Ѓоргија Сајкоски – Kurir.mk

Сајкоски: Историјата на Македонија не може да биде предмет на договор на некоја комисија

Катерина Бојаџиева — Wed, 11 Oct 2023 11:59:13 +0000

Ова е значаен датум, бидејќи на 11 октомври 1941 година партизанскиот одред од 16 луѓе во Прилеп ја нападна полициската станица, го нападна затворот, ги нападна и ги прекина телефонските и електричните врски и со тоа нанесе силен удар на бугарскиот фашистички окупатор и со тоа фактички во Македонија се одбележува денот кога започна македонското народно востание, востанието за самостојност, за посебност, востанието кое беше континуитет на долгата борба на македонскиот народ уште од периодот на формирањето на македонската револуционерна организација, рече Ѓоргија Сајкоски, генерален секретар на ВМРО-ДПМНЕ на денешната дебата насловена како „Образовни процеси-мост од историјата кон иднината“ која е во рамки на кампањата на ВМРО-ДПМНЕ „Важно е! Од тебе зависат промените“. Затоа, додаде Сајкоски, ова е најзначаен датум, бидејќи македонскиот народ и граѓаните на Македонија во долгиот континуитет на борба успеаја да ја донесат слободата, да ја никнат македонската држава. „Овој датум е значаен зошто ни е и вековен и милениумски аманет за да ги споменуваме борците, жртвите, и за да се потсетуваме како сме ја добиле слободата, државата и како треба да ја браниме и градиме државата сега. И нашето Кичево е револуционерен град. Кичево е град кој е прв ослободен на 11 септември во 1943 година, Кичево е најпркосен град и во Илинден и во НОБ“, кажа Сајкоски. Сајкоски укажа дека историјата не може да биде предмет на било какви преговори и договори во комисии и слично. „Денес кога зборуваме за историјата сакаме да кажеме дека историјата не може да биде предмет на договор на некоја комисија. Историјата се фактите, историјата се жртвите, историјата се сведоштвата, историјата ни е културниот идентитет со кој се поистоветуваме. Ние кога зборуваме за историја зборуваме за археологијата, фактите, документите, затоа ние не можеме да се откажеме од историјата“, изјави Сајкоски. Според Сајкоски многу е јасно дека не може други да ни ја креираат историјата, затоа што историјата е исцртана и во светски рамки. „Нашиот народ се дефинираше во 1941 година, и нашата страна е да имаме слободна, суверена Македонија, да имаме Македонија каде суверенитетот нема да биде нападнат од комисија која ни ги креира учебниците, треба ние сами да си работиме на учебници, да си го дефинираме образовниот процес и како што ја почнавме битката така денес треба да се бориме за посебноста на Македонија“, заклучи Сајкоски.

Сајкоски: ВМРО-ДПМНЕ ќе ја порази СДСМ и ќе покаже дека секој што сторил криминал ќе одговара!

Ивана Ефремовски — Fri, 29 Sep 2023 17:28:41 +0000

28 милијарди евра потроши оваа Влада, а за возврат нема ниту еден проект, проект по кој ќе се препознае оваа Влада, рече Ѓоргија Сајкоски, генерален секретар на ВМРО-ДПМНЕ на гостување во емисијата „За или против“ што се емитува на телевизија Алфа. „Следната влада предводена од ВМРО-ДПМНЕ има волја да се бори против криминал, да се почитува правото онака како што заслужуваат граѓаните за да има правна и економска сигурност. Само така ќе го задржиме луѓето кои се тука, а да оставиме простор и тие штоп заминале да се вратат. Малку е потребно за бнапредок и за функционирање на правна држава и да има судство и обвинителство какво што е потребно“, рече Сајкоски. Говорејќи за законот за амнестија, Сајкоски посочи дека кога е во прашање овој закон тешко може да се оправда. „Со последните закони закони правиме дополнителен сомнеж за правосудниот систем. Иако се донесоа и измени на КЗ и се обидуваат да го протуркаат оној за амнестија следната влада на ВМРО-ДПМНЕ нема да дозволи тие што се огрешиле да одговараат пред правосудните органи“, кажа Сајкоски. Во однос на уставните промени Сајкоски посочи дека притосоци има за уставни промени, но единството е поголемо. „Со секој нов притисок само се зголемува единството во партијата, пратеничката група“, рече Сајкоски кој посочи дека и по нападите од претходниот партиски претседател единството е поголемо од кога и да е. „Има највисок степен на единство во ВМРО-ДПМНЕ, лидерот Христијан Мицкоски ја има поддршката, а граѓаните го препознааваат како иден премиер. Поддршката ја гледаме секојдневно кога сме меѓу граѓаните“, кажа Сајкоски. Според Сајкоски планот на партијата сега е да биде меѓу членовите. „Сакаме да ги слушнеме сите граѓани и во програмата да бидат вклучени идеите и барањата на граѓаните“, вели Сајкоски. Сајкоски се осврна и на случувањата во СДСМ особено по фотографијата каде се актуелниот и поранешен претсеадтел на партија. „Така на купче како што се обрале така ќе ги поразиме и ќе покажеме дека треба да одговараат за се што сториле“, вели Сајкоски.

Сајкоски: Законот за амнестија не носи ништо добро за државата, само ќе предизвика дополнителна штета за целото општество

Ивана Ефремовски — Fri, 29 Sep 2023 17:15:52 +0000

Ѓоргија Сајкоски, генерален секретар на ВМРО-ДПМНЕ и пратеник во Собранието во своето гостување во емисијата „За или против“ зборуваше за Законот за амнестија каде потенцираше дека овој закон доаѓа пред избори и дека станува збор за еден штетен закон кој не носи ништо добро за државата. Имено тој додаде дека овој закон ќе донесе дополнителна штета за целото општество. -Предлог законот за амнестија не е доставен сеуште до Собранието. Она што го слушаме во јавноста и она што го слушавме од страна на министерот, тоа се информациите кои што ги имаме за предлог законот за амнестија. Но, можам да кажам дека овој предлог закон за амнестија доаѓа пред избори, за неколку месеци од денес ќе има избори и мислам дека тој е еден штетен закон кој што не носи ништо добро на државата затоа што на ваков начин ние како држава покажуваме дека неправдата треба да стапи на сцена и дека во нашата држава фактички со законот и претходно со Кривичниот законик и со овој закон за амнестија ние покажуваме дека нефункционалноста на правдата, нефункционалноста на судскиот систем и севкупно што ни се случува во државата се пресликува со носење на нови законски решенија кои што се многу лоши и кои што ќе донесат дополнителна штета за целото општество, рече Сајкоски. Сајкоски во текот на своето гостување потсети каква е состојбата во државата односно дека има тотална нефукционалност во државата и тоа треба што побрзо да се смени. -Имајќи во предвид дека во нашата држава во изминатиов период ние гледаме дека ние имаме разградување на државата, имаме разградување на системот, имаме разградување и руинирање на голем број институции-стануваат нефункционални, имаме институции исто како да не постојат во нашата држава, имаме зголемен степен на криминал и корупција, имаме тотална нефукционалност во нашата држава што мора што побрзо да се смени. Јас ако се прашувам требало да се смени и вчера, и вчера беше доцна меѓутоа мора на денот на изборите да бидеме активни и до денот на изборите и на таков начин да дадеме шанса на нашата држава за да може да оди напред, вели тој. Сајкоски порача дека пратеничката група на ВМРО-ДПМНЕ ќе го разгледа законот за амнестија, ќе дискутира и ќе направи се за да овој законско решение не помине. -Со сите средства пратеничката група на ВМРО-ДПМНЕ и ќе направи се неказнивоста да не биде принцип во нашата држава, бидејќи со ваквите законски решенија ние ја донесовме неказнивоста да биде принцип во нашата држава и даваме можност на секој да прави криминали, да корумпира и да го разградува нашето општество. Ние како пратеничка група ќе го разгледаме првично законот, ќе дискутираме во пратеничката група и ќе направиме се за да може ова законско решение да не помине, порача Сајкоски.

Сајкоски: Новите министри се статисти, а реконструкцијата на Владата е само за да се спаси Ковачевски да не излезе на избори

Ивана Ефремовски — Fri, 24 Feb 2023 16:33:31 +0000

„Наместо да имаме избор и да имаме предлог за избор за министер за правда, здравство, администрација, животна средина и просторно планирање ние имаме стара претстава на театарот предводен од Ковачевски и Ахмети кои и по реконструкцијата на оваа претстава ќе продолжи по истото она сценарио со нови глумци кои ќе ги предводат министерствата, а од кои нема да зависи ништо. Новите министри се нови статисти во старата претстава и се статисти во оваа неуспешна Влада која не успеа ништо да направи во изминатите пет и пол години“, рече пратеникот од редовите на ВМРО-ДПМНЕ, Ѓоргија Сајкоски на денешната собраниска седница. Тој додаде дека овие нови министри се статисти и тие ќе останат како статисти следните девет месеци или година во оваа Влада бидејќи ќе немаат можност да се искажат во она што го знаат, ниту да сработат нешто плус а можеби и некој од нив можеби и толку можат и толку и знаат. „Оваа реконструкција на Влада е само можност за Ковачевски да се спаси за да не оди на избори месец, два, три или ден за да остане плус на власт за да може да овозможи простор на неговите соработници, министрите, директорите да ги доруинираат институциите, да ги дозатворат министерствата, да ги дозапрат проектите кои се почнати наназад е за тоа е оваа Влада“, кажа Сајкоски. Сајкоски посочи дека со оваа реконструкција нема ништо што може да донесе добро ни за стопанството, ни за граѓаните на Република Македонија. Со изборот на оваа Влада ќе продолжи она каде што запре старата Влада и нема да се работи ништо. „Оваа Влада предводена од СДСМ и ДУИ секогаш во минатото во овие 5 години не убедуваше дека ние одиме чекор напред, но кога ќе погледнеме секогаш кога ќе не убедуваат дека одиме чекор напред ние веќе сме вратени 3 чекори назад. Оваа Влада не враќаше 3 чекори наназад изминативе пет години со се, во секој сегмент на општественото живеење и за се што зборуваа се беше навистина, се што ветија беше невистина, се што кажаа беше невистина изминатите пет ипол години“, потенцираше Сајкоски. Тој е дециден дека новите лица за една година пред редовни избори нема драстично како да ја подобрат владината слика ни за успешност, а немаат ниту план и стратегија.

Сајкоски: Уценување не е патот кон ЕУ, власта се уште има време да се премисли и да каже НЕ за македонска асимилација, НЕ за прекројување на македонската историја

Ристе Здравков — Fri, 15 Jul 2022 18:51:34 +0000

Сакам да се обратам до пратениците од владејачкото мнозинство, до премиерот и да ви укажам дека сега е моментот да кажете НЕ. Сега е моментот кога целата македонска јавност е обединета и кажува НЕ. НЕ за македонска асимилација, НЕ за прекројување на македонската историја, НЕ за бришење на македонскиот народ, НЕ за уценување што го прават соседите, изјави пратеникот од ВМРО-ДПМНЕ, Ѓорѓија Сајкоски на денешната собраниска седница. Сајкоски го повика Ковачевски да каже НЕ како што кажа и првиот пат кога рече дека францускиот предлог е лош и пред само еден месец го оцени дека е недостоинсвен и дека не носи добро за Македонија - Меѓутоа не знам од кои причини се премисли и го донесе тука и во Собранието иако можеше Ова е пракса на штетни договори што ги прави владата на СДСМ. Но исто така морам да потенцирам дека пред неколку години не убедуваа дека датумот за преговори е добиен, дека влеговме во ЕУ, па се правеа и прослави, се славеше во авиони и јахти, и денеска пак се зборува дека треба да влеземе во ЕУ. Сите сме за ЕУ, првата позитивна препорака за ЕУ, Македонија ја доби во 2009 година кога ВМРО-ДПМНЕ беше на власт. И денес ние викаме дека сме за ЕУ, но за ЕУ каде има еднакви принципи, каде се вреднуваме исто, без понижувања, без асимилација, и без потклекнување, истакна Сајкоски. Тој посочи дека ниту една друга власт во ниту една земја не би се оградила од своите малцинства во соседните земји, како што власта денес го прави тоа. - А и покрај сите отстапки и овој катастрофален договор, најкатастрофалниот предлог, ние не одиме напред. Кога се разговара за дали ние ќе ги искинеме фактите кои постојат и ги чуваат архивите? Дали ние ќе се откажеме од тие факти? Еве пред мене документ од 1899 година каде што напите Македонци кои работеле во Бугарија имале свои здруженија, свои посебни македонски здруженија. Тие кажале дека Македонците се декларираат како Македонци со свои здруженија и комуницираат на македонски јазик, изјави Сајкоски. Тој нагласи дека денес власта сака да го наруши континуитетот, се разговара за работи до поред 100 години за кои има пишани документи. - Овој документ не е измислен туку е оригинален пронајден во архив во Бугарија каде Македонците сами кажуваат дека се Македонци Зошто се влегува во замката да се скрати нашиот континуитет и да се остави простор дека постоиме од 1945 година. Ова досега не било европска ниту светска пракса, ниту пракса некој што во минатото некој го имал да се негира цел народ кој има пишана историја. Ако се негираме на ваков начин и ова уценување и условување не е патот кон ЕУ. Та треба да се принципи, и да се бориме дека секој има право да се бори за својата припадност, потенцираше Сајкоски.

Сајкоски, Стојаноски и Андоновска: Без сомнение наредните избори победуваме со голема разлика

Ристе Здравков — Wed, 30 Mar 2022 18:53:24 +0000

Одржавме конститутивна седница на Општинскиот Комитет, со истата раководеше Генералниот секретар на ВМРО - ДПМНЕ, Ѓорѓија Сајкоски, а присуствуваше и членот на ИК на ВМРО - ДПМНЕ, Марија Андоновска, напиша на Фејсбук пратеникот од редовите на ВМРО-ДПМНЕ, Бојан Стојаноски. Ова е победнички тим кој знае, умее и може да направи промени. Без сомневање на наредните избори кога и да се одржат ќе победиме со уште поголема разлика. Општинскиот Комитет Ѓорче Петров бил и ќе остане бастион на ВМРО - ДПМНЕ и бастион на Република Македонија. Убеден сум дека овој тим ќе ја направи разликата и заедно во коалиција со народот ќе ставиме крај на владеењето на СДСМ и ДУИ. Да живее Република Македонија! Истакна Стојаноски.

Сајкоски: Задоволни сме од досегашната работа на градоначалниците, реализирани се над 1000 проекти во сите сфери

Ристе Здравков — Sun, 13 Feb 2022 15:22:06 +0000

Денеска го презентираме отчеток за сработеното на градоначалниците на ВМРО-ДПМНЕ за изминатите 100 дена, под мотото „Промени што носат иднина“. Отчетот претставува целисходно претставување на сите градоначалници кои што се од ВМРО-ДПМНЕ за она што сработиле, но и за она што затекнале во општините, вели Генералниот секретар на ВМРО-ДПМНЕ Горѓија Сајкоски во интервју за дневникот на ТВ Телма. За таа цел денеска беше организирана панел дискусија за она што затекнаа градоначалниците во своите општини, но беа организирани и панел дискусии за европските пракси кои што можат да помогнат во работата на локалната самоуправа, како и за учеството на младите во локалната самоуправа и нивното ангажирање за да може да донесат развој во самите општина, меѓутоа и да придонесат со своите идеи и размислување, потенцираше тој. Сајкоски потенцираше дека се задоволни од досегашната реализација на проектите на градоначалниците од ВМРО-ДПМНЕ и додаде дека за 100 дена се реализирани над 1000 проекти во сите сфери. Од досегашната работа на општините резултатите на општините сме задоволни и можам да констатирам дека во изминатите 100 дена се реализирани над 1000 проекти, од кои 160 се капитални проекти, 200 проекти се однесуваат на патна инфраструктура, и дел на пешачки стази, дел на реконструкција на локални патишта. Во делот на образованието се реализирани 60 проекти, реализирани се 200 проекти во делот на комунална инфраструктура, фекална канализациона и водоводна мрежа и на сето она што значи подобрување на животот на граѓаните општините. Се работи посветено и секојдневно, истакна Сајкоски.

Сајкоски од Битола: Граѓаните на локалните избори ќе ја казнат неспособноста, негрижата и лагите на владата на СДСМ

Катерина Бојаџиева — Mon, 12 Jul 2021 20:14:07 +0000

Власта излажа многу работи, меѓу кои оџакот кој требаше да биде изграден на РЕК Битола за кој излажаа, кажуваа дека ќе има реконструкција на РЕК Битола сега велат дека ќе го затворат, во Битола требаше исто да се направи подобра инфраструктура, имаше и ветувања дека ќе се подобрат влезовите на градот, како и дека ќе биде изграден магистралниот град Градско-Прилеп-Битола за европска Битола, но од сето тоа во изминативе четири години не видовме ништо, вели Генералниот секретар на ВМРО-ДПМНЕ Ѓоргија Сајкоски вечерва на трибина во Битола. Сајкоски, пред битолчани спомена дека ниту даденото ветување за изградба на Клинички центар во Битола актуелната влада не го реализирала, укажувајќи дека нивната неспособност, негрижа и неработа резултирала со починати 5.600 граѓани или како што рече тој еден град во Македонија помалку. За Битола, сегашната власт вети и други проекти кои што се однесуваат на здравството, но ние видовме како тие работат во делот на здравствениот сектор бидејќи нивната негрижа доведе ние да имаме еден град помалку во Македонија односно 5.600 луѓе помалку денес и тоа само поради нивната негрижа. Тоа е резултат за нивната неработа, а ветуваа тука дека ќе направат Клинички центар во Битола, вели Сајкоски. Сајкоски истакна дека ваквото владеење на владата на СДСМ може да се казни на следните локални избори. Ваквата власт мора и може да се казни само на избори, затоа заеднички вие, ние и сите заедно на следните локални избори ќе донесеме победа и тука во Битола и победа во Македонија, порача тој.