гиза – Kurir.mk

Пронајден скриен ходник во Големата пирамида во Гиза

Ивона Петрова — Thu, 02 Mar 2023 12:44:39 +0000

Египетските власти денеска објавија дека археолози откриле досега непознат ходник, девет метри долг, зад главниот влез во Големата пирамида во Гиза. Проценките велат, ова може да доведе до натамошни откритија. Новиот наод е во рамките на проектот што користи нова технологија од 2015 година, вклучително и скенирање и ендоскоп за истражување внатре во пирамидите. Недовршениот тунел е веројатно изграден за да ја олесни тежината на пирамидата, главниот влез или други други неоткриени простори, појасни шефот на египетскиот Врховен совет за антиквитети, Мустафа Васири. Големата пирамида е изградена како владетелска гробница околу 2560 година п.н.е., за време на фараонот Куфу (на старогрчки: Кеопс). Висока првично 146,6 метри, Големата пирамида била највисоката човекова градба во светот повеќе од 3.800 години - сѐ до појавата на Ајфеловата кула и другите градежни подвизи на денешнината. Со текот на времето, абењето ја спуштило висината на пирамидата на сегашните 138,5 метри. Древната градба денес се простира на 230,3 квадратни метри, а зафаќа вкупно 2,6 милиони кубни метри.

Најмалку 17 ранети при напад врз автобус со туристи кај пирамидите во Гиза

Дарко Андоновски — Sun, 19 May 2019 14:31:45 +0000

Најмалку 17 лица, меѓу кои и странски туристи, се ранети денеска при експлозија на бомба крај туристички автобус во близина на новиот Голем египетски музеј, што се гради во реонот на познатите пирамиди во Гиза. Египетските безбедносни сили го потврдија нападот, посочувајќи дека меѓу жртвите им Египќани, како и државјани на Јужна Африка. – Експлозивна направа беше активирана покрај ѕидот на музејот, изјави за ДПА претставник на безбедносните сили, кој побарал анонимност. Досега никој не презеде одговорност за нападот, изведен со поставена експлозивна направа, која била активирана кога крај неа минувал автобусот. Нападите врз египетските безбедносни сили и припадниците ја коптското христијанско малцинство зачестија во Египет по соборувањето од власта на претседателот – исламист Мохамед Морси од страна на Армијата во 2013 година.

Напад врз автобус со туристи кај пирамидите во Гиза

Дарко Андоновски — Sun, 19 May 2019 13:49:24 +0000

Повеќемина туристи се ранети денеска при експлозија на бомба крај туристичка автобус во близина на новиот Голем египетски музеј, што се гради во реонот на познатите пирамиди во Гиза. Египетските безбедносни сили го потврдија нападот, без да соопштат информација за бројот на жртвите. – Експлозивна направа беше активирана покрај ѕидот на музејот, изјави за ДПА претставник на безбедносните сили, кој побарал анонимност. Нападите врз египетските безбедносни сили и припадниците ја коптското христијанско малцинство зачестија во Египет, по соборувањето од власти на претседателот -исламист Мохамед Морси од страна на Армијата во 2013 година.

Тројца убиени и 10 повредени во бомбашкиот напад врз автобус со виетнамски туристи во Гиза

Предраг Кукиќ — Fri, 28 Dec 2018 20:35:14 +0000

Двајца виетнамски туристи и египетски водич загинаа во денешниот бомбашки напад врз автобус кој поминувал во близина на пирамидите во Гиза, јужно од Каиро, соопштија официјални извори. Во автобусот имало 14 виетнамски туристи, соопшти египетското Министерство за внатрешни работи. Министерството претходно соопшти дека во експлозија на рачно изработена бомба во туристички автобус загинале двајца виетнамски туристи и биле повредени 12 лица од кои 10 биле виетнамски туристи, возачот на автобусот и туристичкиот водич. Инцидентот се случил кога автобусот налетал на рачно изработена бомба поставена на пат. Во автобусот имало 14 виетнамски туристи, соопшти египетското Министерство за внатрешни работи. Подоцна, при посетата на повредените во болница, египетскиот премиер Мостафа Мадбули изјави дека водичот им подлегнал на повредите. Египет беше цел на многу напади од страна на екстремистички групи насочени главно против безбедносните сили и коптското христијанско малцинство во земјата. По нападите, безбедносните мерки во египетските туристички градови се зајакнати.

Двајца загинати при експлозија на бомба во близина на пирамидите во Гиза

Предраг Кукиќ — Fri, 28 Dec 2018 19:21:35 +0000

При експлозија на бомба поставена на пат во близина на Пирамидите во Гиза загинаа најмалку две лица, јави германската новинска агенција ДПА. Според египетските медиуми, бомбата била активирана во моментот кога поминувал автобус со туристи.