ѓорѓи галетановски – Kurir.mk

Директорот на Зоолошка градина си поднесе оставка

Катерина Бојаџиева — Mon, 13 Dec 2021 13:36:22 +0000

Директорот на скопската Зоолошка градина, Ѓорги Галетановски поднесе оставка од работното место. За оставката, тој информираше на неговиот Фејсбук профил. -Другарки и другари, сакам да ве известам дека денес поднесувам оставка од работното место директор на Зоо Скопје. Во изминатите три и пол години успеавме рекордно да ја зголемиме посетеноста, да ги изработиме сите проекти кои ги ветивме, донесовме многу нови животни за првпат во нашата држава, а децата добија омилено место за секојдневни прошетки. Зоолошка градина Скопје стана најпосетена институција во државата, го отворивме и најзелениот Дино Парк со најмногу диносауруси на Балканот со преку 400 дрва и садници. Успеавме да средиме делови од градината кои со години не биле санирани, ги исчистивме езерата после 13 години, ја отворивме Бејби Зоо и направивме живеалишта за фламинга и пингвини по светски стандарди. Организиравме многу хуманитарни акции, помагавме секаде каде што можевме и тоа беше нашата најголема сатисфакција за успех. Зоо Скопје стана прва дигитализирана зоолошка на Балканот, со своја апликација и онлајн продажба на билети. Им благодарам на довербата што ми ја укажа екс градоначалникот Петре Шилегов , на сите медиуми, спонзори, донатори, здружениjа за животни, а највеќе на вработените во Зоо Скопје кои ги сакам како мое семејство и со чија помош успеавме да дојдеме на чекор до членство во ЕАЗА (Европска асоцијација на зоолошки и аквариуми). Се надевам дека зоолошката ќе продоложи да се развива и да се прават нови проекти со кои ќе се продолжи успехот на оваа институција. Јас денес се враќам на улица, достапен во секое време да придонесам за подобра иднина на државата и младите. Ви благодарам од срце. Ѓ. Галетановски, пишува тој на Фејсбук.

ВМРО-ДПМНЕ ги осудува мизогинијата и говорот на омраза на директорот на Шилегов, Галетановски

Магдалена Андонова — Mon, 30 Aug 2021 09:50:48 +0000

ВМРО-ДПМНЕ го осудува говорот на омраза и мизогинијата на директорот на Шилегов, Галетановски. Истовремено ќе ги известиме сите претставници на меѓународната заедница. - Мизогинијата на Галетановски е недозволива за демократско општество во 21 век и е одраз на стравот од пораз на Шилегов. Паниката и нервозата на Галетановски е одлика на Шилегов кој знае дека губи. Четири години Шилегов нема ништо направено за Скопје. Нема капитални проекти, ништо од ветеното не е реализирано. Шилегов и Галетановски се неработници. Шилегов и Галетановски паѓаат на избори, велат од партијата.

Нервозата расте: Директорот на Шилегов, Галетановски со мизогамија и брутален говор на омраза кон Данела Арсовска (ФОТО)

Дарко Андоновски — Mon, 30 Aug 2021 08:19:57 +0000

Директорот на скопската Зоолошка градина Ѓорѓи Галетановски преку својот Фејсбук профил шири говор на омраза кон идната кандидатка за градоначалник на градот Скопје Данела Арсовска. Имено не престануваат негативните коментари по објавувањето на поддршката од страна на најголемата опозициска партија ВМРО-ДПМНЕ за независната кандидатка Арсовска. Со таков коментар се јави и директорот на скопската зоолошка, Ѓорѓи Галетановски кој многу ниско и со непристоен речник „се пошегува“ за кандидатурата на Арсовска. Овој брутален говор на омраза не доликува на човек којшто извршува јавна функција која треба да биде во интерес на граѓаните. Во продолжение може да видите за што станува збор:

Функционерите на СДСМ амнестирани од одговорност, тие може да навиваат од трибини?!

Ивана Ефремовски — Tue, 16 Mar 2021 19:26:33 +0000

Ѓорѓи Галетановски диpектоpот на Зоолошката гpaдина и уште неколку функционери на СДСМ и покрај забраните и протоколите присуствуваа на натпреварот Македонија-Данска. Галетановски се правда дека добил покана од Ракоментната Федерацијата. Федерацијата, пак, тврди дека немало никакви покани. Филип Милошовски, Генерален секретар на РФМ се огради од било каква покана. „Не можеме да лоцираме вина бидејќи Федерацијата постапила како што треба поканила гости како што има право јас сум бил поканет по покана на федерацијата како дел од менаџмент тим за кој што имам и догоовр важечки“, изјави Ѓорѓи Галетановски директор на Зоолошка градина. Согласно протоколите за присуство на спортски натпревари гости не треба да присуствуваат и додека функционерите тврдат дека биле гости на Ракометната Федерација од Федерацијата негираат дека испратиле било какви покани. „Јас како Генерален секретар на РФМ се оградувам од упатувањето на било каква покана“, изјави Филип Милошовски генерален секретар на РФМ. И по неколку изминати денови од настанот се уште не се знае дали функционерите на СДСМ се амнестирани од одговорност или ќе бидат соодветно санкционирани?

„Ме имаше на списокот од МВР“: Галетановски објасни зошто имал “привилегија“ да присуствува на натпреварот Македонија-Данска

Ивана Ефремовски — Sat, 13 Mar 2021 10:23:35 +0000

Директорот на Зоолошка градина Скопје, Ѓорѓи Галетановски, по повод вчерашните случувања околу неговото присуство на ракометниот натпревар Македонија- Данска, денес се огласи со изјава за медиумите. „Почитувани медиуми, должен сум да ве известам што се случуваше во текот на изминатите два дена. Во текот на вчерашниот ден бев прозван од неколку лажни Твитер профили, а потоа веста за наводно прекршување на Ковид протоколите се прошири и по медиумите, по што бев повикан да дадам изјава во полициската станица Карпош. Како што изјавив таму, сакам и овде да кажам дека на ракометниот натпревар завчера присуствував како дел на менаџментот на РК Спартак од Кисела Вода, на покана на македонската ракометна федерација. Бев запишан на списокот пред салата, кој бил предаден до МВР еден ден пред натпреварот, а кога стигнав на врата, уредно бев сместен во салата според сите протоколи. Свесно и одговорно тврдам дека јас лично не прекршив ниту еден протокол и доколку обвинителството пронајде вина во некоја моја постапка, повикувам да постапи според законот“, истакна Ѓорѓи Галетановски.

Народот нема за леб, а директорот на ЗОО Скопје со очила од 1400 долари држи говор пред Шилегов

Ивана Ефремовски — Thu, 11 Jun 2020 14:34:08 +0000

Ѓорѓи Галетановски кој од СДСМ беше поставен за доректор на скопската зоолошка градина, за разлика од голем број на граѓани, не ја почувствувал кризата со коронавирусот. Додека народот осиромаши, остана без работа или средства за егзистениција, Галетановски денес се пофали со очила кои чинат над 1400 долари. Тоа е околу 76.000 денари! Галетановски денес држеше прес конференција во присуство на градоначалникот на Град Скопје, Петре Шилегов, со кој подоцна прошетаа низ Скопската зоолошка градина.

Поскапуваат билетите во зоолошката- директорот Галетановски објаснува: Слоновите и шимпанзото јаделе многу- советниците на ВМРО-ДПМНЕ против

Дарко Андоновски — Tue, 21 May 2019 13:58:57 +0000

Зоолошката има трошоци, слоновите јадат многу, исто како и шимпанзото, објасни директорот на зоолошката градина Ѓорги Галетановски по однос на точката со која се предвидува поскап билет за влез во зоолошката градина. Советниците на ВМРО-ДПМНЕ беа против покачувањето кое го изгласа мнозинството на градот Скопје. -Ваквата цена значи ограбување на граѓаните и тоа удирајќи по најболната точка, децата истакна Светлана Колариќ од ВМРО-ДПМНЕ. Градоначалникот Петре Шилегов најави дека зоолошката градина ќе има нови содржини, побогати и дека тоа мора да се одржува со цел институцијата да не биде доведена до егзистенцијалните минимални граници. Советникот од ГРОМ Александар Трајановски запраша дали во новиот концепт на зоолошката се предвидуваат нови угостителски објекти кои можеби им се ветени на некои структури?

И Чомбе кажува, заборава, па негира! (ФОТО)

Катерина Бојаџиева — Thu, 18 Apr 2019 17:46:16 +0000

И Чомбе кажува, заборава, па негира!

И Чомбе кажува, заборава, па негира! pic.twitter.com/iQymr1zXO2
— Гордана Сиљановска Давкова (@gogamkd) April 18, 2019

Пендаровски доби докази за да го избрка својот најблизок соработник во кампањата

Дарко Андоновски — Sun, 14 Apr 2019 16:44:25 +0000

Кандидатот за претседател Стево Пендаровски на дебатата во Сител јавно вети дека ако некој во неговиот тим ја навредувал професорката Гордана Силјановска веднаш ќе го избрка од кампањата. Дебатата на Сител се уште незавршена а Пендаровски веќе доби докази со кои ако држи до зборот мора да го избрка шефот на централниот штаб на неговата кампања. Директорот на скопската Зоолошка градина Ѓорѓи Галетановски – Чомбе на Фејсбук објавува став дека Гордана Силјановска Давкова треба да „оди во Бардовци” израз што значи дека треба да се лечи во Психијатриската болница во скопската населба Бардовци. Оргиналниот пост на кој Галетановски со коментар ја навредил Силјановска Кон крајот на дебатата од видеото на Сител се гледа дека Пендаровски веднаш ќе го избрка тој член на неговиот тим кој што ја навредувал Силјановска.