ѓубре – Kurir.mk

„Партизанска“, „Рузвелтова“, „Џон Кенеди“ затрупани во смет, а Арсовска ни раскажува „мафијашки“ филмови (ФОТО+ВИДЕО ГАЛЕРИЈА)

Ристе Здравков — Mon, 10 Jul 2023 10:51:11 +0000

Четврти ден како скопјани се затрупани во ѓубре откако службите на Арсовска престанаа да го чистат поради несогласување со неа. Вчера Арсовска на прес-конференција излезе, а наместо да даде решение таа почна да раскажува за некакви „мафијашко-гангсерски“ филмови и да ја замајува јавноста. За ситуацијата да биде потрагична, таа денес на Фејсбук објави фотографии од неколку празни контејнери и напиша, „Скопје се чисти“. Екипа на Курир веднаш по нејзината објава излезе на терен да напави обиколка по најфрекфентните улици во главниот град. Булеварите „Партизански одреди“, „Рузвелтова“, „Џон Кенеди“, како и улици споредни на овие булевари се затрупани во смет за кој Арсовска ни тврди дека се исчистени.

Кого ЛАЖЕ Данела Арсовска? (ФОТО ГАЛЕРИЈА)

Ристе Здравков — Mon, 10 Jul 2023 09:44:35 +0000

Четири дена Скопје се дави во ѓубре, а скопјани ја дишат смрдеата која доаѓа од преполните контејнери. Градоначалничката Данела Арсовска која вчера собра сила и храброст да излезе на прес-конференција, а наместо да даде решение за ситуацијата, таа почна да се заканува и навредува. За ситуацијата да биде уште по трагична, таа пред половина час на Фејсбук се пофали со фотографии од празни контејнери. Веднаш по нејзината објава екипа на Курир излезе на терен, во централното градско подрачје и во општина Чаир со цел да ги провериме тврдењата на Арсвоска. На терен затекнавме ситуација полоша од таа вчера. Преполни контејнери, а екипите кои Арсовска ги објавува на Фејсбук ги нема ни за лек. Дали скопјани ги заслужуваат лагите на Арсовска?

Ѓубре си е ѓубре

Љупчо Цветановски — Mon, 10 Jul 2023 09:34:29 +0000

Во време кога Македонија е сарадисана од сите страни и со сите сили се бори против прифаќање на бугарски диктати со комуњарски амин, спроведување антимакедонски преспански капитулаци машносани од Заевци и се спрема за силна битка со албанската мафија скриена на Мала Речица, горенаведената засегната тројка-извршител го сврте телефонот и го повика „пријателот.“ Класика. А малку се расчисти небото над Македонија, секогаш ново „ѓубре“ го затскрива погледот. Овојпат, и буквално и фигуративно... За да, не дај Боже, некој не се зафати со криминалот на Дрин или со пробугарските глупоштии на Таче и за да не престане Македонија од Бехтел и Енка да стенка, за секој случај се јави ДА-НЕ-тра-ла-ЛА, и не така скриениот локален адут во ракавот на централната власт... Опозицијата, буквално, ора на терен, Таче се самозакопува со секоја нова ступидна изјава, на Ахмети „му врие крвот“ од внучето кое катадневно му го открива криминалот, Груби нежно го гали рушветот од Коридор 8, Заев води војна со Австрија која му ги обелоденува апашлуците... Сето ова во комбинација на редица анкети во низа кои велат дека опозицијата „ја мачка на леб“ власта со разлика од 2:1, комбинирано со незадоволството на 85 насто Македонци кои ни на крај памет не прифаќаат внос на Бугари во Устав и две третини граѓани кои во пет анкети по ред велат дека одиме во лоша, катастрофална насока е доволна причина за вклучување на алармот на Бихаќка, сега синхронизиран со Мала Речица. Уплав завладеа, криминал ќе се разоткрива, тик-так, тик-так, месеци до паѓање од власт, а сите властодршци сосе фамили засегнати од злодејанијата. Најбитно, пискотници се слушнаа и од Муртино до Виена, па од Зајас до Тирана. Црвениот телефон заѕвоне, крајно време е е за дигресија, дефокусче и нова тура „магла„ за затскривање на направените криминали, идиотизми и глупоштии. А, затоа што во оваа „влада“ Командантот решава, тој на Артан му рекол што да му пренесе на Ќуран. Крако и јасно. „ФКЉУЧЕТЕ ГО ДАНЕЉА“... И би драма. Горенаведената, пак, го вклучи копчето на својата послушна, исто така пребегуша, од Комунална нехигиена, па го пушти на најјако и директорчето од Дрисла. Остатокот го знаете. Скопје се гуши во смет, скопски градоначалници сами се организираат да спречат смрдеа и не дај Боже, некоја епидемиичка од неа, а „драма-квинот“ Да-не-тра-ла-ла сипа ли сипа песок во до вчера сојузничката осовина, удира по човекот кој најмногу и пречи на власта, води војна со македонската опозиција и ја каља, плука, руга и „хистерише“ ко навиена. Мислите дека ова е случајно? Јок, поверојатна е дефиницијата на случајноста според која таа е моментот кога не гледате јасно кој ги движи конците на марионетата која е на сцена. Марионетата, пак, сега да ти била носител на името кое е само по себе парадоксално, составено од Афирмација/Негација/Потпевнување. Кумот да ти бил на висина на задачата. Уште една потврда дека ништо во животот не е случајно. Искуствено, ова е пак само уште една, нова потврда на онаа старата, кооперациска констатација. „ЃУБРЕ СИ Е ЃУБРЕ.“ Дефинитивно...

Костовски: Ако вечерва не реагиравме и не го расчистевме сметот низ скопските улици кој ЈП „Комунална хигиена“ не го собира, можеше да избие зараза

Ивана Ефремовски — Sun, 09 Jul 2023 21:26:31 +0000

Заради алармантната ситуација во скопските општини и заради неефикасното работење на Градот Скопје и „Комунална хигиена“, за жал на голема штета на граѓаните, јас и моте колеги градоначалници кои што доаѓаат од редовите на ВМРО-ДПМНЕ од градот Скопје, побаравме помош од останатите општини од внатрешноста на Република Македонија, рече градоначалникот на општина Бутел, Дарко Костовски во изјава од терен каде што се расчистува сметот од улиците низ општината, кој што ЈП „Комунална хигиена“, веќе неколку дена не го собира.

Костовски посочи дека конкретно во Бутел им помогна градоначалникот и општина Велес, кои им помогнаа со механизација и со луѓе кои заедно со вработени на општина Бутел да воспостават ред во хаосот со сметот, односно расфрлано ѓубре на територија во општина, под надлежност на скопското комунално претпријатие.

„Вечерва и на наше задоволство, тука во општина Бутел е претседателот на ВМРО-ДПМНЕ кој што дава максимално поддршка на оваа активнсот, која што верувам дека доколку вечерва не превземевме нешто, тука можеше да избие, слободно можам да речам, и некаква зараза“, рече Костовски.

Мицкоски од Бутел: Градоначалниците од ВМРО-ДПМНЕ го чистат Скопје пред да се појави зараза, апелирам надлежните во институциите на градот Скопје да ги надминат недоразбирањата и да пружат услуга која скопјани ја плаќаат

Ивана Ефремовски — Sun, 09 Jul 2023 21:19:26 +0000

Тука сум со Дарко Костовски со градоначалникот на Бутел, но исто така заедно со сите градоначалници на скопските општини, Аеродром, Кисела Вода, Ѓорче Петров, Гази Баба. навистина жалосно е ова што се случува да во 21 век во главниот град на Македонија сме пред, би рекол, зараза која може да ги зафати скопјани и главниот град, истакна вечерва лидерот на ВМРО-ДПМНЕ, Христијан Мицкоски. -Жалам што сето ова се случува и она кое можат да го направат градоначалниците од скопските општини, од редовите на ВМРО-ДПМНЕ и коалицијата го прават заедно со помош и поддршка од страна на градоначалниците од другите општини во Македонија. Конкретно Дарко кажа тука во Бутел, помош и механизација испрати градоначалникот на општина Велес, Марко Колев, дел од таа механизација е исто така упатена во општина Ѓорче Петров, благодарност до Марко. Градоначалниците на Сопиште и Кавадарци, Стефче Трпковски и Митко Јанчев помагаат во општина Кисела Вода да може да се исчисти сметот што се акумулирал изминативе денови поради веќе познатите состојби во ЈП Комунална Хигиена Скопје. Борче Митевски од Петровец и Александар Ѓорѓиевски од Илинден помагаат во општина Гази Баба. Исто така градоначалникот на Штип Иван Јорданов помага во општина Аеродром со механизација за да може да се исчисти сметот кој изминативе денови е одложен, а за жал поради настанатата ситуација во ЈП Комунална Хигиена не е собран, рече тој. Мицкоски апелираше до надлежните да ги надминат недоразбирањата, да ги надминат сите оние проблеми кои се случуваат и навистина да им дадат услуга на скопјани онаква каква што заслужуваат, бидејќи на крајот од денот тие за ова издвојуваат од скромниот Буџет, плаќаат за да можат да добијат хигиена онаква барем каква што треба да има еден главен град во 21-век. -Апелирам и до Владата да се вклучи да помогне, исто така апелирам и до останатите градоначалници во Скопје кој не се од редот на ВМРО-ДПМНЕ и коалицијата да се вклучат и да се вклучат во чистење на овој смет и да можат да го одложат. Не далеку од Скопје е депонијата „Дрисла“ се надевам дека ќе се наиде на разбирање од надлежните во депонијата „Дрисла“ да се одложи овој смет бидејќи тоа им е потребно во овој момент на скопјани, а акцијата ќе продолжи во текот на целата вечер и се надевам дека утре веќе овој проблем ќе биде надминат, оваа алармантна состојба ќе биде надмината и ќе може непречено да се одвива работата и на ЈП „Комунална Хигиена“ но и на останатите општини во Град Скопје, рече Мицкоски.

Муцунски: ЈП Дрисла не дава да се депонира ѓубрето таму, работиме максимално да ги отстраниме проблемите

Ивана Ефремовски — Sun, 09 Jul 2023 20:57:33 +0000

Вечерва сме на терен да решаваме проблем создаден од страна на градот Скопје и ЈП „Комунална хигиена“. Овој проблем тие не можат да го решат пред се заради лош менаџмент. После 4 дена ужасна состојба која стана и здравствен предизвик за жителите, заедно со колегите градоначалници решивме да преземеме конкретни чекори, изјави градоначалникот на општина Аеродром, Тимчо Муцунски од терен во општината каде вечерва смет заради проблемот кој го создаде градот Скопје. Тој посочи дека иако општина Аеродром Иако нема соодветна механизација со тоа што е на располагање веќе почнато да се чистат депониите кои се создадени низ Аеродром. - Крајно сум благодарен на градоначалникот на општина Штип, Иван Јорданов кој на прв повик даде помош и очекуваме во секој момент да пристигнат два огромни камиони од Штип кои ќе ни помогнат да ги празниме контејнерите, рече тој. Муцунски додаде дека тоа што треба да го знаат сите скопјани е дека нема каде да се однесе ѓубрето, согласно информациите првите камиони кои пристигнуваат во ЈП Дрисла не им се дозволува ѓубрето да се депонира таму. - Во овој момент се подготвуваме да се упатиме на таа локација да видиме да го решиме тој дополнителен проблем. Тоа што треба да го знаат сите, ќе дадеме максимални напори во најбрз можен рок да ги отстраниме проблемите. Работиме посветено, тоа е наша обврска, нагласи Муцунски. (МИА)

Арсовска продолжува со деструкции: „Дрисла“ не го прима ѓубрето кое се собра во скопските општини

Ивана Ефремовски — Sun, 09 Jul 2023 20:40:41 +0000

Градоначалничката на Скопје, Данела Арсовска, продолжува со деструкции. Откако дозволи Скопје да тоне во смет, сега прави нови чекори на штета на македонските граѓани. Имено, „Дрисла“ вечерва не го прима ѓубрето кое се собра во скопските општини во организација на градоначалниците на ВМРО-ДПМНЕ бидејќи акциите се организирале без таа да знае.

Стефковски со предлог до ЈП „Комунална хигиена“: Доколку не се способни да менаџираат со комуналниот смет, механизацијата и буџетот нека ги даде на располагање на скопските општини

Ивана Ефремовски — Sun, 09 Jul 2023 20:25:03 +0000

Неспособноста на менаџментот на Градот Скопје и институциите под Градот Скопје повторно излезе на виделина. За жал, изминатиот период граѓаните се соочија со сериозен проблем околу комуналната хигиена и несобирањето на сметот од страна на Јавното претпријатие „Комунална хигиена“, иако за тоа сите како граѓани плаќаме соодветен надомест. Имајќи ја во предвид оваа состојба, јас денеска остварив контакт со моите колеги од соседните општини, градоначалникот на Општина Илинден и Општина Петровец и тие уште вечерва испратија соодветни екипи и механизација која што ќе ни излезе во пресрет и заедно со Јавното комунално претпријатие на општина Гази Баба ќе преземеме теренски активности со цел собирање на сметот, вели градоначалникот на Општина Гази Баба, Бобан Стефковски во изјава за вестите на телевизија Сител, каде што на лице место од терен го собираат сметот кој што веќе неколку дена не е собран од страна на ЈП „Комунална хигиена“ Стефковски упати предлог до менаџментот на јавното комунално претпријатие, ако не се способни да го собираат и да менаџираат со комуналниот смет, механизацијата, како и буџетот со која располагаат нека ги даде на располагање на скопските општини, за тие да менаџираат со нив и да воспостават ред и чистота во градот. „Апелирам до Градот Скопје и до надлежните институции, навремено да превземат соодветни мерки да се надмине оваа ситуација. Доколку истите не се во состојба да воспостават менаџирање во однос на собирање на комуналната хигиена, имаме соодветен предлог, дел од механизацијата со која што располага Јавното претпријатие „Комунална хигиена“, секако и буџетот со кој располага, рамномерно да се распредели согласно големината на скопските општини и ние како скопски општини да менаџираме со оваа механизација за собирање на комуналниот смет“, рече Стефковски Тој додаде дека недозволиво е во 21 век граѓаните во Скопје да се соочуваат со една ваква состојба која што не се соочиле години наназад.

Стојкоски: Сами го решаваме проблемот со натрупаниот смет поради хаосот во „Комунална хигиена“ (ВИДЕО)

Ивана Ефремовски — Sun, 09 Jul 2023 20:16:44 +0000

Поради хаосот кој настана поради штрајкот во јавното претпријатие „Комунална Хигиена“, неопходно е веднаш сами да го решаваме проблемот со натрупаниот смет во контејнерите на територијата на општина Ѓорче Петров, рече градоначалникот Александар Стојкоски. „Побарав помош од градоначалникот на Општина Велес, Марко Колев, кој испрати соодветни возила за собирање на комунален смет. Вечерва екипите на Комунален пункт на Општина Ѓорче Петров заедно со механизација од Општина Велес ќе бидат на терен! Благодарност до Велес и до градоначалникот Марко Колев“ - рече тој. Градоначалникот објави видео од чистењето:

Кавадарци испраќа помош во Скопје за справување со отпадот (ВИДЕО)

Ивана Ефремовски — Sun, 09 Jul 2023 19:26:12 +0000

Општина Кавадарци испраќа помош во Скопје за справување со отпадот, информира градоначалникот Митко Јанчев. „ Во Општина Кисела Вода испратени се 3 камиони и еден џип се со цел да се помогне во решавање на проблемот со отпадот. Помош ќе се испрати и на други општини кои што имаат потреба. Кавадарци за сите“ - посочи тој.