ѓоко велковски – Kurir.mk

Велковски: На денешната седница на Советот на Општина Чаир беа предложени одлуки за зголемување на износот на надоместокот на трошоците за престој на децата во градинка

Тале Кристо — Thu, 27 Apr 2023 15:15:22 +0000

На денешната седница на Советот на Општина Чаир од страна на Јавна установа детска градинка “Снежана“ и Јавна установа детска градинка “Фидани“ беа предложени одлуки за зголемување на износот на надоместокот на трошоците за престој на деца што паѓа на товар на родителите. Ваквата инцијатива на двете градинки во Општина Чаир произлегува од заклучокот од одржаната осумдесет и осмата седница на Владата на Македонија одржана на 09-ти Октомври 2022 година, каде што се дава препорака на советите на општините за зголемување на надоместокот за престој на деца во детските градинки. Имено сегашниот износ за надоместок на трошоците за престој на деца во детските градинки изнесува 1.490 денари, во доставените предлог одлуки е предвидено зголемување на овој износ на 2.200 денари. Како советничка група на ВМРО-ДПМНЕ реагиравме на ваквите предлог одлуки и при гласањето на истите бевме против. Недозволиво е ваквото постапување на владата предводена од СДСМ и ДУИ, имено при двоцифрена инфлација, економска и енергетска криза, наместо истата да понуди помош на своите граѓани за надминување на потешкотитее со кои секој еден се соочува денес, истата предлага зголемување на месечните трошоци за престојот на децата во детските градинки, додека истовремено Министерството за труд и социјална политика направи намалување на блок дотациите наменети за детските градинки. Ова е уште еден доказ за неодговорното владеење на Владата на СДСМ и ДУИ!, објави на социјалната мрежа на Фејсбук Ѓоко Велковски од ВМРО-ДПМНЕ.

Велковски бара извинување од Арсовска: Со клеветничка изјава го наруши мојот углед и чест

Магдалена Андонова — Wed, 14 Sep 2022 13:04:05 +0000

На ден 12 Септември 2022 година, на одржана прес-конференција од страна на градоначалничката Данела Арсовска се изнесени невистинити тврдења за факти штетни за мојата чест и углед, кои што потоа се пренесени преку соопштение до јавност од кабинетот на Градот Скопје. Со индигнација ги отфрлам тврдењата дека на било кој начин сум работел несовесно и сум влијаел на процесот за избор на компанија за пречистителната станица, стои во Фејсбук статусот на Ѓоко Велковски, поранешниот секратар на град Скопје. Тој напиша дека се работи за клеветничка изјава која го нарушува неговиот углед и чест. - Оттука, а согласно одредбите од Законот за граѓанска одговорност за навреда и клевета, член 13 и 14, барам од Арсовска во целост да ја повлече изјавата и да се извини за невистините и лагите кои ги шири и со кои ја манипулира јавноста. Во спротивно, доколку не постапи по ова барање во законски предвидениот рок од 48 часа, ќе поднесам тужба за утврдување граѓанска одговорност за клевета, додава Велковски во својата објава.

Генералниот секретар на Градот си заминува од позицијата: Разочаран сум од слабиот потенцијал на Арсовска која има поинакви приоритети од ветените пред граѓаните

Катерина Бојаџиева — Mon, 12 Sep 2022 08:07:17 +0000

Генералниот секретар на Град Скопје, Ѓоко Велковски, си заминува од позицијата. Вели дека е разочаран од слабиот потенцијал на градоначалничката Данела Арсовска, за која вели дека има поинакви приоритети од ветените пред граѓаните. -Како човек кој секогаш одговорно и професионално си го извршувал своите работни задачи морам да потенцирам дека за мене беше вистински предизвик да бидам на позицијата генерален секретар на Градот Скопје, особено што тоа е место каде човек може вистински да се вгради во развојот и Скопје и да работи на вистинско решавање на бројните проблеми на скопјани. На ова место дојдов со ентузијазам и план да воспоставиме вистинска работна пракса и да ги покренеме процесите кои повеќе години претходно беа заглавени и далеку од потребното ниво. Со оглед на тоа што на оваа позиција дојдов откако претходно бев избран за советник во општината Чаир, кое е местото каде што живеам и каде што исто така имам обврска да придонесувам барав Државната комисија за спречување на корупцијата да се изјасни за таквата ситуација. Таа овие денови ме известија дека ќе морам да се определам за една од тие две позиции, при што јас донесов одлука да си заминам од позицијата генерален секретар на градот Скопје и да се посветам на советничката функција каде сум избран од граѓаните на Чаир. Оваа моја одлука ја донесов и поради фактот што сум разочаран од слабиот потенцијал за работа и несоработката од градоначалничката Арсовска во реализацијата на капиталните проекти за градот Скопје. Ветувањето кон скопјани беше модерна метропола, а резултатите да бидат брзи и сигурни, пишува Велковски на Фејсбук и додава: „По течиси една година во Градот можам да кажам дека таму има поединци и професионалци вработени во градот кои со децении придонесуваат за развој на градот и им благодарам за соработката, пожртвуваноста и нивниот придонес. Но воедно залуден е мојот и нивниот ентузијазам кога Арсовска покажува затвореност, поинакви приоритети од ветените, слаба динамика во темпото на реализација додека проблемите се наталожуваат. Во таква една ситуација развојот на градот Скопје не е можен, иако граѓаните со право очекуваа по нејзиното стапување на функција многу повеќе. Сакам да посочам дека јас ќе продолжам да придонесувам за Скопје од позицијата советник во Општина Чаир, останувам и посветен на мојата ВМРО ДПМНЕ и членовите на Општинскиот Комитет Чаир кој го предводам, благодарам за укажаната доверба и поддршката од сите мои пријатели и соработници, на поддршката од мојата партија и претседателот Мицкоски со кој продолжуваме да го остварувамe она што неминовно ќе мора да се случи за да Македонија се крене, промени за сигурна иднина!“.

Трибина „Затекнато – реализирано во Град Скопје“: Шилегов остави околу 150 милиони евра долг, заробен совет е веќе минато, транспарентноста на прво место

Магдалена Андонова — Sun, 13 Mar 2022 11:06:33 +0000

Благодарност до можност да денеска продискутираме за одредени теми по однос на она што Градот Скопје го има затекнато, односно она што градоначалничката при нејзиното доаѓање затекна во Градот Скопје. Би сакал да започнам од она што значат финансиски средства и што тоа значело во тој момент кога градоначалничката Арсовска го презема раководството во Градот Скопје. Тоа беа вака голема сума на обврски односно околу 58 милиони евра само во доспеани обврски, обврски кои што требаше Градот веќе да ги исплаќа. Потоа, тука следеа оние 11 милиони, односно од прилика околу 11 милиони уште недоспеани договори, меѓутоа постапки во тек и слично кои што доспеваа за многу брзо време. Тука мора да се напоменат исто така и оние кредити кои што седум вкупно кои што беа веќе резервирани односно земени од страна на претходниот градоначалник Петре Шилегов. И кога ќе ги сумираме вака зборувам за само од старт во тој месец ноември кога се презема Градот Скопје тоа беа од прилика околу 150 милиони евра на обврски кои што ние нели граѓаните на градот Скопје ќе треба и треба да ги исплаќаме зборувам во идно време, истакна Ѓоко Велковски, генерален секретар во Град Скопје на денешната трибина насловена „Затекнато – реализирано во Град Скопје“, во организација на ВМРО-ДПМНЕ. Велковски додаде дека без оглед на преголемите долгови кои што ги остави претходното раководство предводено од Петре Шилегов, градоначалничката Арсовска со својот тим продолжува да функционира и да работи на проектите кои што ги вети на граѓаните. - Во однос на проекти, што би значело, што затекнавме, и тука ситуацијата беше вака генерално не така сјајна. Да не кажам катастрофална. Беа започнати неколку булевари кои што биле тендерирани и започнале со нивна реализација, меѓутоа никој не мислел како тие сите ќе бидат завршени односно ќе бидат реализирани до крај. На што се однесува ова, тоа се „Борис Трајковски“, особено „АСНОМ“ и мостот „Љубљанска“ популарно кажано. Тие три проекти беа заглавени со имотно правни односи. Односно некој започнал работи и да тендерира, без претходно да со приватни сопственици, дали со државата ги решат тие имотно правни односи, заклучи Велковски. Велковски посочи дека веднаш по доаѓањето на градоначалничката Арсовска по однос на овој проблем се започна со реализација и расчистување на проектите но за овие 100-тина дена голем дел од имотно правните односи се започнати и се во постапка на реализација, а дел се веќе реализирани. Така да се расчистува со имотно правни односи за бул. „Борис Трајковски“ за позиции за да може да се реализира. Петре Шилегов започнал со реализација на овие проекти но наопачки, наместо од почеток тој започнал од крајот. Во текот на трибината се обрати и Петар Милетиќ, кој што е советник во Советот на Град Скопје. Тој се осврна на промените кои што дојдоа во Градот Скопје по преземањето на власта од страна на Данела Арсовска. - Има големи промени. Промените се по однос на тоа што транспарентно се работи и граѓаните може да ги гледаат седниците во живо. За прв пат Советот на Град Скопје воведе пракса да се пренесуваат седниците во живо за разлика од претходната советничка група која ја предводеше СДСМ и мнозинството кое тие го држеа, тоа беше совет кој работеше во корист на неколку луѓе. Тоа беше заробен совет каде се гласало онлајн преку платформата „Zoom“. Ја искористија пандемијата и еден човек гласаше а десет советници, така да нивното право на глас беше одземено, рече Милетиќ.

Велковски: На Чаир му треба здрави и кадарни луѓе – менаџери кои знаат да работат и ќе работат само за потребите на граѓаните

Тале Кристо — Tue, 05 Oct 2021 18:25:55 +0000

Чаирчани, нас ни треба функционална општина, функционална градска администрација, стручни луѓе коишто ќе ги решаваат нашите проблеми и потреби и затоа да не чекаме 5, 10 или повеќе години како што е пракса во изминатиот период. На Чаир му треба здрави и кадарни луѓе – менаџери кои знаат да работат и ќе работат само за потребите на граѓаните, луѓе кадарни за промени и победи, изјави Ѓоко Велковски, носител на советничката листа на ВМРО – ДПМНЕ за општина Чаир на вечерашниот митинг. Велковски потенцира дека гледајќи ја енергијата на чаирчани вечерва, убеден е дека на 17-ти октомври сите уште рано наутро ќе излезат и без двоумење ќе го дадат својот глас за советничката листа на Чаир, на Скопје, за кандидатот за градоначалник на општина Чаир – Беким Сали и за Данела Арсовска, кандидат за градоначалник на Град Скопје бидејќи токму тие се лушето за големи проекти и луѓето кои ќе донесат големи промени.

Велковски: Ова не е Бангладеш, ова е улица Македонско- Косовска Бригада во Чаир, Шилегов уште еднаш се покажа како неуспешен градоначалник (ВИДЕО)

Катерина Бојаџиева — Wed, 28 Jul 2021 17:52:29 +0000

Ова не е Бангладеш, ова е улица Македонско - Косовска Бригада во Општина Чаир само неколку месеци како официјлно беше завршена реконструкцијата на истата за која беа потрошени илјадници евра, поточно 56 милиони денари, пари на граѓаните на Општина Чаир. За само неколку минути пороен дожд успеа во должина од повеќе стотици метри да се поплави и граѓаните да неможат безбедно да се движат по истата, ниту да дојдат до своите домови, вели Координаторот на Советничката група на ВМРО-ДПМНЕ во Советот на Општина Чаир Ѓоко Велковски. -Петре Шилегов уште еднаш се покажа како неуспешен градоначалник и уште еднаш се виде неговата неспособност и несериозниот пристап и непознавање на локалните проблеми, ниту па истиот има визија и знаење како истите да бидат решени. Да не говориме за неквалитетните изведби и паушалните проекти кои Петре Шилегов и Град Скопје ги направи во Општина Чаир и пошироко во градот Скопје. Граѓаните на Град Скопје и Општина Чаир за неполни 3 месеци ќе имаат можност да го казнат Петре Шилегов и СДСМ за ваквиот начин на одбесување кон нив. Доста е Петре времето ти истече, време е да заминеш во историјата! Поздрав за заминување од жителите на Општина Чаир ќе добиеш наскоро, пишува Велковски на Фејсбук.

Велковски до Шилегов: Немање идеја и креативност води до паушално решение и глупост, Чаир не е општина за експеримент

Катерина Бојаџиева — Sun, 20 Jun 2021 12:14:27 +0000

Немање идеја и креативност води до паушално решение и глупост. Кога имате реален проблем, а тоа е несомнено сообраќајниот метеж на ул.Цветан Димов во Општина Чаир, улица која служи за влез на жителите од општините Чаир, Бутел, Чучер и Сандево и делумно за Шуто Оризари. Движењето на оваа улица во ударните часови за одење на работа и за враќање од работа е навистина отежнато и има голема фрекфенција на автомобили и поради тоа оваа делумно кратка делница се вози повеќе од предвиденото, пишува Координатор на Советничката група на ВМРО-ДПМНЕ во Советот на Општина Чаир Ѓоко Велковски на Фејсбук. -Пред повеќе од 1 година, незнаејки како да го решат проблемот градските власти на чело со Петре Шилегов решаваат да постават бетонски блокови долж едната половина од самата улица, и даваат изјава дека со ова ќе се регулира сообраќајот, односно дека ќе се намали гужвата од оваа улица. После една година ништо не се промени сеуште имаме сообраќаен метеж на оваа улица и наместо тоа да го признаат Петре Шилегов и градските власти тие пред само неколку дена поставија нови бетонски блокови кон вториот дел од улицата Цветан Димов и без притоа повторно да направат соодветна проценка и анализа за тоа дека најмалку 30.000 жители на населено место Гази Баба нема да можат да влезат во својата населба од улицата Цветан Димов како што предвидувал самиот сообраќаен режим со години наназад. Да не зборуваме за потребата од итна медицинска помош, од противпожарно возило, полициска патрола, сите овие треба да одат до едниот или другиот крај на улицата Цветан Димов, зависно каде треба да интервенираат, а за сите овие служби секоја секунда е значајна и значајна е за жителите на општина Чаир. Доколку седнел некој и реално го разгледа проблемот на улицата Цветан Димов веднаш ќе забележи дека не е проблемот во исклучувањето и уклучувањето на возилата кои доаѓаат од споредните улици, ниту толку голем е проблем од пешаците кои преминуваа преку оваа улица, туку најголем проблем преставуваат паркираните возила на десните коловозни лента од двете страни на самата улица и со тоа остануваат по една коловозна лента за возење, и затоа проблемот за решавање на оваа ситуација треба да го бараат токму тука. Значи потребна е постојана интервенција од полициски службеници и веднаш да биде разгледана можноста за проширување на оваа улица со по уште една коловозна лента со што би се отворила можност за максимална проодност на целиот капацитет на возила кои поминуваа на оваа улица. Меѓутоа наместо да размислуваат за вистинскиот начин на решавање на овој проблем, од немање на вистинска идеја се изведува некое квази решение кое реално повеќе не навредува нас чаирчани отколку што реално имаме корист. Петре Шилегов уште еднаш те предупредуваат жителите на Општина Чаир, дека ние ниту сме општина за експеримент, ниту општина за потсмев. Бараме и ние како дел од градот Скопје да бидеме сериозно сватени и разбрани и секоја интервенција во нашата општина да биде во согласност со нашите потреби и барања. Одамна овие жители знаат за вашата неспособност и немањето на идеја за решавање на нашите проблеми, време е да го признаете ова и да не ја барате повеќе поддршката на овие граѓани, подвлекува Велковски.

Велковски: Ќе ги менуваат имињата на улиците, а СДСМ и Шилегов немаат реализирано ниту 10% од тоа што ветија!

Тале Кристо — Sat, 27 Mar 2021 09:30:36 +0000

Сдсм и Шилегов стигнаа за скоро 4 години да реализираат 100% од својата програма и сега имињата дојдоа на ред!? - НЕ ова е само реторички заклучок! Тие немаат реализирано ниту 10% од она што ветија. Нема нови булевари, нема нови паркови, нема почист воздух, нема трамвај, со еден збор нема ништо, реагира претседателот на ОК на ВМРО-ДПМНЕ-Чаир Ѓоко Велковски. Во продолжение интегрално ја пренесуваме целата објава на велковски: На 30.03.2021 ќе се одржи седница на Советот на Град Скопје каде што една од точките од дневниот ред е и точката за промена на имиња на улици во град Скопје. Сдсм и Шилегов стигнаа за скоро 4 години да реализираат 100% од својата програма и сега имињата дојдоа на ред!? - НЕ ова е само реторички заклучок! Тие немаат реализирано ниту 10% од она што ветија. Нема нови булевари, нема нови паркови, нема почист воздух, нема трамвај, со еден збор нема ништо. И сега да се вратиме на улициве, ќе пишувам за Чаир, затоа што одлично ја познавам оваа ситуација. Во Општина Чаир сакаат да менуваат повеќе од 30 имиња на улици и тоа: Крсте Асенов = Дервиш Хима Добри Даскалов = Теки Дервиши Ордан Чопела = Ментаз Алаибегу Перe Тошев = Лек Дукаѓини Аугуст Цесарец = Мехмет Гега Благоја Паровиќ = Исмаил Ќемали Божин Стојков = Имри Елези Војдан Чернодрински = Хоџа Атула Куртиши Ата Стојна Стевкова = Ахмет Хајдари Чаирска = Ремзи Хоџа Втора македонска Бригада = Адем Демачи Вуковарска = 28 ноември Дижонска = 22 ноември Дижонска 13 = Жртвите на Блаце Дижонска 15 = Фаик Коница Дижонска 17 = Адем Микуловци Дижонска 19 = Ѓерасим Ќириази Дижонска 21 = Дервиш Цара Дижонска 23 = Ѓон Бозуку Дижонска 25 = Ласгуш Порадеци Дижонска 1 = Авни Мула Дижонска 7 = Шабан Трстена Дижонска 9 = Ѓерѓ Фишта Јајце = Фадил Бектеши Коста Абрашевиќ = ЛПК (Народно движење за Косово) Кримска = Кралица Теута Лазар Трповски = Неџип Драга Македонска Косовска Бригада = Митхат Фрашери Македонски Кралеви = Неџат Аголи Е сега да дадам статистичка слика за дел од нив: - 90% од овие улици не се асфалтирани и сервисирани повеќе од 30 години - 70% се раскопани и со дупки - 50% немаат атмосферска канализација - 60% пијат вода од цевки кои се стари повеќе од 60 години - 90% се толку тесни поради урбаната мафија што нема простор да се разминат 2 возила И сега на некој си таму, за да потикне некои ниски страсти му текнало, досегашната улица Ордан Чопела, име на улица поставена во 80-тите години од минатиот век, да се вика Ментаз Алаибегу. Кога ќе изгуглате ниту ќе излезе нешто за оваа личност ниту има некоја инфорација за која личност се работи, на интернет пребарувачите нема ништо. Важно нема да биде некое македонско име или некоја личност од историско значење за сите народи во Чаир, ќе биде стрикно АЛБАНСКА личност, не важно што таа личност нема ништо направено за Чаир и Македонија. Они мислат еве за инат на Македонците, ама забораваат дека во Чаир живеат над 2.000 роми, над 1.000 бошњаци, над 3.000 турци и останати помали етнички заедници. Што мислите со промена на над 30 имиња на улици и поставување САМО на албански имиња дека ќе постигнете нешто. Ќе ви дадам одма одговор, НЕ нема да постигнете, и доста со овие ниски страсти, луѓето веќе не ви веруваат, без оглед од која етничка заедница потекнуваме сите ние, сите сакаат подобар живот, сакаат подобро здравство, подобро образование, подобра плата, чисти улици, чист воздух, паркинг простор, безбедна средина за живеење. А промената на име на некоја улица нема ништо да им смени. Единствено што ќе им смени, се помалку пари во нивниот џеб, бидејќи ќе треба да вадат нова лична карта, возачка дозвола, пасош, имотни листови, сите овие работи ќе ги изложува граѓаните на Чаир на финансиски трошок. Ако мислите дека со ова повторно ќе купите 12.000 албански гласови во Чаир сте се излажале. Граѓаните во Чаир од сите етнички заедници сакаат квалитетен живот во средината каде што живеат, а промена на имињата на улиците никогаш нема да им го постигне тоа. Поради се погоре што наведов апелирам до сите советници во град Скопје, да размислат за што гласаат, да ја отфрлат оваа одлука и да седнат да размислат како да го направат животот на граѓаните на Општина Чаир подобар и поквалитетен, пишува Велковски во својата објава.

Велковски: Комисијата за заразни болести и Владата на чело со Оливер и Венко, не превземаат никакви мерки за ставање под контрола на ситуацијата во Чаир

Тале Кристо — Thu, 11 Jun 2020 12:33:23 +0000

Денес повторно се соочуваме со голема бројка на новозаразени од Ковид-19 во Општина Чаир, досега вкупно се заразени дури 209 лица. Надлежните органи за постапување во справувањето со Ковид-19, Комисијата за заразни болести и Владата на чело со Оливер и Венко, не превземаат никакви мерки за спречување и ставање на оваа ситуација по контрола, реагира преку социјалната мрежа на Фејсбук претседателот на ВМРО-ДПМНЕ ОК-ЧАИР и Советник во Општина Чаир, Ѓоко Велковски. Граѓаните на Општина Чаир и денес живеат во страв и грч од опасноста за зараза со корона вирусот. Како жител на оваа општина и актуелен советник, заедно со сите членови на Советничката група на ВМРО-ДПМНЕ во Чаир, ги повикувам надлежните институции, започнувајќи од Комисијата и Владата, па се до надлежната полициска станица Бит Пазар и сите државни инспекции, да започнат со секојдневни и строги контроли на населението, на пазарите, чаршијата и маркетите, и конечно да се стави до знаење кај секој еден од нас дека задолжително е носењето на маски и почитување на другите заштитни мерки. Лицата вклучени во бизнис секторот како што се малските продавници, аптеки, маркети, работилници, занаетчии и останати, задолжително, повторувам задолжително, да ги имаат превземено и постојано да се применуваат сите заштитни мерки и протоколи за работа со странки. Доколку бидат детектурани неправилности, слободно да се казнуваат сите чинители кои предизвикуваат опасност од ширење на овој вирус. Време е Комисијата за заразни болести да постапува согласно фактичката состојба и да не отстапува од својот став, да не чека да соопшти и предложи што ќе им биде наложено од центарот за коминикации на сдсм. Владата итно да донесе дополнителни мерки за Општина Чаир со цел намалување и спречување од ширење на заразата од Ковид-19. Ако вие како институции и овластени лица сте одговорни, а не сте способни тоа да го направите веднаш да си поднесете неотповикливи оставки, порачува Велковски.

Велковски: Одговорност од “партиската“ комисија за заразни болести

Ивана Ефремовски — Wed, 10 Jun 2020 14:00:08 +0000

Општина Чаир секојдневно брои новозаразени од вирусот КОВИД – 19. Се повеќе жители на оваа општина секојдневно се заболуваат и со тоа се зголемува бројот на заразени од корона вирусот. До денес бројот на активни жители од Општина Чаир заразени со КОВИД – 19 изнесува вкупно 192, што ја позиционира оваа општина на убедливото прво место по бројот на активно заболени жители во Македонија, а скоро за три пати повеќе од останатите скопски општини Бутел со 62, Гази Баба со 61 и Аеродром со 57. -Загрижува податокот на кривата на заболени со КОВИД - 19 која секојдневно е во нагорна линија за оваа општина, а Комисијата за заразни болести и Кризниот штаб, а на чело со оваа нестручна и неспремна Влада не превземаат никакви мерки и ниту пак размислуваат за дополнителни и итни активности со цел спречување на ширење на заразата од вирусот. И наместо да се грижат за здравјето на граѓаните, овие три најодговорни тела и иснституции за справување со заразата од вирусот се водат само од своите партиски интереси и како секојдневно да ја спроведат само својата зацртана партиска агенда составена од партискиот лидер на СДСМ, истакна Претседателот на ВМРО-ДПМНЕ ЧАИР и Советник во Општина Чаир, Ѓоко Велковски. -Обвинувањето упатени кон жителите на Општина Чаир и покажување со прст како најодговорни за ширење на заразата и притоа непревземајќи никакви дополнителни мерки и активности, е навистина несериозно и нечовечки кон сите жители на оваа општина и со тоа уште еднаш се покажува дека се врши непотребна поделба и селективно одлучување и делување. Одговроност мора да има, одговорност мора да си понесат главните чинители за непревземањето на никакви активности и мерки за спречување и намалување на ширењето на Ковид -19 во оваа општина. Одговорност од “партиската“ комисија за заразни болести, кризниот штаб формиран само од луѓе блиски до партијата на власт и Министерот за здравство, мора да има, потенцираше и заклучи Ѓоко Велковски.