гевгелија – Kurir.mk

Мицкоски ја заврши посетата на Гевгелија: „Важно е! Од тебе зависат промените“! (ВИДЕО)

Ивана Ефремовски — Tue, 17 Oct 2023 18:12:19 +0000

„На крајот од посетата, Гевгелија благодарам. Важно е! Од тебе зависат промените“ - порача вечерва лидерот на ВМРО-ДПМНЕ, Христијан Мицкоски откако ја заврши посетата на Гевгелија. Денеска продолжи со кампањата „Важно е! Од тебе зависат промените“ во општината Гевгелија. Мицкоски оствари средба со бизнис секторот, а потоа изврши увид на ново изграденото прифатилиште за бездомни животни. Понатаму, Мицкоски присуствуваше на пуштање во употреба на нов водоснабдителен систем во населеното место Богородица. Тој го посети патниот правец Гевгелија-Ново Конско, проект кој што ќе го реализира новата влада на ВМРО-ДПМНЕ. Мицкоски оствари и средба со пензионерите, по што изврши увид во градежни активности на асфалтирање и бетонирање во населено место Миравци.

Мицкоски: Се работи на подобрување на патната инфраструктура во сите населени места во Гевгелија

Ивана Ефремовски — Tue, 17 Oct 2023 18:04:32 +0000

Се работи на подобрување на патната инфраструктура во сите населени места во општина Гевгелија, информира лидерот на ВМРО-ДПМНЕ, Христијан Мицкоски. „Во населеното место Миравци во тек се градежни активности на реконструкција и изградба на повеќе улици и краци. Важно е да ги слушаме потребите на граѓаните. Важно е Македонија да се развива“ - посочи Мицкоски.

Сарамандов: За овие две години се реализираа проекти кои се ветени во програмата, но и проекти кои произлегуваат од барањата на граѓаните

Ивана Ефремовски — Tue, 17 Oct 2023 16:52:34 +0000

„Изминуваат две години откако ја презедов функцијата градоначалник на општина Гевгелија, период во кој реализиравме повеќе проекти на целата територија на нашата општина“, истакна градоначалникот на општина Гевгелија, Андон Сарамандов на денешната средба со граѓани во Миравци, во рамки на кампањата „Важно е! Од тебе зависат промените!“.

Сарамандов додаде дека тој неговиот тим даваат се од себе за да ги реализираат ветувањата кои ги имаат ветено на граѓаните во програмата.

„Но, истовремено реализираме и нови проекти кои не беа во програмата, но кои произлегуваат од барањата на нашите сограѓани. Ги решаваме во континуитет инфраструктурните проблеми, се подобрува патната инфраструктура, се градат нови водоводни мрежи и се обновија неколку значајни културни центри. Се реализираат проекти и од образованието, и од социјалната политика“, рече градоначалникот на општина Гевгелија.

Тој посочи дека локалната самоуправа дава целосна поддршка и финансиска, и логистичка, и на спортските и на културните настани.

„Во наредниот период секој од вас ќе добие отчет за сработеното на локалната самоуправа во овие две години“, нагласи Сарамандов.

„Претседателот на ВМРО-ДПМНЕ, Христијан Мицкоски редовно доаѓа во нашата општина и ја следи работата на локалната самоуправа и одблизу се запознава со проблемите со кои се соочуваат нашите сограѓани и стопанствениците“, рече тој.

Сарамандов укажа дека заедно со тимот на ВМРО-ДПМНЕ во текот на денешниот ден имаа повеќе средби со граѓани од општината и се изврши увид во повеќе градежни активности на повеќе локации каде што се реализираат проекти од локалната самоуправа.

Мицкоски: Регионалниот пат Гевгелија- Ново Конско ќе се реконструира

Ивана Ефремовски — Tue, 17 Oct 2023 15:45:47 +0000

Регионалниот пат Гевгелија- Ново Конско ќе се реконструира, информира лидерот на ВМРО-ДПМНЕ, Христијан Мицкоски. „Дел од регионалниот пат од Гевгелија до браната Конско идната влада на ВМРО-ДПМНЕ ќе го реконструира, бидејќи истиот е во катастрофална состојба. Реконструкцијата ќе опфаќа негово проширување, како и одбележување со вертикална и хоризонтална сигнализација. Овој патен правец е од особено значење поради тоа што ја поврзува и туристичката населба Смрдлива вода, како и Ски центарот Кожуф, како и за стопанството во општина Гевгелија. Овој регионален пат го користат и жителите на 3 населени места Моин, Ново Конско и Конско и преставува врска со населените места Ума и Серменин. Важно е да го развиваме туризмот. Важно е да инвестираме во руралните средини“ - истакна Мицкоски.

СЛЕДЕТЕ ВО ЖИВО: „Важно е! Од тебе зависат промените“ – Мицкоски во Миравци

Ивана Ефремовски — Tue, 17 Oct 2023 15:25:10 +0000

Денеска 17.10.2023 година (вторник), ВМРО-ДПМНЕ продолжува со кампањата „Важно е! Од тебе зависат промените“ во општината Гевгелија. Лидерот на ВМРО-ДПМНЕ, Христијан Мицкоски, по низата настани кои ги имаше денес, ќе изврши увид во градежни активности на асфалтирање и бетонирање во населено место Миравци. Во 18:00 ќе се обрати пред присутните граѓани во населено место Миравци, во Гевгелија. Изјавата можете да ја следите во живо на линкот во продолжение:

Мицкоски: Денес над 1000 жители од три населени места добиваат квалитетна вода за пиење

Ивана Ефремовски — Tue, 17 Oct 2023 13:52:22 +0000

Денес над 1000 жители од три населени места добиваат квалитетна вода за пиење, информира лидерот на ВМРО-ДПМНЕ, Христијан Мицкоски. „Со изградбата на новиот цевковод Гевгелија- Богородица во должина од 2700 метри кои денес беше пуштен во употреба се решава еден горчлив проблем на жителите од Богородица и околните места. Со овој нов цевковод и санација на дел од постоечката линија се решава и проблемот со капацитетот на вода за овие жители. Важно е општина Гевгелија да се развива. Важно е граѓаните да имаат квалитетни услуги“, порача тој.

ДЕТАЛИ ЗА УЖАСОТ ВО ГЕВГЕЛИЈА: Си ги убил братот и снаата со кои не разговарал 40 години – причината е БИЗАРНА!

Ивана Ефремовски — Mon, 25 Sep 2023 16:35:50 +0000

Oсновното јавно обвинителство Гевгелија донесе Наредба за спроведување истражна постапка против едно лице за кое постои сомнение дека сторил две кривични дела -Убиство од член 123 од Кривичниот законик. Осомничениот 69-годишник, на 24 септември, со умисла ги лишил од живот сопствениот брат и неговата сопруга, со кои живееле во иста семејна куќа со различни влезови. Кога ги забележал оштетените како се паркираат со нивното возило пред дворот на куќата, осомничениот излегол во дворот, држејќи ја во рацете приватната тужба поднесена против него од починатите за кривично дело – Оштетување туѓи предмети. Двајцата браќа имале нарушени меѓусебни односи и не разговарале повеќе од 40 години, но починатите тужбата ја поднеле неодамна, бидејќи осомничениот, ставајќи олуци на куќата, скршил плочки и ја оштетил оградата од нивната тераса. Кога им забележал за поднесената тужба, тие не сакале да разговараат со него, па осомничениот влегол дома и го зел пиштолот марка „Црвена застава“, со калибар 7,62 милиметри кој го поседувал со дозвола. Потоа испукал повеќе куршуми кон братот и снаата, кои од здобиените повреди тие починале на самото место. Надлежниот јавен обвинител до судијата на претходна постапка од Основниот суд во Гевгелија достави предлог за определување мерка притвор за осомничениот.

БАНАЛНА ПРИЧИНА ЗА ДВОЈНОТО УБИСТВО ВО ГЕВГЕЛИЈА – еве поради што си ги убил братот и снаата со пиштол

Дарко Андоновски — Mon, 25 Sep 2023 08:30:06 +0000

Според првичните информации од Јавното обвинителство мотив за двојното убиство во Гевгелија се нарушени меѓусебни односи на двајцата браќа кои кулминирале заради банална расправија во врска со работи на заедничката куќа. Ова денеска го соопштија од Јавното обвинителство на РСМ, од каде информираа дека јавен обвинител од ОЈО Гевгелија извршил увид на местото на убиството, а обвинителот ја очекува кривичната пријава во текот на денот. Инаку, полицијата го сомничи шеесет и деветгодишниот В.Г. од Гевгелија дека синоќа околу 19 часот ги убил брата си Л.Г. (71) и снаата Т.Г. (62) пред влез од куќа во Гевгелија кога со пиштол пукал во нив.

Сарамандов: Музичкиот фестивал „Вкуси го југот“ ќе придонесе за туристичка aфирмација на Гевгелија

Ивана Ефремовски — Thu, 14 Sep 2023 12:57:55 +0000

Овој викенд од 15-ти до 17-ти септември ќе бидеме домаќини на музички настан, со богата музичка програма и со голем број на учесници кои ќе ја презентираат гастрономската понуда во Гевгелија, но и на поширокиот регион на југот, истакнува Андон Сарамандов, градоначалник на општина Гевгелија. -Гевгелија е препознатлива по квалитетните услуги во угостителските објекти. Гевгелија е препознатлива по добрата храна и вино. Гевгеличани се препознатливи по својата љубезност и затоа сметам дека музичкиот фестивал „Вкуси го југот“ ќе придонесе за туристичка aфирмација на нашиот град. Верувам дека овој настан ќе биде успешно организиран, со голем број на посетители. Годинава ќе дадеме целосна поддршка на македонските артисти во музичката програма. И се надевам дека во иднина ќе прерасне во една традиција со голем број на гости и од Македонија и од странство, истакна тој. Сарамандов вели дека Гевгелија и гевгеличани заслужуваат културна манифестација од ваков тип. -Да бидеме добри домаќини, да направиме добра забава, а на гостите да им посакаме да уживаат топло добредојде и да уживаат со добра музика, добра храна, добра музика и добро вино, истакна тој.

КАЗИНО „ФЛАМИНГО“ ХОТЕЛ – ГЕВГЕЛИЈА СТАНА ГЕНЕРАЛЕН СПОНЗОР НА ФК „КОЖУФ“

Ристе Здравков — Fri, 01 Sep 2023 08:22:54 +0000

На голема радост на Гевгеличани ФК „Кожув“ доби генерален спонзор. Компанијата Макотен ДООЕЛ Гевгелија, како носител на светски реномираниот австриски бренд „Новоматик“ во чија групација е и „Казино Фламинго“ во Македонија, одлучи да ги поддржи амбициите на менаџментот и спортскиот колектив на ФК „Кожув“. Настрана од средствата, кои задолжително се слеваат во државниот буџет од приредувачите на игри на среќа за финансиските програми на Агенцијата за млади и спорт, Казино „Фламинго“ хотел – Гевгелија продолжува да го подржува развојот на македонскиот спорт. Нема никаква дилема дека поддршката за професионалниот спорт значи и сериозен придонес во правилниот развој и воспитување на младите. Младите генерации гледаат свои идоли во професионалните спортисти и вообичаено се идентификуваат со индивидуалните и колективни спортски успеси. ФК „Кожув“ е вистинска гордост на македонскиот спорт и претставува синоним за фудбалската традиција во регионот. Основан е пред повеќе од 1 век во далечната 1922. Без разлика што во моментов се натпреварува во Втората македонска фудбалска лига, овој клуб отсекогаш бил расадник на млади таленти. Со оваа одлука за генерално спонзорство продолжува партнерството на Казино Фламинго Хотел – Гевгелија со локалната заедница. Оваа компанија веќе 17 години приредува игри на среќа во грандиозен хотелски комплекс на граничниот премин Богородица и речиси 4 години во срцето на Скопје, на плоштадот Македонија во хотелот „Мериот“, каде е сопственик на истоименото „Казино Фламинго“. Дел е од исклучително успешната Групација „Новоматик Македонија“. Овој светски бренд во индустријата игри на среќа, без разлика на сериозните економски последици од повеќегодишната здравствена и енергетска криза, никогаш на отстапи од корпоративното мото – секогаш општествено одговорна компанија! „Казино Фламинго“ со години наназад е сигурен партнер на заедницата и во континуитет подржува различни граѓански иницијативи, проекти и реализира бројни хуманитарни и донаторски активности. Како претставници на „Новоматик“, реномирана ЕУ компанија, „Казино Фламинго“ продолжува да манифестира висока општествена одговорност преку хуманитарни и спонзорски активности во најзначајните општествени сфери, јавното здравство, спортот и културата.