си ги реши проблемите во тимот. Јунајтед мора да го врати борбениот дух и динамиката во тимот“. „Што се однесува до шпекулациите за нов тренер, се вртат имињата на Покетино, Конте и Зидан, доколку ме прашате, на Јунајтед не му одговара стилот на Антонио Конте, тој да, беше добар со Челси во минатото, но Јунајтед не му одговара. Исто е и со Покетино, сметам дека Зидан би бил најидеален за тренер на „Олд Трафорд“, порача Невил.

Невил ја знае причината зошто Јунајтед нема да го отпушти Солскјер

Ристе Здравков — Fri, 15 Oct 2021 09:26:30 +0000

Легендата на Манчестер Јунајтед, Гери Невил, во својот последен поткаст или изјава, истакна дека знае зошто клубот не го отпушти тренерот Оле Гунар Солскјер. Норвешкиот тренер во минатото му беше соиграч на Невил во Манчестер Јунајтед, а сега еден е тренер, друг е спортски аналитичар. Солскјер беше ангажиран по отказот кој му беше доделен на Жозе Мурињо во декември 2018 година, а од тогаш наваму, Јунајтед скоро и да нема некој посериозен успех. Ова лето клубот од Манчестер ги ангажира Рафаел Варан, Џејдон Санчо и Кристијано Роналдо, играчи со кои клубот треба дефинитивно да се придвижи напред, но од тоа барем засега се уште нема ништо прогресивно. „Доколку Оле беше тренер на Јунајтед веднаш по ерата на Ферги, досега ќе беше веќе поранешен тренер, ќе добиеше отказ. Лошите искуства на клубот со оние тренери кои ги исфрлаа по само година, две или 10 месеци, дефинитивно сега се одлучија на друга варијанта, да го поддржат до крајот актуелниот тренер во кој веруваат дека ќе има добра иднина“. „На крајот, сепак мислам дека тоа е исправно, бидејки претходно сите беа лоши искуства. Понекогаш излегува поскапо кога менувате тренер“, смета Герил Невил.

Невил: Јунајтед нема тим за титула

Дарко Андоновски — Tue, 22 Dec 2020 13:20:08 +0000

Поранешниот дефанзивец на Манчестер јунајтед, Гери Невил го сподели своето мислење за шансите на „црвените ѓаволи“ да ја освојат титулата во Премиер лигата. – Никој не ни помислуваше дека Манчестер јунајтед ќе може да се приближи толку до лидерите. Не мислам дека тимот играше така добро порано. Се зборуваше за позицијата на тренерот. Елиминацијата од Лигата на шампионите беше голем проблем и настапите беа на моменти ужасни. Според мене немаат тим што би можел да конкурира за освојување на Премиер лигата. Сè уште немат таков квалитет, истакна Невил. По 14. коло во Премиер лигата Манчестер јунајтед го зазема 3. место со 26 бода и има натпревар помалку.