Германски парламент – Kurir.mk

На германскиот Бундестаг првпат развиорено знаме со боите на виножитото

Магдалена Андонова — Sat, 23 Jul 2022 10:10:52 +0000

На Долниот дом на германскиот Парламент првпат е поставено знаме со боите на виножитото, што е симбол на ЛГБТ заедницата. Знаме е поставено на југозападната кула на Рајхстагот во Берлин, а уште две знамиња со боите на виножитото се поставени пред источниот западниот влез на зградата, со цел да се покаже толеранција кон различностите. Во Берлин денеска ќе се одржи Парада на гордоста, најголем уличен ЛГБТ собир во Европа.

Германскиот парламент ќе биде осветлен ноќе и покрај апелот за штедење струја

Ивана Ефремовски — Mon, 11 Jul 2022 19:47:55 +0000

Германскиот парламент одлучи да го задржи надворешното осветлување на зградата на Рајхстагот во Берлин во ноќните часови и покрај повиците да се штеди електрична енергија во земјата, јави ДПА. Портпаролот на Бундестагот рече дека внатрешното осветлување ќе се намали, главно во салите и просториите. „Надворешното осветлување ќе остане непроменето поради безбедноста на комплексот, која мора да продолжи да се гарантира“, додаде тој. Слободната демократска партија, која е дел од владината коалиција, на крајот на минатата недела праша дали ноќното осветлување е неопходно и за други важни локации во Берлин, вклучително и Бранденбуршката порта, градското собрание и други. Комитетот во Бундестагот го одобри планот за заштеда на енергија, со кој ќе се намали ладењето во лето и загревањето на просториите во зградата во зима. (МИА)

Бундестагот го намали ДДВ на влошки и тампони: Менструацијата не е луксуз

Катерина Бојаџиева — Fri, 08 Nov 2019 13:17:13 +0000

Германскиот парламент донесе одлука за намалување на ДДВ на женските хигиенски производи, како што се тампони и влошки, откако петицијата за намалување на данокот на овие предмети јапотпишаа над 81.000 лице. „По собраните 81.000 потписи, исцрпната расправа во Бундестагот и сесрдната поддршка од министерот за финансии Олаф Шулц, сега е и официјално: од 2020 година тампоните, влошките и остнатите производи за женска хигиена ќе се третираат како производи за основна потреба и ќе се оданочуваат со седум наместо 19 отсто“, соопшти списанието за млади Неон и берлинската фирма Ајнфорн, кои ја покренаа петицијата. Оваа петиција беше поддржана од многу познати имиња од германската јавност, посочувајќи дека не станува збор за финансиите, туку и за праведноста меѓу половите. „Горди сме на постигнатото. Менструацијата не е луксуз и поради тоа овие производи не смеат да се оданочуваат по повисоката стапка на ДДВ“, се наведува во денешното соопштение од Неон и Ајнхорн.