германска полиција – Kurir.mk

Белгиската и германската полиција извршија рација во канцелариите на ЕПП во Брисел

Тале Кристо — Tue, 04 Apr 2023 15:40:37 +0000

Во канцелариите на Европската народна партија (ЕПП) во Брисел денеска белгиската полиција и германски истражители извршија рација во врска со истрага во германската сојузна покраина Тирингија. ЕПП, партијата со најмногу претставници во Европскиот парламент, во соопштение кажа дека претставниците на власта од Белгија и Германија денеска ги посетиле нејзините канцеларии како дел од истрагата поврзана со германската покраина Тирингија, но не прецизираше за каков тип истрага станува збор, пренесуваат британските медиуми. „Партијата соработува целосно транспарентно со властите, обезбедувајќи ги сите релевантни информации и документација“, се додава во соопштението на ЕПП. Оттаму наведоа дека не се во можност да дадат повеќе информации бидејќи истрагата е во тек. Британските медиуми наведуваат дека членки на ЕПП се партии од земјите низ цела ЕУ, како и европските земји надвор од Унијата, па така во неа членуваат партии од Норвешка, Швајцарија, Австрија и земјите од Западен Балкан.

Приведен нарко дилер баран од германската полиција кој се криел во тетовско

Тале Кристо — Sat, 06 Mar 2021 09:54:45 +0000

На 05.03.2021 полициски службеници од Секторот за меѓународна полициска соработка- Отсек за потрага постапија по меѓународна потерница од Интерпол Германија, вo Тетово го лишија од слобода К.И. (30) кој се барал за сторени кривични дела поврзани со трговија на голема количина на кокаин и марихуана на територијата на Германија. За делото кое е му се става на товар, според германскиот кривичен закон се предвидува максимална казна затвор од 15 години. Лицето, според законската процедура, ќе биде испорачано на германската полиција.

Приведен криминалец баран од германската полиција и Интерпол, пронајдени и две малолетнички

Дарко Андоновски — Tue, 24 Nov 2020 16:34:49 +0000

Полициски службеници од Секторот за меѓународна полициска соработка-Отсек за потрага попладнево на улица „МАНАПО“ во Скопје врз основа на издадена меѓународна потерница го привеле С.Х. (44) од Боизенбург, Германија кој се барал за издржување на казна затвор од седум години и три месеци за сторени кривични дела измами и пирамидални шеми со измами, како и истрага за кривичните дела недозволена трговија со дрога и фалсификување. Како што соопшти Министерството за внатрешни работи, при приведувањето, кај С.Х. биле пронајдени четири пасоши на германски државјани и други предмети, а со С.Х. биле затекнати и две малолетнички (двете на возраст од 10 години) по кои германската полиција трагала како исчезнати лица. Една од малолетничките е ќерка на приведениот, а која од нејзината мајка била пријавена за исчезната во Германија. По трите лица Интерпол трага од 22 фебруари 2018 година.

Германската полиција разби криминална група за шверц со луѓе

Магдалена Андонова — Wed, 24 Jun 2020 08:51:39 +0000

Германската полиција изутринава започна акција во Берлин против меѓународна криминална група, која е специјализирана за шверц со луѓе. Полицијата изврши претрес во вкупно 11 објекти и издаде налог за апсење на еден албански државјанин, соопшти портпарол на полицијата. Во станот на осомничениот биле откриени четири лица, за кои постои сомнеж дека се жртви на шверц со луѓе. Исто така, пронајдени се и повеќе документи, меѓу кои и пасоши. – Во потрага сме по докази, со цел да се уапси групата осомничени, се додава во полициското соопштение. Според весникот „Билд“, криминалната група е составена од членови со потекло од Грција, Северна Македонија, Косово, Албанија, но и од Германија. Тие главно патувале со автобуси и авиони како туристи во Германија, каде бандата им давала лажни грчки или италијански дозволи за работа. Цената е формирана зависно од квалитетот на фалсификуваните документи, а познато е дека морале да плаќаат меѓу 5.000 и 9.000 евра по лице. Воспоставувањето контакт со бандата е овозможено преку локални туристички агенции, а на „клиентите“ времено им се давале на користење и станови во Берлин. (МИА)