гимнастика – Kurir.mk

Симон Бајлс стана најтрофејна гимнастичарка во историјата на овој спорт

Бошко Тасиќ — Fri, 06 Oct 2023 04:18:52 +0000

Американските гимнастичарики предводени од брилијантната Симон Бајлс го освоија златниот медал во екипна конкуренција на Светското првенство во Антверпен, Белгија. Американките со 167.729 поени победија пред Бразилките (165.530) и Французинките (164.064). САД седми пат по ред победија во екипна конкуренција на планетарниот шампионат, а Бајлс испиша историја освојувајќи го 20. златен медал на светските првенства. На Олимписките игри и светските првенства таа вкупно има освоено 33 медали, со што стана најдобра на сите времиња. Бајлс, пред десет години во Антверпен на 16. годишна возраст го освои својот прв медал на Светскиот куп во кариерата.

Провокација или не – Руски гимнастичар со симбол кој го има на тенковите, застана до украински колега (ВИДЕО)

Ристе Здравков — Sun, 06 Mar 2022 08:51:01 +0000

Рускиот гимнастичар Иван Кулијак го освои третото место на Светското првенство во Доха, но најголемо внимание симболот што го имаше на горниот дел од костимот која предизвика вистинска бура во светската јавност. Тој на градите имаше бела латинска буква „З“ која е испишана на руските тенкови кои влегоа во Украина. Златниот медал му припадна на украинскиот гимнастичар Илија Ковтун кој стоеше до него на додеувањето на медалите, па тоа беше повод за уште по жестоко да се коментира овој настан во медиумите. Сепак, од друга страна експерти објаснуваат дека сето тоа не е поврзано со инвазијата на Русина на Украина, туку дека значењето на „З“ е „Нема враќање“ или „За победа“ нешто што нема никаква врска со војната на истокот на Европа.

Anyone have video footage of Ivan Kuliak wearing the Z today? Someone representing a major media outlet reached out to me asking for footage because they want to run a piece on the story and want more than a screenshot to verify its authenticity.
— The Medal Count (@TheMedalCount_) March 5, 2022

ЕСПН ги рангираше најтешките спортови, гимнастиката е пред фудбалот

Магдалена Андонова — Tue, 23 Jun 2020 07:09:02 +0000

Американскиот спортски телевизиски канал „ЕСПН“ состави рејтинг листа на спортови врз основа на нивната сложеност. Десетте критериуми споре дкои е направено рангирањето се: издржливост, сила, енергија, брзина, агилност, флексибилност, нерви, координација на рака и око, како и аналитички способности. Во Топ 5 најтешки спортови се: бокс, хокеј, американски фудбал, кошарка и борење. -Идентификувавме 10 категории или вештини што се однесуваат на атлетизам, а потоа побаравме од осумте наши експерти да утврдат, на скала од 1 до 10, барањата за секој спорт за овие 10 вештини. Ги сумиравме и во просек ги добивме добиените одговори, при што добивме број што го карактеризира степенот на тежина кога зафаќате посебен вид. се вели во публикацијата. Понатаму во рангирањето се: боречки вештини, тенис, гимнастика, бејзбол и фудбал.

Македонски девојчиња: Сестрите Илина и Ева едни од најдобрите во ритмичка гимнастика (ФОТО)

Ивана Ефремовски — Tue, 16 Jul 2019 12:05:47 +0000

Сестрите Илина (13) и Ева (9) Соколовски со прво и трето место ја завршија сезоната на натпревари по ритмичка гимнастика во Германија и се едни од најдобрите во овој спорт. Ева во завршниот турнир го освои првото место, односно златниот медал во нејзината категорија, додека Илина го освои бронзениот медал, односно третото место. Завршниот натпревар, кој е традиционален летен турнир за летен пехар се одржа во Минстер и по големата победа Илина и Ева заминуваат на заслужен одмор, кој секако ќе биде исполнет со тренинзи бидејќи од есен ги чека нов предизвик и нови победи. -Илина и Ева досега од ниеден турнир не се вратиле без пехар. Ева досега има 12 натпревари и од сите 12 се вратила со прво место. Илина иако има 12 години од последнава сезона поради големиот талент се натпреварува во категорија на спортисти во групата од 15-16 години. Таа минатата година имаше и еден интернационален настап во Украина, каде го освои првото место и беше прогласена за принцеза за ритмичка гимнастика. Овој пат го освои третото место, но со многу мала разлика во поени. Иако и двете се со македонски пасош, сепак, Германија многу вложува во нивниот талент и во клубот каде тренираат доаѓаат светски тренери да им ги покажат вештините во овој спорт, вели нивниот татко Горан Соколовски. Дека македонските девојчиња Илина и Ева се гордост на Германија покажува и фактот што после секој турнир и награда медиумите не штедат зборови за пофалба. Годинава Илина на турнирите четири пати била прва, додека Ева од три натпревари сезонава три пати се вратила со златен медал. Затоа и германските медиуми за нив велат дека каде и да настапуваат се враќаат со награди и дека станатите натпреварувачки треба да се плашат од нивниот талент и успех. „Од секој турнир се враќаат со награди“. Браво за Илина која поради големиот талент и умешност се натпреварува во категорија на спортистки кои се поголеми д неа и на Ева која знае само за прв место“, пишува меѓу другото во медиумите во Германија. Колку Илина и Ева се познати и признати покажува и фактот што дел од фирмите веќе ги ангажираат за заштитни лица за рекламирање на нивните производи. Илина и Ева заминуваат на летен одмор во Македонија, каде секој ден со наши тренери ќе вежбаат по неколку часа на ден. Од есен ги очекува нова сезона со нови успеси. ИЗВОР: ВИСТИНА.МК

Малата храбра хероина: Ова девојче нема екстремитети, но нема да верувате што може да прави (ВИДЕО)

Ивана Ефремовски — Sun, 09 Jun 2019 19:53:30 +0000

Петгодишната Хармони-Роуз Ален, која по прележана тешка форма на менингитис останала без раце и нозе, не мирува. Девојчето кое како бебе останало без рацете и нозете, се движи со помош на протези, но гимнастика вежба со љубов и без помагала. Малата Хермиони- Роуз оди на часови во Баскервилеската гимнастичка школа во местото Бат во Британија. Нејзината мајка Фраја Хол (25), вели дека била загрижена како девојчето ќе ги почне часовите поради нејзиниот хендикеп. Но, по тримесечна настава, мајката вели: "Од тогаш Хармони никогаш не погледна наназад".