ѓоковиќ – Kurir.mk

Јубилејна 300-та победа на Ѓоковиќ на гренд-слем турнирите

Тале Кристо — Sun, 14 Feb 2021 17:42:17 +0000

Светскиот тенисер број 1 Новак Ѓоковиќ ја забележа јубилејната 300-та победа во кариерата на гренд-слем турнирите, совладувајќи го денеска во осминафиналето на Австралија Опен, Милош Раониќ, со 3:1 (7:6, 4:6, 6:1, 6:4). Српскиот тенисер обезбеди пласман во четвртфиналето на грен-слем турнирот во Мелбурн за два часа и 56 минути игра против 14-то рангираниот Канаѓанец на АТП листата. Ѓоковиќ за пласман во полуфиналето ќе игра против Германецот Александар Зверев, кој претходно денеска со максимални 3:0 во сетови го совлада сонародникот на Ѓоковиќ, Душан Лајовиќ.

Медведев преку Ѓоковиќ до полуфиналето на АТП турнирот во Лондон

Тале Кристо — Thu, 19 Nov 2020 07:17:18 +0000

Рускиот тенисер Данил Медведев го победи Србинот Новак Ѓоковиќ и се пласираше во полуфиналето на АТП-завршниот турнир во Лондон. Во меч што траеше еден час и 22 минути, Русинот ги доби двата сета со по 6:3. Негов ривал во следната рунда ќе биде или Шпанецот Рафаел Надал, или Гркот Стефанос Циципас. Утре Медведев ќе игра против Аргентинецот Диего Шварцман во последниот натпревар од групната фаза. Табела А-група: Медведев 2-0 (победи-порази), Ѓоковиќ 1-1, Александер Зверев 1-1 и Шварцман 0-2. Табела Б-група: Доминик Тим 2-0, Надал 1-1, Циципас 1-1, Рублев 0-2.

Надал го совлада Ѓоковиќ и по 13.пат го освои Ролан Гарос

Тале Кристо — Sun, 11 Oct 2020 17:40:25 +0000

Шпанецот Рафаел Надал го победи Новак Ѓokоковиќ со 3-0, по сетови 6:0, 6:2 и 7:5 во финалето на Грен слемот Ролан Гарос. За Надал ова е 13 трофеј во Париз од неговото неговото во 2005 година, соборувајќи го сопствениот рекорд. Триесет и четиригодишниот Шпанец ја освои 20. Грен слем титула, израмнувајќи го рекордот на Роџер Федерер. Финалето траеше два часа и 43 минути. Покрај тоа, Надал ја намали разликата во меѓусебните средби со српскиот тенисер на 27:29 (18:7 на земја, 7:1 на Ролан Гарос). Наградниот фонд на Грен слемот во Париз изнесуваше 38 милиони евра.

Надал за пензионирањето и ривалството со Ѓоковиќ: Не сум опседнат

Тале Кристо — Sun, 11 Oct 2020 10:27:44 +0000

Рафаел Надал зборуваше пред „Газета дело Спорт“ за Новак Ѓоковиќ, Федерер, пензионирањето … Двајцата ќе играат во финалето на Ролан Гарос денеска од 15 часот. Надал игра за 13. титула на овој турнир, додека Ѓоковиќ го брка 18-от Гренд-слем трофј и влогот е навистина голем, за што зборуваше Надал за „Газета“. – Ќе видиме што ќе се случи и дали тој ќе ме стигне, Новак има 17 Гренд-слем титули … Јас не сум опседнат, навистина. Отсекогаш сум го следел мојот пат и среќен сум каде оди мојата кариера. Не ми е гајле дали ќе бидам подобар од Роџер или не. Ќе продолжам да ја работам својата работа и да играм најдобар можен тенис. Мојата иднина е во академијата што ја започнав, мојот личен проект, рече Надал.

Федерер ќе го пропушти остатокот од сезоната, Ѓоковиќ размислува да не оди на УС опен

Тале Кристо — Wed, 10 Jun 2020 07:44:39 +0000

Швајцарскиот тенисер Роџер Федерер најави дека нема да настапи во 2020 година. – Драги обожаватели, се надевам дека сте здрави и безбедни. Пред неколку недели, кога наидов на проблеми, за време на закрепнувањето, морав да претрпам дополнителна артроскопска процедура на десното колено, напиша Швајцарецот на Твитер. Тоа значи дека Федерер најверојатно нема да игра цела година, додека српскиот тенисер и прв светски рекет Новак Ѓоковиќ јасно стави до знаење дека може да го пропушти УС Опен. – Повеќето играчи со кои разговарав се доста негативни во врска со можноста да одат таму. За мене, најверојатно, во тековната ситуација, сезоната ќе продолжи во септември, соопшти Ѓоковиќ. Во моментот, стартот на УС Опен е закажан за 31 август. Тениската асоцијација на САД следната недела треба да донесе одлука за нејзиното одржување. Во исто време, тенисерите ќе треба да бидат ставени во карантин 14 дена по пристигнувањето во земјата. Исто така, како резултат на состојбата со коронавирус, пристапот до терените ќе биде ограничен. Претходно почетокот на Грен слемот „Ролан Гарос“ беше одложен за септември.

Федерер ја призна доминацијата на Ѓоковиќ во последните години

Тале Кристо — Tue, 26 May 2020 14:34:28 +0000

Дваесеткратниот победник на Грен слем турнирите, Роџер Федерер изјави дека Новак Ѓоковиќ е најдобриот тенисер во последните години. – Последните години се ера на Ѓоковиќ. Освен „Ролан Гарос“, затоа што таму владее Надал. Кога ќе погледнете наназад и гледате дека 4,5 – 5 години што не сум победил на Грен слем, луѓето скоро ми звучат како да играв ужасно. Имав тешка година во 2013 година со многу болки во грбот од Индијан Велс во текот на целото лето. Мислам дека успеав да продолжам затоа што верував дека сум многу добар и имав добар тим и никогаш не изгубив мотивација, изјави Федерер. Швајцарецот има освоено рекордни 20 Грен слем титули, додека Ѓоковиќ 17.

Ѓоковиќ ја одведе Србија во финалето на АТП Купот

Тале Кристо — Sat, 11 Jan 2020 08:23:34 +0000

Србија е првиот финалист на АТП Купот по победата од 3-0 над Русија. Новак Ѓоковиќ го победи Данил Медведев во еден од најдраматичните и најубавите натпревари во три сета во последните години. Светскиот број 2 победи против Русинот со 6-1, 5-7, 6-4 по скоро три часа игра. Натпреварот во двојки на тој начин беше ирелевантен, откако Душан Лајовиќ, во првиот натпревар го изненади и го совлада Карен Хачанов со 7-5, 7-6 (1), со што и даде предност на Србија. Потоа тандемот Троицки / Чачиќ ги победи своите противници Габашвили / Кравчук со 6-4, 7-6 (7). Во финалето „плавите“ ќе се сретнат со победникот од дуелот Австралија – Шпанија. Натпреварот меѓу нив започнува подоцна.

Ѓоковиќ го освои Мастерсот во Париз

Тале Кристо — Sun, 03 Nov 2019 16:04:33 +0000

Првиот рекет на светот, Србинот Новак Ѓоковиќ го победи Канаѓанецот Денис Шаповалов со 2-0, по сетови 6:3 и 6:4, во финалниот натпревар на АТП турнирот во Париз, Франција. Мечот траеше еден час и осум минути. Дваесетгодишниот Шаповалов стигна до финалето на турнирот, откако неговиот ривал Рафаел Надал го предаде вчерашното полуфинале поради повреда. Мастерс турнирот „Ролекс“ во Париз се играше за награден фонд 5,2 милиони евра.

Новинар со жестоки навреди кон Ѓоковиќ: Ти си никој и ништо, за пет години никој нема да се сеќава на тебе

Дарко Андоновски — Sun, 30 Jun 2019 11:57:14 +0000

Во пресрет на Вимблдон, новинарот од Нов Зеланд, Марк Ризон се впушти со жестоки навреди за српскиот тенисер Новак Ѓоковиќ. Новинарот кој и претходно често го критикуваше и омаловажуваше Ѓоковиќ, во најновата колумна се чини ги надмина сите граници… „Се што има во врска со него е погрешно… Погледнете ја фризурата, личи на кукла како тукушто да пристигнал од војска. Дали нешто менувал во последните десет години? А погледнете му ја гардеробата. Прекарот Ноле некогаш помислувате дека значи дека нема стил (Nostyle). Изгледа како момче кое тргнува во прво одделение“ – почнува Ризон во својата колумна најпрво околу физичкиот изглед на Ѓоковиќ, а потоа се осврнува на неговите емоции… „Кога го совлада Надал на Австралија опен беше како машина. Тоа беше една од неговите најдобри партии, но во него немаше никаков жар. Ладен впечаток што беше разочарувачко за цела Австралија. Тоа во Австралија не смее да се случи. Тој никогаш нема да биде најдобриот кој ќе го паметат. Сигурен сум дека за пет години никој нема да го памети Ѓоковиќ, затоа што е никој и ништо. Незабележителен“ – пишува новозеландскиот новинар. Српскиот тенисер утре го почнува својот нов пат на Вимблдон со мечот против Филип Колшрајбер. Извор: Екипа.мк

Ѓоковиќ: Надал и Федерер се најдобри во историјата на тенисот

Дарко Андоновски — Sat, 08 Jun 2019 09:59:13 +0000

Српскиот тенисер Новак Ѓоковиќ изјави дека е задоволен од фактот дека Рафаел Надал и Роџер Федерер, како и самиот тој, стигнале до полуфиналето на „Ролан Гарос“. – Секој пат е различно. Стануваме постари, но сепак можеме да покажеме добар тенис на најголемите турнири. Тоа е одлично. И очигледно овие момци – Надал и Федерер се несомнено најголеми легенди во тенисот и најдобри играчи во историјата. Среќен сум што ќе натпреварувам со нив, рече Новак Ѓоковиќ. Рафаел Надал се квалификуваше за финалето на Ролан Гарос, по успехот на Федерер, и за Ѓоковиќ денеска претстои да го одигра својот полуфинален судир со Доминик Тим.