ѓулен – Kurir.mk

Турското обвинителство издаде наредба за апсење на 250 воени офицери, за врски со Ѓулен

Дарко Андоновски — Tue, 09 Jul 2019 10:06:17 +0000

Турското обвинителство денеска издаде налог за апсење на 250 актуелни и поранешни офицери и 10 цивили заради наводни врски со имамот Фетулах Ѓулен, кој живее во САД, јави ДПА. Обвинителите во Истанбул, Анкара, Измир и Кочали почнаа одвоени рации, се вели во веста на агенцијата Анадолија, а сите биле насочени кон активни и поранешни војници од копнените, воздухопловните и поморските сили, како и крајбрежната стража. Обвинителите во Истанбул побараа затворање на 176 активни војници, наведува агенцијата. Дваесет од 32 лица на воздухопловните сили веќе се приведени во Анкара и 11 други провинции. Рациите се насочени кон 35 осомничени приврзаници на Ѓулен во Измир и 19 други провинции, додека обвинителите во Кочаели се обидоа да притворат 17 офицери, вклучително и осум поранешни питомци. Турската Влада смета дека многу луѓе лојални на Ѓулен се инфилтрирани во државните служби и армијата. Во моментов во турските затвори се наоѓаат 30.559 осомничени „Ѓуленисти“, од кои повеќе од 15.000 се армиски старешини, изјави Ердоган во април, наведе ДПА.

Ердоган побара од Киргистан да ги затвори училиштата на Ѓулен

Матеја Петровски — Sun, 02 Sep 2018 08:40:27 +0000

За време на својата посета на Киргистан, турскиот претседател Реџеп Тајип Ердоган го повика раководството на оваа држава што поскоро да се справи со групите поврзани со организаторот на државниот удар од 2016 година Фетула Ѓулен. Ероган го отворил ова прашање на средба со киргистанскиот претседател Соронбај Жеенбеков, предупредувајќи го дека училиштата и бизнисите поврани со Ѓулен се закана за безбедноста на оваа држава. - Не сакаме нашиот братски народ да се соочува со слични проблеми како и ние. Овие групи можат да се инфлитрираат во Министерството за внатрешни работи, во воените структури, и да извршат државен удар, изјави Ердоган на заедничката прес конференција Жеенбеков, кој пак изјави дека институциите на Ѓулен во Киргистан се под контрола на Владата. Турција води кампања низ Европа и Азија за затворање на училиштата што во изминатите децении ги отвори ѓуленистичкото движење. Некои од државите ги прифаќаат турските барања, ги затвораат училиштата и екстрадираат осомничени „ѓуленисти“ додека други одбиваат да го сторат тоа.(миа)