ѓорѓи кочов – Kurir.mk

Кочов својата кариера ќе ја продолжи во Германија

Бошко Тасиќ — Fri, 25 Jun 2021 21:26:51 +0000

Поранешниот тренер на МЗТ Скопје, Ѓорѓи Кочов ќе го има првиот интернационален предизвик во кариерата и тоа како помошник во германскиот прволигаш Најнерс Кемниц. Кочов ќе го замени Даниел Соколовски кој оди во Лиценец и ќе му биде десна рака на првиот стратег, Родриго Пасторе. Кемниц минатата сезона ја заврши на 14. место на табелата, Кочов со нив потпиша договор до 2023 година. Ѓорѓи во досегашната своја кариера работеше во Вардар, МЗТ Скопје и беше асистент во најдобрата македонска репрезентација.

Тренерот на МЗТ после победата над Хелиос во АБА лигата: Правевме невидени грешки

Тале Кристо — Wed, 20 Jan 2021 08:56:16 +0000

Тренерот на МЗТ Скопје Аеродром, Ѓорѓи Кочов упати критики на адреса на своите кошаркари, и покрај триумфот над екипата на Хелиос од 70:69 во АБА 2 лигата. Македонскиот првак синоќа со многу среќа во драматична завршница стигна до својот четврти триумф во регионалната лига, откако словенечкиот тим се врати од негатива од 12 поени во последната четвртина и испушти шанса за победа во завршните секунди од натпреварот. -Ваква неодговорност и грешки, какви што ние ги правевме во финишот, досега немам видено. Единствена добра работа е што тие го промашија тој последен шут и што ние стигнавме до победата. Среќа е што сме овде сите заедно, па уште веднаш ќе почнеме со корекција на сите грешки што ги направивме, изјави Кочов по натпреварот. Феми Олуџоби со 16 поени беше најпрецизен во македонскиот тим, додека Андрија Бојиќ постигна 12, а Андреј Магдевски 10 поени, додавајќи шест скокови и седум асистенции. МЗТ Скопје Аеродром има ефект од четири победи и еден пораз во пресрет на следниот дуел на турнирот во Бања Лука против Слобода Ужице, закажан за в петок.

Александар Тодоров нов селектор на македонската кошаркарска репрезентација

Ивона Петрова — Wed, 25 Dec 2019 12:17:32 +0000

Кошаркарската федерација на Македонија денеска го промовира Александар Тодоров во нов селектор на машкиот национален тим. Помошник на Тодоров ќе биде тренерот на МЗТ Скопје Аеродром, Ѓорѓи Кочов. Амбиција на сите во федерацијата и стручниот штаб е пласман на Европското првенство во 2021 година. Покрај оваа цел, новиот селектор најави и подмладување на репрезентацијата. – Имаме неколку млади играчи и во домашното и во странските првенства кои с еуспешни во своите клубови и тие ќе добијат шанса. Но сакам да нагласам дека подмладувањето не сакам да звучи како алиби, туку потреба да се даде шанса на тие деца кои за неколку години ќе бидат основниот костур на во репрезентацијата. Првиот собир во пресрет на февруарските средби со Естонија (дома, 20 февруари) и со Русија (на гости 23 февруари) е закажан за 12 февруари, а селекторот Тодоров веќе добил потврда за присуство од 15-ина играчи, од вкупно 24 колку што се наоѓаат на неговиот список. Договорот на Тодоров со КФМ, во случај на пласман на Евробаскет 2021 е со важност до 2025 година. Тодоров на селекторското место доаѓа како наследник на Јорданчо Давитков на кого не му беше продолжен договорот.

Кочов пред дуелот со Сутјеска: Мора да најдеме начин да ја намалиме нивната ефикасност

Ивона Петрова — Thu, 31 Oct 2019 09:46:08 +0000

Тренерот на МЗТ Скопје Аеродром, Ѓорѓи Кочов пред вечерашното гостување кај Сутјеска рече дека неговите избраници треба да најдат начин да го сопрат нападот на црногорскиот тим. – Секој натпревар во АБА2 е исклучително важен за нас и затоа сигурно е дека ќе имаме максимален сериозен пристап на средбата со Сутјеска. Станува збор за тим со огромно искуство и екстремен квалитет во ефиксност. Едноставно, секој играч на тимот може да постигне кош од која било позиција. Мора да најдеме начин да ја намалиме нивната прецизност. Ако го сториме тоа, тоа може да се надевама на значаен триумф, изјави Кочов. Македонскиот тим има четири победи и е единствениот без пораз во досегашниот тек од регионалното натпреварување. Натпреварот Сутјеска – МЗТ Скопје ќе се игра вечер од 19 часот во Спортскиот центар Никшиќ.

Кочов: Фаворити сме против Слобода, но ќе биде тешко

Ивона Петрова — Wed, 02 Oct 2019 12:07:31 +0000

Со утрешниот натпревар на домашен терен против босанскиот тим Слобода Тузла, актуелниот македонски шампион, екипата на МЗТ Скопје Аеродром утревечер и официјално ќе ја почне новата сезона. Тренерот на аеродромци Ѓорѓи Кочов смета дека остварените победи во подготовките (седум од осум) не значат ништо ако тоа не се потврди онаму каде што е најважно. – Задоволен сум од подготовките, од ден во ден напредувавме како тим. Сепак, победите во пријателските мечеви не значат ништо посебно, бидејќи официјалните дуели се секогаш нешто друго. Слобода Тузла е екипа составена од млади и талентирани кошаркари. Без разлика што ривалот вели дека ние сме фаворити, тоа ќе биде тежок натпревар, изјави Кочов на денешната прес-конференција. Според директорот на клубот, Тони Грнчаров, МЗТ има најсилен тим на домашна сцена во моментов, што автоматски значи атак на двата трофеи, во првенството и во купот. -Со оглед на кошаркарите со кои располага нашиот стручен штаб, слободно може да кажам дека сме најсилни ако се гледа нашето првенство, што воедно значи атак на двата трофеја. Во АБА2-лига ќе биде потешко, бидејќи има добри екипи кои сериозно се засилија летово, како Сплит, Динамик, Слобода Тузла и Рогашка. Но, ние не биле тоа што сме, ако не одиме по највисоки цели, а тоа е да влеземе меѓу четири најдобри, па таму со поголема среќа да стигнеме до финалето и до АБА, изјави Грнчаров. Утрешниот дуел МЗТ Скопје Аеродром – Слобода Тузла ќе се игра во СЦ „Јане Сандански“ со почеток во 19 часот.

Кочов бара поддршка од навивачите на дуелот со Борац Чачак

Дарко Андоновски — Wed, 03 Oct 2018 08:05:02 +0000

По стартната победа против словенечки Хелиос, кошаркарите на МЗТ Скопје Аеродром вечер го пречекуваат Борац од Чачак во обид да стигнат до втората победа во регионалната АБА 2 лига. - Убеден сум дека со помош на навивачите, кон кои апелирам да дојдат во што е можно поголем број, ќе го совладаме Борац и ќе се израдуваме на втората победа. Но, за да го сториме тоа ќе треба сериозно да се испотиме, во што воопшто и не се сомневам. Не очекува пресметка со исклучително квалитетен и пред се искусен противник. Клучно ќе биде да одиграме добро под кошевите, пристапот да ни биде како што посакуваме и секако да бидеме агресивни во одбраната, изјави Кочов за клупскиот сајт на МЗТ. Натпреварот ќе се игра во СЦ „Јане Сандански“ со почеток во 19 часот.

Кочов и следните две сезони на клупата на МЗТ

Дарко Андоновски — Mon, 25 Jun 2018 12:08:16 +0000

Екипата на МЗТ Скопје Аеродром го реши тренерското прашање за следниот период, откако денеска беше ревидиран и потврден договорот со актуелниот стратег Ѓорѓи Кочов, кој се обврза да седи на клупата на вицешампионот најмалку во следните две сезони, објави клубот од „Јане Сандански“. Станува збор за млад тренер и поранешен селектор на јуниорската репрезентација на Македонија, кој на почетокот на април го наследи Жељко Лукајиќ и ја доврши сезоната како прв стратег, откако кон крајот на минатата година дојде во Аеродром како негов прв помошник. Кочов според многумина е еден од најталентираните стручњаци кај нас во моментов, а во „Јане Сандански“ дојде од таборот на Вардар, каде што одработи една ипол сезона како предводник на овој тим, прво во Првата лига, а потоа и во второлигашка конкуренција. Претходно, тој освои куп златни медали со јуниорскиот и младинскиот состав на Вардар, поради што во 2016 година беше прогласен за најдобар тренер во Македонија во младинска конкуренција. Предводникот на МЗТ Скопје Аеродром зад себе има и солидна играчка кариера и тоа настапувајќи за матичниот Работнички како и за Вардар 2000, МЗТ Скопје Аеродром и за Вардар Апаве, каде што се пензионира на крајот од сезоната 2015/16.