гинисова книга на рекорди – Kurir.mk

ВЕРУВАЛЕ ИЛИ НЕ: Овој човек изел над 32.000 „Биг мек“ хамбургери (ФОТО)

Ивана Ефремовски — Thu, 19 May 2022 11:35:10 +0000

Маж од Висконсин (САД) влезе во Гинисовата книга на рекорди како човек кој изел најмногу „Биг мек“ хамбургери во животот – дури 32.340 сендвича. Иако многумина би можеле да се пофалат дека изеле повеќе „Биг мек“ хамбургери во животот, ништо не се споредува со напорите на 68-годишникот Доналд Горске кој од 1972 година јаде барем по еден „Мекдоналдс Биг мек“ секој ден, а во просечно – по два на ден. Тој првпат ја освои таа титула за најмногу издени хамбургери во 1999 година, па оттогаш само го надминува својот рекорд. За Гинисовата книга на рекорди раскажува како сѐ тоа почнало… -Возев директно до Мекдоналдс, ги зедов моите први три Биг Мек, потоа се качив во автомобилот и ги изедов. Во тој миг си реков: „Веројатно ќе го јадам ова до крајот на мојот живот“. Ги фрлив картончињата на седиштето и почнав да ги бројам од првиот ден, раскажува тој. Во раните денови, тој јадел и до девет хамбургери на ден, но неговата евиденција забележува дека јаде просечно по два секој ден. Според „Економист“, еден „Биг мек“ чини околу 5,8 американски долари. (МИА)

Оваа јагода влезе во Гинисовата книга на рекорди, дознајте колку грама тежи (ФОТО)

Ивана Ефремовски — Thu, 17 Feb 2022 20:03:49 +0000

Огромна јагода тешка 289 грама никна во Израел и влезе во Гинисовата книга на рекорди како најтешка досега видена во светот, објавија денеска израелските медиуми. Јагодата порасна на плантажата на семејството Ариел во Кадима-Зоран, во централниот дел на Израел. Била наберена пред една година, но рекордот бил потврден дури оваа недела. „Резултатите ги чекаме една година. Ја чувавме во замрзнувач повеќе од една година. Таа веќе не е убава како порано“, изјави Чахи Ариел, сопственик на плантажата „Јагоди на поле“, пренесе Асошиетед прес. Огромната јагода е локална сорта наречена Илан која може многу да расте. Семејството рекло дека за една година рекордната тешка јагода е преполовена. Претходниот рекорд бил поставен во Јапонија во 2015 година во Фукуока. Таа јагода тежела 250 грама. За Израелците чекањето вродило со плод. „Среќни сме што сме во Гинисовата книга на рекорди“, соопштиле Ариел. Израелските медиуми објавија дека јагодата била долга 18 сантиметри и полека растела повеќе од 45 дена, поради што била толку голема кога созревала.

ФОТО: Највисокиот политичар во светот е од Балканот- висок е 210 сантиметри

Предраг Кукиќ — Mon, 01 Apr 2019 08:49:29 +0000

Пратеникот на Социјалдемократската партија во Собранието на Хрватска, Пеѓа Габрин е највисокиот политичар во светот и 2 сантиметри е повисок од поранешниот проесионален кошаркар Роберт Корнеги. Корнеги е висок 208 сантиметри и неодамна влезе во Гинисовата книга на рекорди. Причината поради која хрватскиот пратеник Грбин не влегол во Гинис е тоа што никој не го пријавил. Грбин, инаку колегите го нарекуваат Мрвица, шегувајќи се со неговата висина. И новинарите се шегувале на сметка на Грбин нарекувајќи го „висок извор“ од местото во близина на Собранието.