Ѓорѓи Влајнкиноски – Kurir.mk

Влајнкиноски со ДЕТАЛИ за КУРИР: Бев нападнат од роднина на досегашниот градоначалник од СДСМ

Катерина Бојаџиева — Fri, 05 Nov 2021 09:04:30 +0000

Претседателот на Општинскиот комитет на ВМРО-ДПМНЕ во Вевчани, Ѓорѓи Влајнкиноски, вчера во Струга настрадал во инцидент со физичко насилство. Влајнкиноски во изјава за КУРИР вели дека лицето кое го извршило нападот е брат на сопругата на досегашниот градоначалник на општина Вевчани од СДСМ, Сашо Јанковски. -Вчера бев во Струга службено, како член на Општинска изборна комисија да ги печатам уверенијата за советници и градоначалник, додека пиев кафе во едно струшко кафуле бев нападнат од братот на сопругата на градоначалников во заминување, односно од неговиот шура. Се работи за лицето Михајло Нонески од Струшкото подземје, со дебело криминално досие, добро познато на полицијата, вели Влајнкиноски за КУРИР. Влајнкиноски, случајот го пријавил и во полиција. -Извадив и специјалистички извештаи за повредата и ќе терам по правен пат, додава тој.

Влајнкиноски во болница: Роднина на функционер од СДСМ нападна член на ВМРО-ДПМНЕ

Ивана Ефремовски — Thu, 04 Nov 2021 14:10:27 +0000

Во инцидент со физичко насилство денеска во Струга настрадал претседателот на Општинскиот комитет на ВМРО-ДПМНЕ во Вевчани, Ѓорѓи Влајнкиноски. Во моментов се наоѓа во болница. -Според полициски извори во Струга, Влајнкиноски бил нападнат додека седел во кафуле во овој град. Напаѓачот кој употребил физичка сила е близок роднина на градоначалникот на Вевчани во заминување Сашо Јанковски кој, според очевидци, физички го нападнал претседателот на општинскиот комитет на ВМРО-ДПМНЕ во Вевчани како последица на изборната кампањата по која Јанковски заминува од градоначалничката позиција, објави Експрес. Лицето кое го извршило нападот е шура односно брат на сопругата на Јанковски и важи за еден од најгласните активисти на СДСМ во Вевчани. Инцидентот е пријавен во полиција а Влајнкиноски во моментов е во струшката болница, потврдуваат членови на неговото семејство.

Единствениот уапсен од настанот на 13 јануари во Вевчани бил четири часа на распит – можен затвор од 1 година

Магдалена Андонова — Sun, 17 Jan 2021 11:33:28 +0000

Ѓорѓи Влајнкиноски, лицето кое што беше уапсено поради настаните на 13 јануари во Вевчани, каде што беа испратени специјалци, бил на четиричасовен распит во полициската станица во Струга. Кога членовите на СДСМ славеа победа во Штип, во затворена просторија со музика и трубачи, никој не им упадна ниту пак им се изречи некоја казна за прекршување на законот, а додека за Влајнкиноски инаку член на ВМРО-ДПМНЕ, се поднесени 4 кривични пријави од кои една може да го однесе во затвор 1 година. Во продолжение текст од неговата Фејсбук објава. „Денес бев на 4 часовен распит во полициска станица во Струга, овде морам да кажам дека инспекторите кои го вршеа службениот разговор беа коректни. Добив 3 прекршочни пријави и 1 кривична пријава“, стои во Фејсбук статусот на ѓорѓи Влајнкиноски, единствениот уапсен од настаните на 13 јануари во Вевчани. - Кривична пријава по член 206 од КЗ, кој предвидува „тој што за време на епидемија на некоја опасна заразна болест не постапи според прописите или наредбите со кои се определуваат мерки за нејзиното сузбивање или спречување, ќе се казни со парична казна или со затвор до една година, пишува тој. - Сум учествувал во прослава - Сум повикувал и поттикнувал и други граѓани на групна прослава - Прослава најверојатно мислат како таа што беше во Штип кога прославуваше раководството на СДСМ победа на избори на кои сами учествуваа. - Во Вевчани немаше никаква прослава, па оттука ниту пак јас учествував во прослава, а уште помалку повикував на групна прослава - Омаложување и навредување на полициски службеник во вршење на служба - Најодговорно тврдам дека такво нешто немаше! - Неовластено снимање - Незнаев дека треба овластување за снимање на јавен настан кој се одвива на јавен простор кој истиот настан го снимаа, фотографираа, стотици граѓани, новинари и фоторепортери. 20 евра за неносење заштитна маска; Признавам - виновен сум, нема предавање, борбата продолжува! Да живее Вевчани и Македонија, се вели во неговиот Фејсбук статус.

Претседателот на ОК на ВМРО-ДПМНЕ од Вевчани добил сериозни закани: Функционер од СДСМ рече дека ќе ме убие и ќе ми ја запали куќата

Ивана Ефремовски — Sun, 03 Mar 2019 12:07:10 +0000

Ѓорѓи Влајнкиноски, претседател на ОК на ВМРО-ДПМНЕ од Вевчани, утрово добил закани по живот, но и по животите на членовите на неговото потесно семејство. Во статусот кој утрово го објави Влајнкиноски пишува: „Утрово добив телефонски повик од лицето Жарко Лешоски, член на Централниот одбор на СДСМ и директор на ООУ “Страшо Пинџур” Вевчани. Добив сериозни закани по животов мој, по животите на членовите на моето семејство и по животите на членовите на ОК на ВМРО-ДПМНЕ Вевчани. Ми рече дека ќе ме убиел, ќе ми ја запален куќата, и ќе ја запалел зградата на комитетот со сѐ сите ВМРО-вци. Јас оваа закана ја пријавив во полиција. Утре ќе ги известам и просветниот инспекторат и Министерството за образование“, напиша на својот Фејсбук профил, претседателот на ОК ВМРО-ДПМНЕ Ѓорѓи Влајнкиноски. Во телефонски разговор Влајнкиноски ни кажа дека предмалку и синот од Лешоски му се заканувал исто така на телефон. Тој вели дека разговорите се снимени во целост.