ѓукановиќ – Kurir.mk

Додик: На Ѓукановиќ не му беше потребен конфликт со СПЦ

Тале Кристо — Wed, 20 May 2020 13:55:16 +0000

Подгорица, 20 мај 2020 (МИА) – Српскиот член на Претседателството на Босна и Херцеговина, Милорад Додик му порача на црногорскиот претседател Мило Ѓукановиќ дека Српската православна црква (СПЦ) и српскиот народ во Црна Гора постоеле пред него и другите кои се обидуваат на сила да го избришат српското име. – Сега можам слободно да кажам дека ова е државна политика на Црна Гора. Ако претседателот на Црна Гора го објави ова како цел, тогаш е јасно дека станува збор за спроведување на државната политика. Затоа сега е наша обврска, сите ние што сме претставници на српскиот народ, да ја докажеме погубноста на таа политика за сите нас, и заедно да застанеме во одбрана на српскиот народ и Српската православна црква, изјави Додик. Тој наведе дека станува збор за опасна намера на Ѓукановиќ да изгради нова црква од ресурсите на српскиот народ, оценувајќи дека е попаметно Црна Гора да изгради соработка со Српската православна црква. – Нашата црква во Црна Гора никогаш не ја оспори државноста на Црна Гора. Тоа е причината зошто сега градењето непријатели со српскиот народ и Српската православна црква се чини дека е единствениот излез за црногорската влада да зачува концепт што нема вистинска поддршка кај народот, заклучи Додик.

Ѓукановиќ: Црна Гора одговори на пандемијата навремено, компетентно и ефикасно

Тале Кристо — Thu, 16 Apr 2020 13:41:39 +0000

Црногорскиот претседател Мило Ѓукановиќ изјави дека државата во борбата против новиот коронавирус покажала дека е подготвена да реагира навремено, компетентно и ефикасно. – Најсоодветен опис на она што го поминавме изминатиот месец е одговорноста. Тоа е државна, професионална и општествена одговорност. Државата покажа дека е во состојба да одговори на ваквите предизвици навремено, компетентно и ефикасно, изјави Ѓукановиќ во емисија на ТВЦГ. Според него, Црна Гора овој период покажала дека е многу поразвиена и пофункционална отколку што досега била претставена. – Пандемијата покажа дека црногорскиот здравствен систем, но и системот во целина, е подготвен да се справи со пандемијата на коронавирусот, рече Ѓукановиќ и додаде дека добро и ефикасно се надминати проблемите со набавка на опрема, притоа заблагодарувајќи се и на донаторите. Ѓукановиќ истакна дека Црна Гора имала најмала стапка на смртност во регионот и притоа изрази надеж дека така и ќе остане. Тој потсети дека државата му овозможила на секој кој сака да се врати дома. – И во оваа ситуација се покажа дека животот е пред сите други теми и вредности, истакна црногорскиот претседател.

Длабок шлиц и бујно деколте: Александра Пријовиќ ја засени невестата на синот на Ѓукановиќ (ФОТО)

Дарко Андоновски — Sun, 22 Sep 2019 11:08:35 +0000

Александра Пријовиќ се појави на свадбата на синот на Мило Ѓукановиќ и ги собра сите погледи кон себе. Со самата нејзина појава таа блесна. Облечена во фустан со длабок шлиц кој што до израз ги донесе нејзините нозе и деколте кое што дополнително придонесе до израз на нејзиниот сексапил. Сите присутни беа воодушевени од нејзиниот изглед, а посебно нејзиниот сопруг Филип кој што не го тргна погледот од неговата пооубава половина. Инаку, Александара Пријовиќ заедно со Ацо Пејовиќ , Милица Павловиќ и Хари Мата Хари настапија, како што пренесуваат месиумите од регионот, на свадба на векот.

View this post on Instagram

@ateljetijanatodorovic ??

A post shared by Aleksandra Zivojinovic (@aleksandra__official) on Sep 21, 2019 at 1:17pm PDT