Ѓорѓи Сламков – Kurir.mk

Професорот Сламков обелодени скандал: Ваучерите од десетици милиони евра кои Владата ги давала во сред изборен процес се кривични дела

Катерина Бојаџиева — Wed, 10 Feb 2021 19:00:55 +0000

Професор по казнено право поранешен претседател на Антикорупциската комисија Ѓорѓи Сламков, во своето гостување во „Што не е јасно“ на Алфа телевизија, истакна дека ваучерите кои Владата ги даваше во сред изборен процес како вонредни исплати се незаконски и се кривични дела, а беа исплатени десетици милиони евра, беа никакво предупредување од страна на ДКСК. -Изборите се распишаа на 16-ти февруари, на 18-ти март беше прогласена вонредна состојба, на 21-ви март беше донесена Уредба со законска сила на Владата за регулирање на изборниот процес, со која уредба се суспендира примената на Членот 34 од Законот за спречување на корупцијата и Членот 8а од Изборниот законик, таа состојба траеше до средина на јуни месец, потоа заврши вонредната состојба и продолжи изборниот процес, откако тој заврши беа во игра одредени ваучери кои се сметаат за вонредна исплата, согласно Член 34 став1 од Закон за спречување на корупцијата тоа не се редовни исплати, тие се забранети во тек на изборен процес, вели Сламков. -Во моментот кога заврши вонредната состојба и продолжи изборниот процес ДКСК требаше да и алармира на Владата дека од тој момент не смее да издава никакви ваучери и никако не смееше да се врши исплата на ваучери, до момент на завршување на изборниот процес, а за парламентарни избори, изборниот процес завршува во моментот на избор на Владата, а тоа беше некаде во септември месец, затоа што така е по законот, појасни Сламков. Сламков вели дека такво нешто немало од ДКСК, ниту пак во Извештајот за изборниот процес содржи таков вид на приговор, туку извештајот содржи други видови на приговори, како исплата за субвенции на клими од страна на Општина Охрид која тоа не смеела да го прави во тек на изборен процес, но за ваучерите од Владата немало никаков приговор. -Не знам колку е точната сума, но во медиумите известуваа дека се дадени десетици милиони евра кои беа дадени со ваучерите од страна на Владата, станува збор за огромна сума, тука требаше да се делува, затоа што овие исплати беа вонредни, и ова е незаконско поведение и за истото е предвидена санкција според Кривичниот законик, за надминување на поголема имотна корист, тука станува збор за десетици милиони евра, што значи има исполнување на законски битија на неколку кривични дела, потенцираше професорот Сламков.

Сламков: Падот на Македонија на листата на Херитиџ од 33-то на 41-во место е поради владеењето на правото и сериозниот проблем со корупцијата

Катерина Бојаџиева — Wed, 10 Feb 2021 18:32:56 +0000

Професор по казнено право поранешен претседател на Актикорупциската комисија Ѓорѓи Сламков на своето гостување во „Што не е јасно“ на Алфа телевизија, истакна дека падот на Македонија на листата за економски слободи на Херитиџ од 33-то место на 41 –во место е поради владеење на правото, ограничена независност на судството и сериозните проблеми со корупцијата. -Рангирањето на Транспаренси треба да е аларм за радикални и суштински промени во општеството, тука слабата алка е владеење на правото, состојбата е констатирана, прашањето е сега како да го решиме високиот степен на корупција – вели професорот Сламков. Професорот вели дека решавањето на проблемот со корупцијата е комплексен, и има две варијанти, мали корекциии во норматива, со кои може ќе се губи време и наспроти тоа радикални промени. -Во светот постојат три модели на борба против корупцијата, превентивни тела како што нашата ДКСК, Агенции за спроведување на законот и третото се повеќенаменски агенции или тела како таа во Хонг Конг, па по тоа можеби е време за промена на институционалниот модел за борба против корупција во земјава – посочи тој. Професорот вели дека ДКСК е само превентивно тело, тело кое делува во насока на изготвување политики, едукации, и други превентивни надлежности кои сега се споени во еден закон не даваат многу ингеренции на ова тело. Државната стратегија која ја предложува ДКСК веќе година дена седи во Собранието, кој како стратешки акт до сега требаше да биде донесена и да се имплементира. Сламков вели дека решението за справување со корупцијата го гледа во вториот модел за борба против корупцијата, а тоа се агенции за спроведување на законот кој го има во две варијанти и во обвинителство и во полиција. -Ние дојдовме во ситуација кога ни требат длабински реформи особено во судството, обинителството и транспарентност во изборот на овие лица, кои би биле лица со интегритет, рече Сламков. Индексот за Македонија за економските слободи на Херитиџ фондацијата е повторно негативен, паднавме од 33 место на 41 место,а основна причина е владеењето на правото, ограничена независност во правосудството, дека постои политизираност на телото за надзор врз судството, дека Македонија има сериозни проблеми во борбата со корупцијата, критикуваше професорот. -ГРЕКО го заврши петтиот круг на евалуација во 2019 година која се однесува за превенција од корупција за највисоките носители на власта, како и на телата за спроведување на законот, 23 препораки ни дадоа, 10 се за Владата, останатите се за МВР, препораки имаше кои се однесуваат за посебните советници во кабинетите, и недоволна транспарентност и потреба за нивно назначување, објасни Сламков.

Сламков: Состојбата со борбата против корупцијата е алармантна, 111 место на Транспаренси Интернешнл покажува дека помината е црвената линија

Магдалена Андонова — Sat, 06 Feb 2021 12:31:36 +0000

Поранешниот претседател на Државнака комисија за антикорупција, Ѓорѓи Сламков вели дека Македонија сега со 111 место, паднала многу ниско на лестата на Транспаренси Интернешенл, институција која го мери индексот на корупција, односно борбата против корупцијата во државата. Тој во емисијата „Стадион“ на радио Канал 77 истакна дека, овој показател ни покажува дека состојбата со борбата против корупцијата во државата е алармантна и дека во македонското општество веќе е помината црвената линија и затоа потребнен е, според него, нов институционален модел за борбата против корупцијата. Сламков додава дека вината за оввој несланев неуспех не треба да се бара во ДКСК, затоа што таа превентивно административно тело, кое што нема оперативни надлежности, таа само креира стратегии, политики, програми. - Поаѓајќи од тоа што лани бевме на 106 место, јас ја поставив тезата дека можеби сега е време да се пристапи кон промена институционалниот модел за борба против корупцијата. Јас сеуште се залагам и ќе се залагам во иднина, ние кога имаме вака алармантна состојба со показател, кој што покажува, дека во оштеството веќе црвената линија е помината, треба да преминеме кон суштиснки промени, односно да го смениме институционалниот модел за борба против корупцијата, истакна Сламков. Тој појасни дека, во негово време, кога тој беше претседател на комисијата, периодот 2013-2014 година Македонија беше позиционирана на високото 63 и 67 место на индекост на Транспаренси во борбата против корупцијата, што ја правеше државата пример во регионот за посветеноста во борбата против корупцијата.