Слаби врнежи од снег утринава на Попова Шапка и на планинските премини Пресека и Ѓавато

Тале Кристо — Sun, 12 Mar 2023 08:18:28 +0000

Слаби врнежи од снег утриава има на Попова Шапка, како и на планинските премини Пресека и Ѓавато, но без проблеми во одвивањето на сообраќајот. Сообраќајот на останатите државни патишта се одвива непречено, по наместа влажни коловози, соопшти АМСМ. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Ставен под контрола пожарот кај селото Ѓавото, во Кочани од невремето поплавени домови

Тале Кристо — Mon, 25 Jul 2022 07:11:29 +0000

Пожарот кај селото Ѓавото е ставен под контрола, но, како што информираа утринава од Центарот за управување со кризи, ситуацијата зависи од евентуалното јако дување на ветерот. – Утрово во 5:30 часот екипи на ТППЕ Гевгелија, доброволното противпожарно друштво Дојран, екипи на ТППЕ Струмица и Кавадарци, како и Шумско стопанство – Гевгелија, дел од месното население или околу 55 луѓе се на терен. Надмината е опасноста која цела ноќ му претстоеше на селото Ѓавото, пожарот е концентриран на сртот на ридот на месноста викана Погана. Сите дејствуват во содејство со хеликоптер од Армијата, кој досега има направено шест прелети и истурени се шест ведра вода, информираа утринава од ЦУК за МИА. Оттаму информираа дека од синоќешното невреме проследено со град и и дожд, поплавени се објекти во Кочани. Територијалната противпожарна единица од Кочани од 21:45 часот интервенирала на повеќе локации како ресторанот „Але Дар“ и повеќе улици каде имало поплавени домови. Паднати дрвја биле отстранети од улицата „Димитар Влахов“, од Монополски Бавчи, од улицата „Теодосија Панунов“ и од улицата „Скопска“ број 4, каде имало паднато дрво врз два автомобила. На улицата „Киро Кикенски“ бр.25 имало пожар на запалено борче од жиците за електрична енергија, кое по кратко време било изгаснато, додека на улицата „Скопска“ бр.40 се интервенирало на запалено електрично броило. Со овие интервенциии, како што информира ЦУК, е завршено во 1:45 часот. Последна интервенција била во 2:15 часот на обиколницата кај компосарата од кај Виничко, каде имало паднато поголемо дрво, при што има прекин во сообраќај за исклучок од градот Кочани. -Во интервенцијата учествуваа сите 15 пожарникари од ТППЕ Кочани, 22 пожарникари од доброволното противпожарно друштво и четворица пожарникари од ТППЕ Штип, информира ЦУК.

ѓавото – Kurir.mk

Слаби врнежи од снег утринава на Попова Шапка и на планинските премини Пресека и Ѓавато

Ставен под контрола пожарот кај селото Ѓавото, во Кочани од невремето поплавени домови