германска фудбалска репрезентација – Kurir.mk

Германската фудбалска репрезентација со нов дизајн на дресовите (ФОТО)

Катерина Бојаџиева — Mon, 11 Nov 2019 11:32:08 +0000

Германската фудбалска репрезентација на својот официјален Твитер објави фотографии од новиот дизајн на дресовите. Главната боја на новите дресови е бела со тенки црни хоризонтални ленти. Производител на опремата на „панцирите“ е компанијата за спортска опрема „Адидас“. Германската репрезентација води во групата Ц во квалификациите за Евро 2020, со 15 бода од шест одиграни натпревари. Следни противници на Германија ќе бидат селекциите на Белорусија (16 ноември) и на Северна Ирска (19 ноември).

Германија поставува негативни рекорди

Предраг Кукиќ — Wed, 17 Oct 2018 08:31:53 +0000

Германската фудбалска репрезентација предводена од селекторот Јоаким Лев синоќа во Париз загуби од Франција, што претставуваше нивни шести пораз во 2018 година. Ова е неславен рекорд со оглед на тоа дека никогаш претходно „панцирите“ не загубиле шест пати во една календарска година. Покрај поразот од Французите, подобри од Германија во 2018 досега беа и Бразил, Австрија, Мексико, Јужна Кореја и Холандија. До крајот на годината Германија игра со Русија и со Холандија, па постои можност овој негативен рекорд да биде зголемен. Дека поранешните светски шампиони се во голема резултатска криза покажува и податокот дека се без победа на четири натпревари во низа, прв пат по пауза од 18 години. Оваа година голот на германската репрезентација останал зачуван само на еден натпревар. Ваков поразителен податок не е забележан уште од далечната 1964 година. (МИА)

Русите со топло добредојде: Германската репрезентација во шок, „па каде ли ние сме сместени“ (ВИДЕО)

Дарко Андоновски — Thu, 14 Jun 2018 18:59:57 +0000

Во Германија сите се зачудија кога видоа каде ќе престојува нивната репрезентација во текот на Светското првенство, пренесува СпортМ.

Германците, а посебно медиуми во Германија се во шок откако сфатиле дека нивниот национален тим е сместен во Ватутники, кое не го сметаат за атрактивно.

Ова место е во близина на Москва, но навистина не изгледа ни близу на германските стандарди.

Телевизијата „Sport1“ објави некои кадри од ова мало место кое е останато уште од комунизмот.

-Одлуката не беше ни малку лесна, затоа што ни беше убаво во Сочи, но овде во близина на Москва имаме одлични услови за тренинг и хотел на мирно место каде што ќе можеме да се регенерираме после натпреварот и тренингот, рече германскиот селектор Јоким Лев.