гинис – Kurir.mk

Гинис: Мадона сè уште најпродавана пејачка на сите времиња

Ивана Ефремовски — Thu, 26 Oct 2023 11:00:06 +0000

Американската поп-пејачка Мадона и натаму е женска уметница со најмногу продадени музички плочи на сите времиња, објави вчера Гинисовата книга на рекорди. Се истакнува и дека Мадона (65) има продадено повеќе од 400 милиони плочи во текот на нејзината 40-годишна кариера, пренесува „Пипл“ (People). Пејачката го држи рекордот од 2009 година, а по неа следат Ријана, Мараја Кери, Тејлор Свифт и Бијонсе. На почетокот на овој месец, Мадона ја почна својата турнеја „Celebration“ во лондонската „О2 Арена“. Предвидени се вкупно 78 концерти во Европа, Јужна и Северна Америка до април 2024 година. (МИА)

Оваа мајка родила најмногу деца: Од нивниот број ќе се шокирате (ФОТО)

Ивана Ефремовски — Wed, 19 Apr 2023 09:50:19 +0000

Валентина Василиева влегла во Гинисовата книга на рекорди како мајка која родила најмногу деца на светот, дури 69! Таа била првата сопруга на Феодор Василиев. Овој руски брачен пар живеел во Русија, во градот Шуји, во првата половина на 1700-тите. Валентина во текот на своите 75 години од животот успеала да роди 69 деца како резултат на 27 бремености (16 пара близнаци, седум тројки и четири четворки). Врз основа на овие податоци, оваа жена ја држи Гинисовата книга на рекорди за најголем број деца родени од една мајка. За жал, две од близнаците починале во детството, а Валентина останала со 67 преживеани деца. За животот на Валентина не се знае многу, освен дека таа родила 69 деца, живееле во времето на Руската империја и феудалното општество. Бидејќи животот на селаните во Русија бил исклучително суров, семејствата биле склони да бидат колку што е можно поголеми.

Ова е најстарото куче на свет: Боби си живее на село и баш му е гајле за годините (ФОТО)

Ристе Здравков — Fri, 03 Feb 2023 11:58:49 +0000

Куче од Португалија е официјално најстарото куче на сите времиња. Боби ѝ припаѓа на расата „Хафеиро ду алентежо“ (Rafeiro do Alentejo), која живее во просек меѓу 12 и 14 години… Но, според Гинисовата книга на рекорди, денес Боби има 30 години и 228 дена. Возраста на кучето е потврдена преку португалската база на податоци за домашни миленици. Боби живее над три десетлетија со семејството Кошта во селото Конкеирош, на западниот брег на Португалија. Неговите сопственици велат дека нивниот миленик повеќе сака да јаде човечка храна отколку кучешка. Претходниот рекордер беше кучето Блуи, кое почина во Австралија во 1939., на 29 години и пет месеци. Мајката на Боби живеела 18 години. Сепак, кучето поради староста има проблеми со одењето, а веќе му се влошува и видот.

Како да возиш 272 км/ч со “маунт-бајк”?

Ристе Здравков — Tue, 05 Jul 2022 11:03:41 +0000

Елиас Шверцлер постави нов Гинисов светски рекорд. Колку брзо може да се вози со маунт-бајк? Колку брзо треба да се вози со ваков велосипед? За повеќето од нас тоа се две многу различни прашања. За Елиас Шверцлер, сопственикот на нов светски брзински рекорд од 272 км/ч, овие прашања се исти. Германскиот велосипедист поставил нов брзински рекорд од 272 км/ч со својот "Scott bike", додека бил влечен од мотоцикл. Ваквото достигнување можеби не звучи тешко кога ќе слушнете дека бил влечен со мотоцикл, но дефинитивно ќе се согласите дека тоа е премногу страшна и опасна брзина за да ја возите со велосипед. Само гледајќи ги неговите раце и тоа како го балансира велосипедот ќе направи да се испотите. Да се движите на маунт-бајк со толкава брзина мора да е некој вид на екстремен спорт. Погледнете го целиот, за среќа успешен обид, за кршење на светскиот рекорд.

ФОТО: Ова е стјуардесата со најдолг стаж, работи 65 години

Ивона Петрова — Tue, 05 Jul 2022 10:47:16 +0000

Бет Неш од Бостон, САД, го собори рекордот како професионална стјуардеса со најдолг стаж во светот, потврди Гинисовата книга на рекорди. Таа тоа го работи 65 години. Имено, Американката почнала да работи како стјуардеса во 1957, кога имала 21 година, прво за компанијата „Истерн ерлајнс“, а потоа и за „Американ ерлајнс“, до денес без никаков прекин во работниот однос. Гинисовата книга го потврди светскиот рекорд на 1 јули. Неш вели дека поголемиот дел од својата кариера го минала на патувања Њујорк-Бостон-Вашингтон, бидејќи тоа ѝ овозможува да се врати дома навреме, оти мора и да се грижи за својот син со попреченост. Инаку, таа смета дека оваа работа значително се променила со текот на годините. – Порано мораше да бидеш толку и толку висока, требаше да имаш одредена тежина… Порано беше ужасно. Добиваш неколку килограми и мораш почесто да се мериш, а ако останеш таква, ти ја намалуваат платата, раскажува таа за „Даблју-џеј-ел-еј“. На 86 години, таа официјално е и највозрасната стјуардеса според „Гинис“.

Оваа жена ја има најголемата уста во светот, луѓето не им веруваат на своите очи кога ќе ја видат

Ивана Ефремовски — Sun, 01 Aug 2021 20:10:23 +0000

Американката Саманта Рамсдел го собори Гинисовиот рекорд за најголема женска уста во светот. Како што беше објавено на официјалната веб-страница на Гинисовата книга на рекорди, нејзината уста е широка дури 6,52 сантиметри, пренесува „CNN“.

Овој човек влезе во Гинисовата книга на рекорди, еве зошто е посебен

Ивана Ефремовски — Sun, 04 Jul 2021 18:20:45 +0000

Поранешен одгледувач на шеќерна трска во Порторико влезе во Гинисовата книга на рекорди како најстариот човек во светот, само неколку недели пред да го прослави својот 113. роденден. Емилио Флорес Маркез е роден на 8 август 1908 година во Каролина, Порторико. Во средата, кога официјално влезе во Гинисовата книга, имаше 112 години и 326 дена. Маркез беше 75 години во брак со Андреа Перез, сè до нејзината смрт во 2010 година. Тие имаа четири деца. Маркез сега има и пет внуци и пет правнуци. Тој изгубил поголем дел од слухот, а на 101 година вградил пејсмејкер. Сега е во добра здравствена состојба. Поранешниот најстар човек на светот беше Романецот Думитру Комнеску. Почина на 27 јуни 2020 година на возраст од 111 година 219 дена. (МИА)

Гинис: Најстариот жител на Земјата е Јапонка на возраст од 116 години која сака математика

Предраг Кукиќ — Sat, 09 Mar 2019 08:25:26 +0000

Јапонската Кане Танака која со 116 години е најстар жител во светот многу сака да решава задачи по математика и да ја игра јапонската игра „Отело“, објавија од Гинисовата книга на рекорди. Таа беше прогласена за најстара жена во светот на церемонија во старски дом во градот Фукока во југозападна Јапонија. На настанот присуствуваа роднините на Кане и градоначалникот. Кане Танака е родена на 2 јануари 1903 година и е седмо дете во семејство со осум деца. Се омажила за Хидео Танака во 1922 година и имаат четири деца и едно посвоено дете. Кане вели дека најчесто се буди во 6 часот наутро и учи математика. Претходно, највозрасен човек на планетава беше Јапонката, Чијо Мијако, која почина минатата година на 117-годишна возраст.

Измама за Гинис: Најстарата жена на светот мамела, од сомнежот се изненадија сите

Ивана Ефремовски — Thu, 03 Jan 2019 09:00:05 +0000

Рускиот математичар Николај Зак и геронтологот Вслериј Новоселов тврдат дека Жан Калмент неоправдано е запишана во Гинисовата книга на рекорди како најстара жена на светот. Во книгата е наведено дека таа била родена на 21-ви февруари 1875 во францускиот град Арл , а починала на 4 август 1997 во домот за стари лица во родниот град. Но, Зак и Новоселов тврдат дека на тој датум во домот починала постарата ќерка на Жан, 99- годишната Ивон, која го презела идентитетот на својата мајка, откако таа починала во 1934 година. Според научното списание ResearchGate, Ивон го презела идентитетот на мајка си за да не мора да плати данок на наследство. Руските научници приложиле и докази, како лична карта на Жан и податоците за височината и бојата на косата и очите. Во случај семејството Калмент навистина да лаже, тогаш најстара жена која живеела на планетава би била Американката Сара Кнаус, која во моментот на смртта во 1999 имала 119 години.