ѓер – Kurir.mk

Ѓер го освои третото место на женскиот ракометен Ф4 во Будимпешта

Бошко Тасиќ — Sun, 04 Jun 2023 15:29:27 +0000

Ракометарките на Ѓер го освоија третото место на Ф4 турнирот во женската Лигата на шампиони, откако во малото финале во крајно интересен натпревар славеа над данскиот Есбјерг со 28-27. Унгарките подобро го отворија натпреварот и на полувреме имаа предност од 16-9. Ѓер одлично стартуваше и во вториот дел и во 40. минута стигна до највисоки плус осум (18-10). По ова следеше голем пад на унгарскиот гигант, што го искористија Данките и на три минути до крајот стигнаа на само минус еден (27-26). Сепак, во еден неизвесен финиш Ѓер подобро се снајде за конечен триумф од 28-27. Ана Грос со шест гола беше најефикасна кај победникот, додека кај поразените со ист број погодоци заврши Вилде Мортенсен Ингстад.

Рафаел Тервел ќе игра и ќе биде асистент тренер

Бошко Тасиќ — Sun, 04 Dec 2022 07:30:18 +0000

Унгарскиот Ѓер, кој се соочи со неколку отсуства на ракометарки по Европското првенство, ќе има нова ракометарка во ростерот. Станува збор за француската интернациналка Рафаел Тервел, специјалист за одбрана, која веќе е во тимот како асистент тренер. Ѓер и тренерот Амброс Мартин решија да ја реактивираат и да го пополнат ростерот со Тервел, па таа би можела да го има камбекот на терените на дуелот со Рапид Букурешт.

ЛШ Ф4: Ѓер против дебитантот, шампионот се судира со Мец

Бошко Тасиќ — Tue, 10 May 2022 19:23:14 +0000

Денес во Будимпешта се одржа ждрепката за завршниот турнир во Лигата на шампионите во женска конкуренција. Во првото полуфинале најуспешниот колектив Ѓер го доби дебитантот на завршницата Есбјерг, додека актуелниот првак Виперс Кристијансанд ќе се судри со француски Мец. Полуфинални парови за сезона 2021/22:

Ѓер - Есбјерг
Мец - Виперс Кристијансанд

Титулата од ланската сезона ја брани екипата на Виперс Кристиансанд. Завршниот турнир ќе се одигра во Будимпешта на 4/5 јуни.

Ракометната легенда на Унгарија го презема Ѓер

Бошко Тасиќ — Sat, 02 Apr 2022 15:43:35 +0000

Една од најдобрите ракометарки на светот, Анита Гербиц, која се пензионираше минатото лето, би можела да стане претседател на еден од фаворитите за освојување на титулата во ЛШ, Ѓер. Гербиц целата кариера ја мина во Ѓер. Пет пати ја освојуваше Лигата на шампионите, 13 пати домашната титула и 11 пати Куп титулата во Унгарија. Во 2005 година од страна на ИХФ, Гербиц беше прогласена за најдобра ракометарка на светот. За потсетување, пред неколку денови, Чаба Барта, кој беше претседател на Ѓер цели шест години, реши да го напушти унгарскиот шампион.

Брест го елиминираше големиот Ѓер

Бошко Тасиќ — Sat, 29 May 2021 18:59:43 +0000

Францускиот првак Брест е финалист на фајналфор турнирот во Лигата на Шампионите што се игра во Будимпешта, по драматичниот триумф против Ѓер. Отпорот на унгарскиот гигант беше скршен дури во пенал-рулетот, во кој Гулден го постигна решавачкиот пенал, за прво финале во Лигата на Шампионите во историјата на Брест. Екипата на Брест Бретањ направи историски успех во полуфиналето против славниот Ѓер (25-27 по пенали) и првпат обезбеди место во финалето од Лигата на шампионите. Грос со девет гола блесна во дресот на Брест, а кај Ѓер најефикасна беше Кристиансен која реализира еден погодок помалку.

Градоначалникот на Ѓер поднесе оставка поради снимка со оргии на јахта

Катерина Бојаџиева — Wed, 06 Nov 2019 15:00:46 +0000

Поранешниот олимписки шампион во гимнастика Золт Боркаи, кој освои втор мандат за градоначалник на унгарскиот град Ѓер, денеска соопшти дека поднесува оставка поради вмешаност во сексуален скандал, кој доведе и до намалување на поддршката на јавноста за владејачката партија Фидес, на неодамна одржаните локални избори. Боркаи ја напуштија партијата Фидес минатиот месец, со цел да ги ограничи политичките последици од објавувањето на видео снимка на која, тој е во сексуален однос со девојки на јахта во Јадранското Море. Локалните медиуми информираат дека жените кои учествувале во оргијата биле проститутки. Тој се извини за своите постапки, кои ги оквалификува како грешка. Не е познато кој или зошто го снимил видеото од, како што Боркаи посочува, приватно патување на јахта. Видеото, објавено од анонимен блогер вклучува и конверзација која имплицира на корупција. Но засега нема доказ за таквите шпекулации. Блогерот, кој се нарекува себе си „адвокат на ѓаволот“ и кој тврди дека е правник од опкружувањето на Боркаи, вели дека на јахтата се користел и кокаин. Градоначалникот призна дека снимката е автентична, но ги демантираше обвиненијата дека користел дрога. Тој испрати извинување до своето семејство. Снимката се објави во јавноста само неколку дена пред локалните избори, одржани на 13 октомври, а аналитичарите истакнуваат дека тоа беше еден од факторите за изненадувачки лошите резултати на Фидес. Оженет, со две деца, Боркаи беше и под притисок на премиерот Виктор Орбан да се повлече од функцијата. Тој соопшти дека ќе ја напушти функцијата во петок, еден ден откако требаше официјално да биде инаугуриран за втор мандат. Сепак, тој ќе продолжи да ја извршува градоначалничката функција додека не се избере негов наследник на повторно избори- процес кој би можел да трае повеќе месеци.

Вардарки останаа без посакуваната победа, Ѓер ја одбрани титулата

Ивана Ефремовски — Sun, 13 May 2018 18:14:44 +0000

Во тежок и неизвесен натпревар за игра ракометарките на Вардар исто како и лани по продолженија го загубија финалето од Ѓер, овој пат со 27:26. и не успеаја да се искачат на европскиот трон. Ракометарките на Ѓер ја победија екипата на Вардар, откако во драматично финале во „Ласло Пап Арена“ го совладаа тимот на ЖРК Вардар. Грот со осум и Аморим со шест гола беа најефикасни во тимот на Ѓер. Кај ЖРК Вардар блесна Лејно со 18 одбрани, а најефикасни беа Лекиќ со шест и Радичевиќ со четири гола.