ѓоко зајков – Kurir.mk

Зајков: Малта има квалитет и не треба да се потцени

Ивона Петрова — Mon, 11 Sep 2023 15:43:53 +0000

Македонската фудбалска репрезентација со ремито во Скопје против Италија ја прекина серијата од три порази во евроквалификациите, а на утрешното гостување во Малта ќе се обиде да ја забележи втората победа во петтиот натпревар во рамки на групата Ц. Централниот дефанзивец Ѓоко Зајков посочи пред утрешниот дуел дека иако противникот е последен на табелата без освоен бод, Малта поседува квалитет и не треба да се потцени. -На натпреварот во вторник треба да одиграме одговорно и сите да го дадеме максимумот, бидејќи Малта не е наивен противник, има доста квалитет и не треба да се потцени, изјави Зајков. Црвено – жолтите на дуелот против Италија одигра подефанзивно, а според Зајков за победа против Малта ќе биде потребна офанзивна игра. -Со Италија беше друг натпревар со квалитетен противник против кој мораш да одиграш подефанзивно. Но, утре ако сакаме да победиме, треба да нападнеме со сите сили, додаде Зајков. Натпреварот во вторник е со почеток од 20:45 часот на Националниот стадиум „Та Кали“.

Фудбалерите пред нов предизвик: Малта не смее да се потцени

Ристе Здравков — Mon, 11 Sep 2023 12:38:42 +0000

Дефанзивецот, Ѓоко Зајков смета дека пристапот треба да биде одговорен и вистински во намерата да победиме против Малта. Македонската репрезентација во Малта денеска ќе го има официјалниот тренинг пред утрешниот квалификациски натпревар за пласман на ЕП 2024 против домашната селекција. „Малта не е наивен противник. Треба да одиграме одговорно и фокусирано. Во денешниот фудбал не постојат аутсајдери. Ни треба вистински пристап и максимален ангажман од сите во тимот”. извор: sportm.mk

Зајков: Не заслуживме пораз од Грузија

Ивана Ефремовски — Sat, 24 Sep 2022 10:54:32 +0000

Македонската фудбалска репрезентација со вчерашниот пораз од Грузија во Тбилиси (2-0) ги загуби шансите за освојување на првото место во групата 4 во Лигата на нации и ќе се обиде в понеделнник во Скопје со триумф над Бугарија со победа да го заврши циклусот во натпреварувањето. Репрезентативниот дефанзивец Ѓоко Зајков сумирајќи ги впечатоците од дуелот во Тбилиси оцени дека Грузијците ги казниле грешките во македонскиот тим, кој незаслужено на крајот претрпел пораз. – Им честитам на Грузијците за победата, иако мислам дека таа беше незаслужена. Доминиравме на терен, но противникот ги искористи шансите. Така е во фудбалот, грешките се составен дел од оваа игра. Штета што ние не ги искористивме нашите шанси, изјави Зајков. – Сега треба против Бугарија да истрчаме со подигнати глави. Не верувам дека ќе имаме психолошки пад на тој натпревар. Нашата цел е три бода, иако тие не ни се важни во овој момент. Против Бугарија ќе биде посебен натпревар, ќе играме за чест и гордост и за да ги израдуваме нашите навивачи со нова победа, додаде македонскиот дефанзивец. Дуелот против Бугарија е в понеделник на Националната арена „Тодор Проески“ со почеток во 20:45 часот. (МИА)

Македонскиот репрезентативец Зајков е во Украина, чека можност да ја напушти земјата

Ивона Петрова — Thu, 24 Feb 2022 11:27:47 +0000

Македонскиот фудбалски репрезентативец, Ѓоко Зајков кој е член на укранска Ворскла е безбеден по руската инвазија на Украина. Стоперот овој јануари ја засили Ворскла по заминувањето од Софија, а во изјава за ФФМ, потврди дека е на безбедно и дека со организиран транспорот наскоро ќе ја напушти Украина. -Градот Полтава каде што се наоѓаме не беше цел на напад. Во овој момент сме безбедни. Од клубот има најава за странците, кои сме тука да се организира превоз со мини бус и евентуално да бидеме спроведени до некоја граница. Но, мора да се создадат услови. Во моментот воздушниот простор е затворен, а нема ниту возови. Ги чекаме инструкциите од клубот. Во градот моментално работат само маркети и многу мал број на ресторани. Доколку има некои нови информации ќе се обидам да пренесам, изјави Зајков за ФФМ.

МАКЕДОНСКИОТ РЕПРЕЗЕНТАТИВЕЦ МОРА ДА ЈА НАПУШТИ УКРАИНА – фудбалерот пред само неколку недели потпиша, но МНР апелира да си дојде

Дарко Андоновски — Fri, 11 Feb 2022 19:48:37 +0000

Ѓоко Зајков како што стојат работите ќе мора да ја напушти Ворскла од Украина. Македонскиот репрезентативец потпиша за овој тим пред само неколку недели, а сега изгледа ќе треба да си замине. Имено, Минстерството за надворешни работи на Македонија ги повика сите македонски граѓани кои се во можност во најскоро време да ја напуштат Украина. Причина е ситуацијата помеѓу оваа земја и Русија која е загрижувачка. „Сите државјани на Северна Македонија кои во претстојниот период планирале посета на Украина, да избегнуваат патувања во земјата; дополнително, сите наши државјани кои сега се наоѓаат во Украина, доколку имаат можност, во најскоро време да ја напуштат земјата“, велат од МНР. Така Зајков ако ги почитува препораките ќе треба да бара нова средина.

Ѓоко Зајков потпиша за Левски од Софија

Бошко Тасиќ — Mon, 16 Aug 2021 19:03:02 +0000

Бугарскиот фудбалски тим на Левски од Софија го реализира најавуваниот трансфер на македонски дефанзивец и потпиша договор со актуелниот македонски фудбалски репрезентативец . 26-годишниот Зајков се раздели со Шарлроа каде не шанса,па се пресели во бугарскиот шампионат. Македонецот и Левски потпишаа едногодишен договор и тој му се стави на располагање на клубот.