гинекологија чаир – Kurir.mk

ПРЕКРАСНА ВЕСТ: 52-годишна жена се породи во болницата во Чаир

Ивана Ефремовски — Tue, 27 Jul 2021 07:57:31 +0000

Прекрасна вест пристигнува од Специјалната болница за гинекологија и акушерство „Мајка Тереза“ во скопската општина Чаир. Се породи 52-годишна жена. Ова беше нејзината прва бременост. Родилката е од Кочани и таа роди ќерка. Како што дознава КУРИР, бебето и мајката се во добра здравствена состојба. Пред само шест дена уште една ваква убава вест пристигна од истата болница. Тогаш се породи 50-годишна жена која 27 години водела битка со стерилитет.

ТРАГЕДИЈА, ПА ЧУДО: Млада скопјанка почина во Чаир, бебето е извадено живо

Ивана Ефремовски — Tue, 20 Jul 2021 14:52:28 +0000

На 19.07.2021 во СВР Скопје било пријавено дека околу 07:00 часот во Гинекологија „Чаир“ сo влошена здравствена состојба била донесена Н.М.(23) од Скопје, бремена во осми месец. Според пријавеното, кратко потоа таа починала во Одделението за интензивна нега, но било извршено породување и било извадено живо женско дете. Се преземаат мерки за расчистување на случајот.

Детали за трагедијата: Трудницата била почината пред да биде донесена на Гинекологија

Ивана Ефремовски — Tue, 13 Oct 2020 14:01:41 +0000

На 12.10.2020 во 23:00 часот во СВР Скопје, од Гинекологија „Мајка Тереза“ – Чаир било пријавено дека во 21:30 часот кај нив во бессознание била донесена А.Р.(24) од с.Студеничани, скопско, информираат од МВР. Според пријавеното, бил направен обид за реанимација, но во 23.00 часот била констатирана смрт кај А.Р.. Како што дознава КУРИР од извори од гинекологија Чаир, младата скопјанка била почината пред да биде донесена во болницата. По консултација со Јавен Обвинител, телото било предадено во Институтот за судска медицина на обдукција.

ТРАГЕДИЈА: Млада скопјанка почина на Гинекологија

Ивана Ефремовски — Tue, 13 Oct 2020 13:27:33 +0000

На 12.10.2020 во 23:00 часот во СВР Скопје, од Гинекологија „Мајка Тереза“ – Чаир било пријавено дека во 21:30 часот кај нив во бессознание била донесена А.Р.(24) од с.Студеничани, скопско. Според пријавеното, бил направен обид за реанимација, но во 23.00 часот била констатирана смрт кај А.Р.. По консултација со Јавен Обвинител, телото било предадено во Институтот за судска медицина на обдукција.

Три родилки со коронавирус во гинеколошка болница Чаир, криеле контакти, а 18 медицински лица завршиле во изолација

Тале Кристо — Thu, 11 Jun 2020 12:48:57 +0000

Три родилки кои се породиле во скопската гинеколошка болница Чаир,не кажале дека имале контакт со позитивен на КОВИД-19, а потоа се докажало дека и тие имаат коронавирус. Директорот на Специјалната болница за гинекологија и акушерство „Мајка Тереза“ Башким Исмаили за Сдк.мк вели дека 18 медицински работници во моментов се во изолација бидејќи овие три пациентки не давале точни податоци кога им била правена епидемиолошката анкета. Една од родилките чиј сопруг бил позитивен ја откривме пред да ја однесеме во родилната сала. Веднаш со возило на Брза помош ја пренесовме на Клиниката за гинекологија. За другите две родилки дознавме дека имале позитивен член на семејството, а потоа и тие се заразиле откако беа пуштени од болница. Навистина, криењето е голем проблем со кој се соочуваме. Апелирам и ги молам родилките, но и сите други пациенти да бидат искрени при епидемиолошката анкета. Сите пациенти се потпишуваат на анкетниот лист кога ја даваат изјавата. За недавање на неточни податоци треба да се одговара, вели за СДК директорот Башким Исмаили. Во моментов Скопската специјална болница за гинекологија во Чаир работи со намален број на медицински кадар бидејќи 18 лица се во изолација. Директорот Исмаили вели дека дел од нив се заразени со КОВИД-19 и затоа е многу важно пациентите да бидат искрени за да ги заштитат здравствените работници. „Нема да има кој да ги лекува граѓаните ако не ни даваат точни и искрени информации. Ние сите пациенти веќе ги примаме под стоги протоколи. Вработените, сестрите, докторите носат маски и визири. Маски им даваме и на сите родилки. Но, не можеме постојано да ги контролираме дали ги носат маските цело време додека лежат во болница“, вели Исмаили. Откако почна епидемијата на КОВИД-19 кон средината на март, во гинекологија Чаир се праќаат сите пациенти од Скопје, бидејќи на Клиниката на гинекологија се примаа само пациентки со комплицирани бремености, суспектните и позитивните случаи. Директорот вели дека за разлика од другите години во овој период имаат за 40 отсто зголемен обем на работа, но со оглед на големиот број изолирани медицински лица, работат и со помалку кадар, па кај колективот се чувствува премореност. Државниот здравствен и санитарен инспекторат го испитува и случајот со родилка која лажно се претставила како лекарка и скрила дека нејзиниот свекор бил позитивен на КОВИД-19 кога дошла да се пораѓа на Клиниката за гинекологија во Скопје. Кога вработените добиле информации дека родилката има позитивен член на семејството, и побарале да биде тестирана, таа се навредила и отишла да се породи во приватната болница „Ремедика“. И таму скрила дека дека имала контакт со позитивен на КОВИД-19. Како резултат на тоа неодговорно однесување петнаесетина медицински лица од двете родилишта сега се во изолација, а самата родилка како заболена завршила на лекување на Инфективната клиника. Новороденчето е здраво, пишува сдк.мк.

Густ црн чад излегува од гинекологијата во Чаир (ВИДЕО)

Предраг Кукиќ — Sun, 03 Feb 2019 14:24:17 +0000

На социјалните мрежи денеска почна да кружи видео снимка на која е направена од Специјалната болница по гинекологија во Чаир, каде што се гледа црн чад од оџаците на болницата. Во коментарите на социјалните мрежи граѓаните прашуваат на што се грее болницата, и што го проиведува тој црн облак кој излегува од оџаците, во коментарите може да се забележи и дека граѓаните кои поминуваат или живеат таму се жалат на непријатен и лош мирис.

Гинекологија Чаир ќе добие нова опрема

Ивона Петрова — Thu, 03 May 2018 06:05:12 +0000

Нова медицинска опрема од проект ХОПЕ во рамки на проектот „ПериМак“, инициран како партнерство за унапредување на здравствената заштита на мајките и децата, ќе добие денеска ЈЗУ Специјалната болница за гинекологија и акушерство „Мајка Тереза“ - Чаир. По тој повод, министерот за здравство Венко Филипче ќе ја посети болницата. Целта на проектот во кој досега се вклучени Специјална болница за гинекологија и акушерство „Мајка Тереза“- Чаир, Универзитетската клиника за детски болести, Клиничката болница во Тетово и Општата болница во Куманово, е зголемување на стапката на преживување кај пред време родените бебиња во Македонија.