германски експерти – Kurir.mk

Нацев за германските експерти во изгорената Ковид болница: Не ме изненадува недовербата на граѓаните во нашиот систем, затоа што сме биле сведоци како истраги се политизираат

Тале Кристо — Thu, 16 Sep 2021 21:03:55 +0000

Не ме изненадува таа наша недоверба во нашите органи, во нашиот систем, во нашите истражители, во нашите министерства, бидејќи многу често сме сведоци како знаат да се политизираат одрдени истраги, истакна универзитетскиот професор Александар Нацев во однос на тоа што во истрагата за утврдување на причините за пожарот во тетовската Ковид болница каде што трагично, животот го загуле 14 лица. Тој во вечерашното гостување во емисијата „Клик Плус“ на телевизија Тв21, појасни дека ова не е прв пат во истраги за одредени несреќи или трагедии во Македонија да се вклучени странски експерти, но ние како држава мораме да имаме сопствени капацитети при што странските тимови би асистирале и би набљудувале, а не целосните истраги да вршат тие. -Знаевме дека ова не ни прв случај, хеликоптерски несреќи ни испитуваа, еден тим па втор тим на странци, ама сепак мислам дека ние како држава, мораме да имаме наши сопствени капацитети и доколку има истраживачки тимово од странство, единствено да треба да асистираат, да набљудуваат, но не и да вршат истраги и тие да го имаат главниот збор и да ги даваат заклучоците, истакна Нацев. Бидејќи, додаде тој, на тој начин ние покажуваме дека нашиот систем не е добар, дека нашите институции едноставно немаат доверба кај граѓаните и дека успеваме политиката да ја внесеме во се, па дури и во вакви трагедии. -И ако ние е потребно да дојдат гермаски истражувачи или било од каде за да ни дадат легитимитет и кредибилитет на истражувачките процеси, тогаш нешто со нашиот систем не е во ред, констатираше професорот Нацев. Тој додаде дека во итсрагата за пожарот во тетовката модуларна болница, меѓу другото, треба да се испита и целокупната тендерска документација, како и тоа кој е материјаот од кој се правени болниците и дали истиот соодвејствува за таква намена и така натаму.

Германските експерти кои што треба да ги утврдат причините за пожарот во модуларната болница во Тетово и денеска не пристигнаа во земјата

Тале Кристо — Wed, 15 Sep 2021 13:07:02 +0000

Германските експерти кои што треба да ги утврдат причините за пожарот во модуларната болница во Тетово во која животот го загубија 14 лица денеска не пристигнаа во земјата. -Денеска четворицата експерти не се пристигнати. Очекуваме тие да пристигнат деновиве, истакна на денешната пресконференција владиниот портпарол Душко Арсовски. На прашање до каде е истрагата за истиот пожар, со оглед што оттогаш поминбаа повеќе денови, Арсовски упати новинарите одговорите да ги побараат од надлежните истражни органи во земјава, кои функциопнираат независно од извршната власт. -И ние апелираме истрагата да се заврши што побрзо до надлежните органи, рече Арсовски. Новинарите се интересираа и дали се реални оставките на министерорт за здравство Венко Филипче и неговиот заменик Илир Хасани, и до каде е одлуката на премиерот Заев за нив. -Оставките на министерот Венко Филипче и на заменик министерот Илир Хасани, за кои беше соопштено преку пресконференција на министерот и преку фејсбук статус на заменикот се доставени до премиерот Заев и се архивирани и тие не отстапуваат од овие оставки. Премиерот веќе објави дека својата одлука ќе ја донесе откако ќе бидат утврдени преку кистрагата што се води за случајот и очекуваме тоа да се случи во наредниот период. И премиерот апелира до надлежните органи што побрзо да биде завршена истрагата, рече Арсовски. На прашањето за запрената изградба на три модуларни амбуланти, Арсовски ерече дека ја проверуваат оваа информација. -Во секој случај е битно да се напомене дека овие болници се безбедни и го зголемија капацитетот на нашите болници во екот на ковид пандемијата, како и дека вакви болници се применуваат во целиот свет. Такви модуларни болници се уште добро функционираат во рамки на Инфективна клиниука во Скиопје, како и во други градови, рече Арсовски. За прашањето зошто земјава е на врвот на листите и по одвишна смртност од ковид, односно граѓани кои се починати во домашни услови, тој објасни дека главна причина за високата смртност е што лицата не доаѓале навреме на лекар и се обидувале да се лечат дома, акога стигнувале во боолница, биле со тешки симптоми. -Исто таја треба да се напомене дека најголем број од починатите члица се над 60 годишна возраст, и најголемиот дел од нив се со хронични заболувања, како што се бибрежна болест, хиперфтензија и слично, потенцира Арсовски.

Германски експерти ќе бидат вклучени во истрагата за пожарот во тетовската модуларна болница

Магдалена Андонова — Tue, 14 Sep 2021 08:42:25 +0000

Германскиот тим од Федералната криминалистичка служба, кој треба да пристигне по завршената претходница деновиве, првично е составен од четворица, и тоа од двајца крим техничари и форензичари за истражување пожари и двајца крим техничари и форензичари за ласерско мерење на простории и за фотографирање. Ова го соопшти портпаролот на Владата Душко Арсовски на денешната прес-конференција, одговарајќи на новинарско прашање во врска со германските експерти кои ќе се вклучат во истрагата за пожарот во тетовската модуларна болница. Во МВР, како што информира тој, веќе се подготвува соодветна поддршка во форма на алат, нацрти, планови и други релевантни информации кои можат да помогнат во заедничкото утврдување на фактите. – Германските експерти ќе работат заедно со крим техничарите на МВР како поддршка на ОЈО при истрагата за утврдување на причините за пожарот во модуларната болница во Тетово, посочи Арсовски. (МИА)