Поради заострената ситуација: Руските гимнастичарки нема да патуваат во Киев

Ивана Ефремовски — Tue, 22 Feb 2022 19:38:37 +0000

Руските натпреварувачки во ритмичка гимнастика нема да учествуваат на „Дериугина купот“ во Киев во март поради заострената ситуација во регионот, потврди претседателката на руската федерација, Ирина Винер-Усманова, пренесе ТопСпорт. -Поради сегашната ситуација помеѓу Русија и Украина, секако, нема да биде возможно да патуваме во Киев, изјави Винер-Усманова. Ова е прво потврдено попречување на спортот по кризата, откако постоеја шпекулации дека на Русија може да и се одземе финалето од Лигата на шампионите во Санкт Петерсбург и најавите дека Полска бара баражот за пласман на Мундијалот во Катар против Русија да не се игра во Москва.

Злоставуваните гимнастичарки ќе добијат отштета од 380 милиони долари

Катерина Бојаџиева — Tue, 14 Dec 2021 06:52:42 +0000

Над 500 гимнастичарки кои биле сексуално злоставувани од Лоренс Насар, поранешен лекар на американската репрезентација, би можеле да добијат отштета од 380 милиони долари од Американската гимнастичка федерација и Американскиот олимписки и параолимписки комитет, објави Њујорк Тајмс. Со тоа би се затворило последното поглавје на еден од најголемите скандали во историјата на американскиот спорт. Договорот за спогодба беше објавен во текот на судската постапка во Индијана. Средствата, исто така, ќе ги обештетат олимписките победнички Симон Билс, Мекејла Марони и Али Рајсман. Жртвите страдале од анксиозност, депресија и посттрауматско стресно растројство, додека некои од нив се обиделе да се самоубијат поради злоставувањето од Насар, извршено под изговор за лекување.

гимнастичарки – Kurir.mk

Поради заострената ситуација: Руските гимнастичарки нема да патуваат во Киев

Злоставуваните гимнастичарки ќе добијат отштета од 380 милиони долари