гинисов рекорд – Kurir.mk

Гинисов рекорд за најдолго готвење – 100 часа без престан

Ивона Петрова — Tue, 16 May 2023 08:58:57 +0000

Нигериска готвачка, од градот Лагос, ги воодушеви своите сонародници готвејќи 100 часа без престан и официјално е прогласена за носителка на Гинисов рекорд за најдолго непрекинато готвење. Готвачката Хилда Баси своето маратонско готварско шоу го почна во четвртокот, а заврши дури доцна синоќа. Насобраните нејзини сограѓани цело време несебично ја поддржуваа додека таа приготвуваше бројни јадења од националната и меѓународната кујна. Претседателот на Нигерија, Мухамаду Бухари и неколку политичари и познати личности јавно ѝ честитаа на Баси. Досега тој Гинисов рекорд го држеше професионалната готвачка од Индија, Лата Тондон, која во 2019 година подготвуваше оброци цели 87 часа и 45 минути, непрекинато.

Перл е најмалото куче на светот, малку е поголемо од далечински управувач

Ристе Здравков — Tue, 25 Apr 2023 12:52:11 +0000

Гинисовата книга на рекорди на својот канал на Јутјуб објави видео од кученцето помало од далечински управувач. „Тивка е, но вистински џин“, откри гордата сопственичка на најмалото куче на светот, Ванеса Семлер. Таа додаде дека Перл сака да слуша класична музика и да гледа телевизија, а омилена храна му е висококвалитетно пилешко или лосос.

Во Белград е соборен Гинисов рекорд- се собраа најмногу девојки со исто име и презиме (ВИДЕО)

Ристе Здравков — Sun, 05 Feb 2023 13:32:20 +0000

Во Белград во петокот е соборен Гинисовиот рекорд кој претходно бил поставен во Токио во 2022 година, кога на едно место се собраа 178 луѓе со исто име и презиме Хироказу Танака. Сега уште повеќе луѓе со исто име и презиме се собраа во главниот град на Србија - Милица Јовановиќ. На собирот присуствувале дури 256 жени, а веста за соборување на рекордот на Инстаграм ја потврдил Роберт Чобан, директорот на компанијата која го организирала соборувањето на рекордот. „Соборен е Гинисовиот рекорд! Благодарение на Милица“, напиша тој.

View this post on Instagram

A post shared by Robert Coban (@robert_coban)

Во трговскиот центар Биг Фешн се собраа Милиците, а на соборувањето на рекордот присуствуваше и претставникот на Гинисовата книга на рекорди, Глен Полард, кој на организаторите им предаде сертификат со кој се потврдува новиот рекорд.

100-годишник постави рекорд за најдолг стаж во една компанија – цели 84 години и 9 дена

Ристе Здравков — Wed, 04 May 2022 13:18:53 +0000

Многу луѓе во текот на животот имаат неколку работи, но некои лојални вработени работат со децении во иста компанија. Но, овој човек од Бразил останал во една компанија подолго од било кој друг на светот - буквално. Волтер Ортман кој има 100 години, постави Гинисов светски рекорд за работа во иста компанија цели 84 години и 9 дена. Кариерата на Ортман започнала кога имал само 15 години. Тој се вработил во текстилната компанија „Industrias Renaux S.A“ во 1938 година како помошник во транспорт. Потекнува од сиромашно семејство, но бил одличен ученик. Обожувал да учи и да се образува, но поради финансиски потешкотии започнал да работи за да му помогне на своето семејство кое живеело во Бруске, пишува „CBS News“. Градот има многу германски жители, а бидејќи зборувал германски јазик, Волтер се вработил во компанијата за текстил која денес се нарекува „ReneauxView“. Ортман со текот на годините продолжил да се образува и бил унапреден во секторот на продажба, а подоцна станал и менаџер. Работата во продажба му овозможила да патува ширум земјата за да запознава клиенти, кои подоцна му станале и пријатели.

"Back in 1938, kids were expected to work to help support the family. As the oldest son of five, my mother took me to find a job at the age of 14."
— Guinness World Records (@GWR) May 1, 2022

Компанијата во текот на изминатите 84 години претрпела промени, што го научила Волтер на најважниот дел од работењето: останете во тек и приспособете се на различните контексти. Неговата рекордна кариера ја потврди Гинисовата книга на 6-ти јануари 2022 година, а професионалниот совет на овој 100-годишник е да работите во подрачјето во кое се чувствувате мотивирани. Својата 84 години долга кариера ја остварил и со помош на својата способност да живее во сегашноста: „Не планирам многу, ниту се грижам за утре. Сè за кое се грижам е утре да биде уште еден ден во кој ќе се разбудам, ќе станам, ќе вежбам и ќе одам на работа. Треба да се занимавате со сегашноста, а не минатото и иднината. Овде и сега е она што е важно. Затоа, да одиме на работа“, порачал Волтер.

Признаен Гинисовиот рекорд на голманот Алиреза Беиранванд

Ивона Петрова — Fri, 26 Nov 2021 09:22:51 +0000

Со фрлена топка во должина од 61.26 метри голманот на иранската репрезентација Алиреза Беиранванд од оваа недела и официјално е сопственик на Гинисовиот рекорд за најдалечно исфрлена фудбалска топка со рака. Гинисовиот рекорд на иранскиот голман официјално е признаен откако Беиранванд (29) го оствари подвигот на натпреварот против Јужна Кореја во рамки на квалификациите за Мундијалот 2018, исфрлувајќи ја топката со рака од голманскиот простор на далечина од над 61 метри. Иран се квалификуваше на тоа Светско првенство одржано во Русија, а на завршниот турнир се истакна кога му одбрани пенал на португалскиот капитен Кристијано Роналдо. Актуелниот чувар на мрежата на португалскиот прволигаш Боависта, кариерата ја почна во ирански Персополис, а во националниот дрес досега одигра 49 натпревари.

Соборен Гинисовиот рекорд за најдолга подводна прошетка (ВИДЕО)

Катерина Бојаџиева — Tue, 02 Feb 2021 19:39:09 +0000

Борис Милошиќ од Сплит, Хрватска, го собори рекордот за најдолга подводна прошетка во еден здив во машка категорија, со тоа што на 1 март лани под вода изодел 96 метри, информираат од Организацијата на Гинисови рекорди. Како што информираат од организацијата, Милошиќ овој подвиг го завршил за три минути и 34 секунди и го соборил претходниот рекорд за 16 метри. За да ја добие престижната награда, тој морал постојано да ја држи едната нога на подводното тло со што на себе прикачил тегови. Оттаму дополнуваат дека страста на Милошиќ за нуркање потекнува уште кога имал седум години. Од својата 14-та година тој нуркањето го практикувал како професионален спорт. За да дојде до Гиносовата титула тој морал да тренира пет пати неделно.

Оваа девојка сруши Гинисов рекорд поради својата коса, еве со што е прва во светот (ФОТО)

Ивана Ефремовски — Thu, 10 Dec 2020 09:25:16 +0000

Симон Вилиамс, млада жена од Бруклин, неодамна влезе во Гинисовата книга на рекорди за најголема природна женска афро-фризура. Таа започнала да ја пушта косата пред 9 години за да заштеди пари, но никогаш не замислувала дека нејзиното име ќе се најде во познатата книга за рекорди.

View this post on Instagram

A post shared by Simone Imaani (@simonerellbess)

Прво ја носела косата исправена, а потоа ја трансформирала во афро-фризура, на која се навикнувала некое време. Откако прочитала за претходниот рекордер, Авин Дугас, таа решила да се обиде да го сруши нејзиниот рекорд. „Ја гуглав најголемата афро фризура и тоа ме инспирираше да се обидам да го срушам рекордот“, рече таа за Авин, која го држела рекордот од 2013 година со 1,32 метри коса, додека Симон има 1,48 метри, пренесува Oddity Central.

View this post on Instagram

A post shared by Simone Imaani (@simonerellbess)

Гинисов рекорд: Американец уловил 2.645 риби за 24 часа (ВИДЕО)

Магдалена Андонова — Tue, 15 Sep 2020 08:38:55 +0000

Професионален риболовец од американската сојузна држава Илиноис, неофицијално, го подобрил сопствениот Гинисов рекорд. Имено, тој фатил 2.645 риби во време од 24 часа. Џеф Колоџински е познат по прекарот „Маратонец“. Неговиот официјално признат Гинисов рекорд е 2.172 риби уловени за 24 часа, во 2019 година. Според Колоџински, дека доказите од неговиот нов обид за рекорд ќе бидат обезбедени за разгледување од Гинисовата книга на рекорди. Рибарот се надева дека и неговото ново достигнување ќе добие официјално признание. Со новиот подвиг, рибарот собира средства за фондацијата „Риболов за живот“. Тој се надева дека ќе се соберат барем 20.000 американски долари за добротворни цели. (МИА)

ФОТО: Поставен нов рекорд за најстар пар – во брак се 79 години, заедно имаат 214 години

Ивона Петрова — Mon, 31 Aug 2020 09:14:58 +0000

Нов рекорд во Гинисовата книга за најстар брачен пар во светот од денес. Заедно имаат 214 години и живеат на Еквадор. Хулио Цезар Мора и неговата сопруга се во брај 79 години. Тој има 110 години, а таа 104. Двајцата се пензионирани наставници, имаат пет деца, 11 внуци, 21 правнуци и девет чукунвнуци. Во пораката која ја испратиле велат дека „семејството единствено се одржува со љубов, взаемно почитување, чесна работа и семејни вредности.“, пренесуваат медиумите.

Таа има најдолга коса на светот, а рекордот го собори поради траума од детството (ФОТО+ВИДЕО)!

Ивана Ефремовски — Tue, 21 Jan 2020 13:10:25 +0000

Една девојка од Индија, ја чува својата титула на тинејџерка со најдолга коса на светот повеќе од една деценија. Признанието е резултат на нејзиното лошо искуство со шишање во фризерски салон. Ниланши Пател од малиот град Модас, во државата Гујарат, која има 17 години, останува сопственик на Гинисовиот рекорд во должина на коса.

Indian Rapunzel is the teenager with the world's longest hair with 6ft 3in locks after going 11 years without a trim https://t.co/cSl8tFAjeq
— Daily Mail Online (@MailOnline) January 20, 2020

Во 2018-та година, нејзината коса била долга 154 сантиметри, а сега останува „на престолот“ со должина од дури 190 сантиметри. Нејзиниот горд татко рекол дека поради таквиот рекорд, неговото единствено дете станало прво локална славна личност, а потоа и меѓународно. Ниланши изјавила дека 11 години не посетувала фризер, бидејќи имала негативно искуство со фризер. Еден неуспех за неа претставувал траума. -На шестгодишна возраст, бев во салонот и не ми се допадна фризурата, тоа ми донесе нервоза. Моите родители го прифатија мојот став и јасно им е дека мојата коса е дел од мојот шарм, рекла тинејџерката со најдолга коса во светот.

View this post on Instagram

Friends call her Rapunzel - Nilanshi Patel has been growing her hair since she was six years old following a bad experience at the hairdressers ??‍♀️ The 16-year-old from Gujarat, India, has set a new record for the longest hair on a teenager, with lengthy locks that measure 170.5 cm (5 ft 7 in). "I got my hair cut, a really bad haircut. So, then I decided that I won’t cut my hair. I decided that when I was six and have not cut it since," she explained. Nilanshi recently appeared on a brand-new TV series of record breaking, La Notte dei Record (The Night of Records) on Italy's @tv8it. "People think that I face so many problems with my hair, but I don't face any problems, I do sports and all the things with my hair. It's a lucky charm for me!" "I style it is as a long braid or as a bun on the top of my head. When I am going to an occasion, or when I am playing table tennis, I bun my hair on my head so that it is comfortable for me." ___________________________________________________ #longhair #hair #hairstyles #lanottedeirecord #guinnessworldrecords #officiallyamazing #longhairstyles #longhairdontcare #rapunzel

A post shared by Guinness World Records (@guinnessworldrecords) on Jan 6, 2019 at 10:14am PST

Инаку, Ниланши мора да носи чевли со високи потпетици ако не сака нејзината коса да ја допре земјата, што може да биде многу незгодно. Исто така, таа мора да ја „затегне“ косата додека плива, затоа што ако не го стори тоа има многу проблеми.

View this post on Instagram

Longest hair on a teenager record holder Nilanshi Patel from India was recently remeasured - her lengthy locks now reach 190 cm (6 ft 2.8 in)! _________________________________________________ #GWR2020 #hair #longhair #longhairgoals #longhairstyles #guinnessworldrecords #officiallyamazing

A post shared by Guinness World Records (@guinnessworldrecords) on Jan 16, 2020 at 2:03pm PST