Ѓорѓи Начевси – Kurir.mk

Начевски и Николов ќе го судат мечот помеѓу Данска и Шпанија

Бошко Тасиќ — Thu, 27 Jan 2022 16:59:46 +0000

Македонските судии Ѓорѓи Начевски и Славе Николов ќе судат еден од двата полу-финални натпревари на Европското првенство во ракомет. Начевски и Николов, од страна на ЕХФ, се делегирани да ја делат правдата во првото полу-финале, во кое ќе играат бранителот на трофејот Шпанија и светскиот првак Данска. Натпреварот ќе започне во 18 часот. Второто полу-финале, кое ќе започне од 20.30 часот, а во кое ќе играат Шведска и Франција, ќе го судат Словенците, Скок и Лах.

Славе Николов и Ѓорѓи Начевски добија нова задача на ЕП

Бошко Тасиќ — Sun, 23 Jan 2022 19:52:26 +0000

Најдобрата македонска судиска двојка Ѓорѓи Начевски и Славе Николов повторно добија задача да судат на Европското првенство (ЕП) кое се игра во Унгарија и Словачка. Начевски и Николов ја добија довербата од ЕХФ за мечот од втората рунда меѓу светскиот првак Данска и дебитантот во оваа фаза Холандија. За македонската судиска двојка ова ќе биде четврти натпревар на ЕП 2022. Дуелот меѓу Данска и Холандија се игра утре (понеделник) од 18:00 часот.

Славе Николов и Ѓорѓи Начевски ќе ја имаат првата задача на ЕП

Бошко Тасиќ — Fri, 14 Jan 2022 19:47:03 +0000

Најдобриот судиски пар во светот Славе Николов и Ѓорѓи Начевски ја добија првата задача на Европското првенство. Тие утре во рамки на 2. коло ќе му судат на домаќинот Словачка. На средбата што се игра во Братислава во рамки на Групата Ф тие ќе го судат натпреварот меѓу Словачка и Литванија. Што се однесува до средбата меѓу Македонија и Црна Гора, за овој дуел се делегирани Миндаугас Гателис и Ваидас Мазејка од Литванија.

Судиите Начевски и Николов наградени за афирмација на македонскиот ракомет

Бошко Тасиќ — Fri, 27 Aug 2021 16:43:31 +0000

Пригодни благодарници и еднократна парична награда во износ од по 1.000 евра им додели Ракометната федерација на Македонија (РФМ) на судискиот тандем Ѓорѓи Начевски и Славе Николов за нивното учество во делење на арбитражата на Олимпиското финале во Токио и промоција на македонскиот ракомет. – За нас како Федерација беше особена чест што довербата за делењето правда на финалниот ракометен меч на Летните Олимписки игри во Токио беше доделена токму на македонските судии Начевски и Николов, кои со предизвикот се износеа достоинствено и максимално професионално, изјави денеска претседателот на РФМ, Живко Мукаетов. – Како вистински супер-амбасадори на македонскиот спорт, на неколку наврати на големите ракометни арени, овој судиски пар ја покажа и докажа својата експертиза, заради што ние како матична федерација одлучивме симболично да им се заблагодариме. Јас лично, искрено им посакувам нивната успешна приказна да продолжи додаде првиот човек на македонскиот ракомет. За Начевски и Николов, Игрите во Токио беа втора олимпијада во измината деценија, во која еминентниот македонски судиски тандем ја делеше правдата и на повеќе европски и светски шрвенства

АМС ги награди Начевски и Николов со државна пензија

Бошко Тасиќ — Tue, 17 Aug 2021 14:33:57 +0000

Најдобрите македонски ракометни судии, Ѓорѓи Начевски и Славе Николов денеска беа примени од Агенцијата за млади и спорт, односно првиот човек Наумче Мојсоски. Начевски и Николов со години се при ракометниот врв, судат многу важни натпревари, а оваа година беа најдобри на Олимписките Игри во Токио каде ја добија честа да го судат и големото финале меѓу Франција и Данска. Директорот Мојсоски со пригодни зборови им се заблагодари за се она Ѓорѓи и Славе го прават за нашиот ракомет во изминативе години -Голема чест и задоволство ми претставуваа што наши гости се луѓето кои претставуваат величини во македонскиот и светски ракомет. Одлуката да ја делите правдата во финалниот натпревар на најголемиот спортски настан е доволен показател за квалитетот и реномето кое го имате стекнато во светската ракометна судиска фела, -истакна Мојсоски кој најави измени на законот за „спортската пензија“ со цел и судиите да можат да ја добијат истата. Нашите судии воедно добија плакети во знак на благодарност за сите досегашни остварувања во областа на ракометот.