ѓоко котевски – Kurir.mk

Ѓорѓиевски: Спасовски и Заев го наградуваат Котевски во чиј мандат најбрутално беа нападнати Ристовски и Јанакиевски?

Ивана Ефремовски — Sat, 21 Sep 2019 11:50:07 +0000

Во Македонија владее криминалот, а МВР е целосно блокирано заради политизацијата и непрофесионалното раководење од страна на министерот Оливер Спасовски, обвинува Орце Ѓорѓиевски-член на ИК на ВМРО-ДПМНЕ. -Наместо почитување на системот на кариера и стимулирање на професионалците во министерството, полицијата се партизира и парализира целосно со кадри блиски до Спасовски. Партискиот октопод на Спасовски во МВР од неодамна доби уште еден крак. Тоа е функционерот на СДСМ од Бутел Ѓорѓи Котевски, добро познат на јавноста како поранешен директор на истражниот затвор Скопје во Шуто Оризари. Ѓорѓи Котевски е вработен во МВР на позиција Виш полициски советник за меѓународна соработка. Ѓорѓи Котевски со решение на Спасовски станува, ни помалку, ни повеќе, трет човек во хиерархијата на Бирото за јавна безбедност. Ѓорѓи Котевски нема ниту ден работно искуство во полиција, но затоа ќе има под него илјадници полициски службеници кои кариерата ја граделе макотрпно, секојдневно ризикувајќи ги сопствените животи.Ова не е само уште едно обично партиско вработување, ова е целосно поигрување со системот и негово целосно подривање.Ѓорѓи Котевски ќе има преку 1000 бодови и ќе зема плата од околу 45. 000 денари, а човекот е приправник во МВР, вели Ѓорѓиевски. Тој прашува: Кои се квалификациите заради кои Котевски е примен на оваа функција? -Дали е тоа неговата кариера во една фурна во Скопје? Дали е тоа неговиот придонес како претседател на општинската организација на СДСМ во Бутел или пак Спасовски и Заев го наградуваат затоа што за време на неговиот мандат најбрутално беа нападнати и претепани Спиро Ристовски и Миле Јанакиевски? Човекот имаше катастрофални резултати како директор на затворот во Шуто Оризари и поради истите катастрофални резултати како што знае целата македонска јавност истиот беше приндуен да си даде оставка, но очигледно тоа не е проблем за Оливер Спасовски да му довери трета по ранг функција во хиерархијата на БЈБ. Господине Спасовски, престанете да го уништувате МВР, додека не е предоцна. Повлечето го решението и престанете да ги шиканирате професионалците за сметка на вашите партиски послушници. За штетата која што ја правите секојдневно во МВР за многу скоро ќе има одговорност, порача тој.

Владата иако вети дека директорот на Шутка Ѓоко Котевски ќе биде разрешен по изборите тој се уште остварува партиски приватни средби (ФОТО)

Дарко Андоновски — Sat, 18 May 2019 07:58:51 +0000

Директорот на управата за извршување санкции Јовица Стојановиќ и директорите на затворите од СДСМ остваруваат партиски приватни средби. Сепак на овие партиски средби не се појавиле директорите на затворите од ДУИ, па така на фотографиите не се директорите на затворите во Струга и Тетово, дали ова е уште еден доказ за проблеми во владината коалиција останува да видиме. Спорно и чудно во целата ситуација е зошто ако се разговарало на овие средби за планот и работата и досегашните активности се разговара само со едни партиски директори, кога програмата и планот се државни и владини. На фотографијата се гледа и директорот на Шутка, Ѓоко Котевски кој ја излажа јавноста дека понудената оставка поради инцидентот во затворот Шутка ќе се ефектуира веднаш после изборите, а сега јасно се гледа како тој продолжува без срам и морал и одговорност да биде на директорската функција. Инаку во февруари годинава Котевски изјави дека до Владата ги доставил оставката и извештајот во врска со инцидентите во кои беа нападнати притворените поранешни министри, Спиро Ристовски и Миле Јанакиески. Извештајот за инцидентот, како што рече, го доставил и до Министерството за правда и до Управата за извршување санкции По ова портпаролот на Владата, Миле Бошњаковски на прес конференција, истакна дека за оставката на директорот на истражниот затвор „Скопје“, ќе се дебатира по претседателските избори, но повеќе од очигледно е дека од тоа се уште нема ништо... За време на претседателските избори тој беше дел од кампањата и со тоа стана сосема јасно зошто на премиерот Заев му беше важно тој да остане на функцијата. Па така Котевски беше целосно посветен на промоцијата на Пендаровски.

Еве зошто Заев не го разреши директорот на „Шутка“: Котевски целосно посветен на кампањата на Пендаровски

Ивана Ефремовски — Wed, 03 Apr 2019 16:23:33 +0000

Директорот на затворот во Шутка, Ѓоко Котевски, по скандалот со претепувањето на поранешните министри Јанакиески и Ристовски, рече дека ќе си поднесе оставка. Но, Заев не го разреши директорот и тој уште е прв човек на „Шутка“. Сега, на почетокот од кампањата пред претседателските избори, стана сосема јасно зошто на премиерот му беше важно ова лице да остане на функција. Котевски е целосно посветен во промоцијата на Пендаровски.

Котевски останува директор на затворот во Шутка

Предраг Кукиќ — Tue, 26 Feb 2019 14:18:05 +0000

Портпаролот на Владата, Миле Бошњаковски на денешната прес конференција, истакна дека за оставката на директорот на истражниот затвор „Скопје“, ќе се дебатира по претседателските избори. -Оставката на директорот на истражниот затвор „Скопје“, Ѓоко Котевски е нотирата до Владата, но според сите законски прописи, истата ќе биде разгледувана по претседателските избори. Управата за санкции го процесира тој извештај. Оставката е чин на морална одговорност и не гледам проблем дека е сега поднесена- истакна Бошњаковски. Од владината прес служба, во денешното соопштение до јавноста, информираат дека Владата на 123-тата седница го констатираше поднесувањето на оставката од страна на директорот на Истражниот затвор во Шуто Оризари Ѓоко Котевски. Со оглед на тоа што оставката е поднесена во период откако се објавени претседателските избори, истата ќе се разгледува после завршување на изборите, штом заврши забраната за разрешување и именување согласно Изборниот законик.

Директорот на затворот „Шутка“ иако вети не поднесе оставка

Предраг Кукиќ — Mon, 25 Feb 2019 15:30:08 +0000

Директорот на истражниот затвор Шутка не поднесе оставка иако ја најави. Ѓоко Котевски вети дека денеска ќе го напушти директорското место, во исто време ќе го објави извештајот и за инцидентот во кој беа нападнати поранешните министри Јанакиески и Ристовски. Истрагата покажала пропусти во обезбедувањето на затворот па од морални причини најави оставка од функцијата, но тој до завршување на работното време денеска нема поднесено оставка.

Вработените во затворот не ја прифаќаат оставката на Котевски, изготвиле и потпишуваат петиција

Ивана Ефремовски — Fri, 22 Feb 2019 17:25:43 +0000

Откако премиерот Зоран Заев побара од директорот на затворот Шутка да си поднесе оставка, таа беше прифатена и директорот на денешната прес-конференција најави дека тој ќе поднесе неотповиклива оставка по завршувањето на истрагата околу пресметките поврзани со екс-министрите. Но, вработените во затворот не се согласуваат со барањето на Заев и одлуката на Ѓоко Котевски дека ќе поднесе оставка, па денеска изготвиле и потпишуваат петиција за Котевски да остане на функцијата, пренесе ТВ21. Котевски изјави дека денеска се преземени нови протоколи и повикани се поголем број на затворски чувари на работа, по вчершните инциденти во кои учествуваа поранешните министри, Миле Јанакиески и Спиро Ристовски, кои се во притвор за настаните во Собранието на 27 април 2017. Тој посочи дека во моментов Јанакиевски и Ристовки се сместени во други притворски простории поточно во „Хашкиот“ дел и шетаат во друго шеталиште, а не во тие каде што се случија немилите настани. Посочи дека од досегашната истрага на случувањата утврдени се пропусти во постапувањето и непочитување на стандардите безбедносни протоколи во службата за обезбедување во затворот „Скопје”, поради што презема одговорност.

Директорот Котевски си поднесе оставка

Предраг Кукиќ — Fri, 22 Feb 2019 15:13:17 +0000

Ѓоко Котевски, директор на затворот „Скопје“ во Шуто Оризари денеска си поднесе оставка од функцијата, откако Премиерот Зоран Заев го прозва на одговорност за вчерашниот инцидент, во кој беа нападнати екс-министрите Миле Јанакиески и Спиро Ристовски. Оставката на Котевски ќе биде доставена в понеделеник, кога и целиот извештај од истрагата ќе биде доставен.

Котевски: Утврдени се пропусти, повикани на работа поголем број на затворски чувари

Предраг Кукиќ — Fri, 22 Feb 2019 14:17:40 +0000

Директорот на КПУ „Скопје” Ѓоко Котевски изјави дека денеска се преземени нови протоколи и повикани се поголем број на затворски чувари на работа, по вчершните инциденти во кои учествуваа поранешните министри, Миле Јанакиески и Спиро Ристовски, кои се во притвор за настаните во Собранието на 27 април 2017. Тој посочи дека во моментов Јанакиевски и Ристовки се сместени во други притворски простории поточно во „Хашкиот“ дел и шетаат во друго шеталиште, а не во тие каде што се случија немилите настани. Поранешните министри вчера не шетале заедно, туку едниот во едно шеталиште, а после еден час и другиот во друго шеталиште и биле сместени во различни пављони. Котевски повтори дека го прифаќа барањето на премиерот Зоран Заев и ќе поднесе оставка кога ќе заврши истрагата. -Јас сум одговорен човек, професионалец, посветен на службата и кога службата ќе потрфли логично е од професионални и морални причини да се поднесе оставка, изјави Котевски денеска пред затворот во Шутка. Посочи дека од досегашната истрага на случувањата утврдени се пропусти во постапувањето и непочитување на стандардите безбедносни протоколи во службата за обезбедување во затворот „Скопје”, поради што презема одговорност. -Повторувам дека според очевидците и писмените изјави на лицата во вчерашниот настан вербалните инциденти ги започнале лицата М.Ј и С.Р., после што биле физички нападнати. Се разбира за сите физички насилства нема оправдување. Тие треба секој да ги осуди, секој од нас и затоа треба да се преземе одговорност, рече Котевски.

Котевски: Од професионални и морални причини ќе поднесам оставка

Дарко Андоновски — Fri, 22 Feb 2019 13:55:02 +0000

Директорот на КПУ „Скопје“ Ѓоко Котевски денеска изјави дека го прифаќа барањето на премиерот Зоран Заев и ќе поднесе оставка по вчерашните физички инциденти во кои учествуваа поранешните министри Миле Јанакиески и Спиро Ристовски, кои се во притвор за настаните во Собранието на 27 април 2017. Додаде дека оставката ќе ја поднесе кога ќе заврши истрагата. -Јас сум одговорен човек, професионалец, посветен на службата и кога службата ќе потрфли логично е од професионални и морални причини да се поднесе оставка, изјави Котевски денеска пред затворот во Шутка. Посочи дека од досегашната истрага на случувањата утврдени се пропусти во постапувањето и непочитување на стандардите безбедносни протоколи во службата за обезбедување во затворот „Скопје“, поради што презема одговорност. -Повторувам дека според очевидците и писмените изјави на лицата во вчерашниот настан вербалните инциденти ги започнале лицата М.Ј и С.Р., после што биле физички нападнати. Се разбира за сите физички насилства нема оправдување. Тие треба секој да ги осуди, секој од нас и затоа треба да се преземе одговорност, рече Котевски. Тој најави дека во понеделник ќе биде завршена комплетната внатрешна истрага, а потоа извештајот ќе биде доставен до Министерството за правда, до Управата за извршување санкции и до Кабинетот на премиерот на Република Северна Македонија. На новинарско прашање, Котевски рече дека во вчерашниот инцидент М. Ј. и С.Р. физички биле нападнати од лицата Л.К. и Е.С. Котевски рече дека М.Ј. С.Р. не шетале заедно, туку едниот во едно шеталиште, а после еден час и другиот во друго шеталиште. Тој додаде дека овие две лица се сместени во различни пављони. -Обавени се разговори и земени се изјави од притворените лица кои беа вклучени во немилиот настан, рече Котевски. Тој посочи дека во моментов притворените лица М.Ј и С.Р. се сместени во други притворски простории поточно во Хашкиот дел и шетаат во друго шеталиште, а не во тие каде што се случија немилите настани. Додаде дека денеска се преземени нови протоколи и повикани се поголем број на затворски чувари на работа. Премиерот Зоран Заев денеска побара оставка од Котевски по вчерашните два инцидента во дворот во затворот во кои учествуваа поранешните министри Миле Јанакиески и Спиро Ристовски. Заев го осуди чинот и наведе дека без разлика кој е виновен за инцидентите директот треба да понесе одговорност.

Котевски: Барањето на премиерот за моја оставка ќе биде реализирано

Предраг Кукиќ — Fri, 22 Feb 2019 10:37:47 +0000

Брањето на премиерот е конечно и тоа ќе биде реализирано, изјавил за Плусинфо директорот на затворот „ Шутка“ Ѓоко Котевски откако премиерот Зоран Заев во изјава за медиуми побара оставка од него по инцидентот во затворот каде беа истепани екс министрите Миле Јанакиески и Спиро Ристовски.